ՄԱՔՐՈՒՄ
Մաքրումը համալիր խնամքի կարևորագույն մասն է ցանկացած տարիքում, և հատկապես՝ հորմոնալ փոթորիկի ժամանակահատվածում, երբ մաշկային արտաթորանքը բավականին առատ է, ինչն էլ հանգեցնում է գրգռվածությունների և ակնեի առաջացման։ Առավոտյան և երեկոյան մաքրումը մաշկի մակերեսից կհեռացնի դիմահարդարման մնացորդները և աղտոտվածությունը, ինչպես նաև կհաղորդի հակամանրէական արդյունք։ Օրվա ընթացքում չափից շատ հոգնելու և միայն մահճակալի մեջ հնարավորինս շուտ հասնելու մտքեր ունենալու դեպքում՝ դպրոցից վերադառնալուն պես կոսմետիկան մաքրելը դարձրու ավանդույթ։ Այս կերպ դու անկողին կմտնես բացառապես մաքուր դեմքով։
Մենք խորհուրդ ենք տալիս «Մաքրության կոդ» լվացվելու գելը
ՇԵՐՏԱԶԱՏՈՒՄ
Այն հորմոնները, որոնք արտադրում է երիտասարդ, աճող օրգանիզմը, կարող են դանդաղեցնել մաշկի նորացման գործընթացը, որն իր հերթին հանգեցնում է մահացած բջիջների կուտակվելուն։ Դրանցից ազատվելու համար կան շերտազատող միջոցներ։ Ի դեպ, դրանք գնելու կարիք չկա։ Քո սովորական լվացվելու գելը կարող է կատարել այդ ֆունկցիան, եթե մաքրման փուլում կիրառես մուսլինե անձեռոցիկներ կամ մաշկը մաքրելու սարք։ Այն ոչ միայն մակերեսից կհեռացնի աղտոտվածությունը, այլև կմաքրի ծակոտիները։ Որպես տարբերակ՝ կարող ես օգտագործել դեմքի սկրաբ (օրինակ՝ PureSkin շարքից), որը նաև կմաքրի ծակոտիներն ու կհաղորդի հակամանրէական էֆեկտ։
ԽՈՆԱՎԱՑՈՒՄ
Յուղոտ մաշկ ունենալու դեպքում (իսկ դեռահասների մոտ, որպես կանոն, խնդրի մեղավորը հորմոններ են)՝ խոնավացնող քսուքի մեկ շերտը կարող է քեզ թվալ անհեթեթ։ Այնուամենայնիվ, դա միանգամայն անհրաժեշտ գործընթաց է։ Այսօր շուկայում կան բազմաթիվ թեթև, ոչ յուղոտ միջոցներ, որոնք չեն խցանում ծակոտիները և չեն հանգեցնում անցանկալի փայլի առաջացմանը։
Մենք խորհուրդ ենք տալիս «Մաքրության կոդ» փայլատող քսուքը։
ՊԱՇՏՊԱՆՈՒԹՅՈՒՆ
Քառասունից բարձր տարիք ունեցող ցանկացած կնոջից հարցրու մաշկը խնամելու խորհուրդ, ամենայն հավանականությամբ նա կասի. «Օգտագործիր արևապաշտպան միջոցներ»։ Մենք կարող ենք միայն հաստատել այս կանոնը․ ամեն օր՝ առավոտից մինչև երեկո՝ անկախ եղանակային պայմաններից, օգտագործիր SPF-ով միջոցներ։ Պարզապես հավատա մեզ, և 20-30 տարի անց, նայելով հայելու մեջ, շնորհակալ կլինես ինքդ քեզ՝ հեռատես լինելու համար և կվայելես առողջ և շողացող մաշկը։
ԴԻՄԱՀԱՐԴԱՐՈՒՄ
Կարող ես հավատալ կամ՝ ոչ, սակայն քո մաշկի լավագույն տարիները շատ կարճ են (պատմական հեռանկարում)՝ 13-ից 18 տարեկան ժամանակահատվածը։ Հարթ, առանց որևէ կնճիռի և անգամ փոքրիկ բշտիկի մաշկ՝ այն անթերի է։ Ծայրահեղ դեպքում քեզ միշտ կարող է օգնել քողարկիչը, եթե առաջացել է որևէ փոքրիկ թերություն թաքցնելու անհրաժեշտություն։ Պարզապես տարածիր Խոնավացնող միջոցի բարակ շերտ և շտապիր գրավել աշխարհը։
ՊԱՐԶ ԼՈՒԾՈՒՄՆԵՐԻ ՈՒԺԸ
Մենք գիտենք՝ որքան մեծ է ժամանակակից հակատարիքային միջոցներ օգտագործելու գայթակղությունը, անգամ եթե դրա համար չկա ոչ մի օբյեկտիվ նախապայման։ Մի գայթակղվիր։ Քո մաշկին անհրաժեշտ չեն ակտիվ բաղադրիչներ, որոնք օգնում են մայրիկիդ կամ մեծ քույրիկիդ։ Երիտասարդ տարիքում առավել օգտակար է ճիշտ սնունդն ու լավ քունը, իսկ ինչ վերաբերվում է խնամքին, ապա պարզիր հնարավորինս ավելին՝ քո մաշկի տիպի վերաբերյալ։ Այդ տեղեկատվությունն անպայման պետք կգա ապագայում։
