ՎԱԶՔ
Անջատիր արդեն ձանձրալի թվացող վազքի սարքը և դուրս արի այգի: Եվ ոչ միայն այն պատճառով, որ ձյունն է հալվել: Բնության գրկում վազքը շատ ավելի օգտակար է առողջության համար: Բանը այն է, որ հողն ի սկզբանե հարթ չէ: Վերելքները, զառիվայր հատվածները և տարատեսակ խոչընդոտները ստիպում են քո մարմնին աշխատել առավել արդյունավետ ու այրել ավելի շատ քանակությամբ կալորիա, քան մարզասրահում:
ՍԱՅՔԼԻՆԳ
Քամին ոչ միայն թարմացնում է, այլև ստեղծում հավելյալ դիմադրություն, իսկ դա նշանակում է՝ ծանրաբեռնվածություն: Դու վատնում ես ավելի շատ էներգիա, դառնում ավելի տոկուն, և արդյունքում՝ կենսուրախ:
ՍԹԵՓ-ՀԱՐԹԱԿ
Չկա ավելի պարզ բան, քան սթեփ-հարթակի այլընտրանքային տարբերակի որոնումը մոտակա այգում: Օրինակ՝ քեզ կարող է օգնել հասարակ նստարանը: Կքանստումներ, կողային կքանստումներ, թռիչքներ՝ արա այն ամենն, ինչին տիրապետում ես և վայելիր քեզ շրջապատող բնությունը:
ԻՆՏԵՐՎԱԼԱՅԻՆ ՄԱՐԶՈՒՄՆԵՐ
Կոմբինացված ծանրաբեռնվածությամբ կարճ ինտենսիվ մարզումները ուժային դիմադրողականությունը բարձրացնելու, արագությունն ու ուժը ավելացնելու հիանալի միջոց են: Առավելագույն կարճ ժամանակահատվածում արդյունավետ ու ծանրաբեռնված մարզում ունենալու համար բավական է գտնել փոքրիկ բլուր և կազմակերպել սպրինտ սեսիա. մաքսիմալ արագ ու կարճ ժամանակահատվածում բարձրանալ այն ու դանդաղ քայլքով իջնել ներքև: Կրկնել 30 վայրկյան հանգստանալուց հետո:
ԾԱՆՐՈՒԹՅԱՄԲ ՎԱՐԺՈՒԹՅՈՒՆՆԵՐ
Պատկերացնո՞ւմ ես՝ մարզասարքերը սովորական ծանրաբեռնվածությունը ստանալու միակ տարբերակը չեն: Ցանկացած այգում այսօր կան մարզահրապարակներ, որտեղ կարող ես գտնել և՛ պտտաձող, և՛ զուգափայտեր: Մարմնի մկանները մարզելու համար ձգտումներից ու հրումներից ավելի լավ տարբերակ մարդկությունը դեռ չի հնարել:
ՈՍՏՅՈՒՆԱԹՈԿ
Դու կզարմանաս, թե որքան ուրախ կարող են լինել կարդիոմարզումները:
