7 միջոց, որոնք կօգնեն, որ գործվածքային դիմակը հրաշքներ գործի

Գործվածքային դիմակներից ոչ մի փոփոխություն չես զգում և չե՞ս հասկանում, թե ինչու են բոլորը հիանում դրանցով: Արի՛ հասկանանք: Հետևի՛ր մեր ստուգման թերթիկին գեղեցկության տնային գործընթացների ժամանակ և ստացի՛ր իսկական կախարդանք:

Հանել փաթեթից, պահել 15 րոպե, մաքրել՝ և մաշկը փայլում է ինչպես 8-ժամյա քնից կամ ծովային շրջագայությունից հետո: Գործվածքային դիմակները սիրված և պահանջված են իրենց պարզ կիրառման և արագ ազդեցության համար: Դրանք հարուստ են ակտիվ բաղադրիչներով և ունեն մեծ խտություն: Հետևի՛ր պարզ կանոններին և ստացի՛ր 100 տոկոսանոց արդյունք:

1. Մաքրի՛ր մաշկն ինչպես հարկն է
Այո՛, մենք գիտենք, թե որքան մեծ է լինում դիմակը դեմքին վայրկյան առաջ բազմոցին ընկնելու և սիրված սերիալը դիտելու ցանկությունը: Հանե՞լ ես դիմահարդարումը: Մի՛ շտապիր: Խնամքով լվացվի՛ր սիրված գելով կամ փրփուրով, օգտագործի՛ր «Կոնյակու» սպունգը կամ խոզանակ:  Իսկ ավելի լավ է՝ մերսի՛ր մաշկդ սկրաբով կամ գոլորշահարի՛ր այն: Ծակոտիները մեռած բջիջներից և սեբումից մաքրելը կարևոր է:  Այդպես ակտիվ բաղադրիչներն ավելի խորը կներթափանցեն:

2. Լվա՛ ձեռքերդՆախքան դիմակի փաթեթը բացելը լվա՛ և չորացրո՛ւ ձեռքերդ, ցանկալի է՝ հակաբակտերիալ օճառով: Միայն պատկերացրո՛ւ, որ միկրոբները քո ափերից անցել և թափանցել են դեմքիդ և դիմակի շերտի միջև գտնվող խոնավ, սնուցող միջավայր և անցկացրել են այնտեղ գրեթե կես ժամ: Լավագույն դեպքում՝ դիմակը թույլ ազդեցություն կունենա, սակայն հնարավոր են նաև ցանը և ալերգիան: 

3. Տարածի՛ր դիմակն ամբողջ դեմքին
Այտերի վրա դիմակը կուտակվել է, իսկ դնչի վրա ընդհանրապես պոկվե՞լ: Զինվի՛ր համբերությամբ և հարթեցրո՛ւ: Դիմակը պետք է ծածկի դեմքի ամբողջ մակերեսը, և պետք է հնարավորինս ամուր նստի մաշկին: Հենց այդ պատճառով ավելի լավ է նստած մնալ միևնույն տեղում, իսկ է՛լ ավելի լավ է՝ պառկել: Եթե գործվածքային դիմակն անընդհատ հոսում է, շարժվում դեմքի վրա կամ պոկվում՝ այն անիմաստ է դառնում: Պարզապես թուլացի՛ր և համարի՛ր, որ դրանք քո վաստակած հանգստի րոպեներն են:

4. Հետևի՛ր ժամանակին
Դիմակը չպետք է չորանա դեմքին: Մաշկի մակերեսից գոլորշիանալով՝ որոշ բաղադրիչներ կարող են չորություն և գրգռվածություն առաջացնել: Հրահանգներում 15 րոպե՞ է նշված: Հանի՛ր այն ժամանակ, երբ դիմակը դեռ նույնքան խոնավ է, որքան փաթեթի մեջ էր:

5. Մի՛ լվացվիր հետո
Գործվածքային դիմակի ներծծման բանաձևի մեխը կայանում է նրանում, որ այն պետք է անպայման մնա մաշկին: Հենց այդկերպ դու առավելագույն արդյունք կստանաս դրա կազմում գտնվող ակտիվ բաղադրիչներից: Եթե հեղուկը չափազանց երկար ժամանակ է պահանջում ներծծման համար կամ անհարմարավետության զգացում է առաջացնում, դրա ավելցուկը հանի՛ր անձեռոցիկով:

6. Մի՛ սահմանափակվիր դիմակով
Եթե այսօր դիմակ ես օգտագործել, դա չի նշանակում, որ այն կփոխարինի մաշկի խնամքի ստանդարտ բոլոր քայլերը: Մաքրման մասին արդեն խոսեցինք: Տոնիկն անհրաժեշտ է տարածել դիմակից առաջ, իսկ շիճուկը՝ հետո և ըստ ցանկության:  Իսկ ահա դեմքի և աչքերի շուրջ հատվածի համար քսուքները պարտադիր են: Տարածի՛ր դրանք այն բանից հետո, երբ դիմակի հեղուկը ներծծվել է, այդկերպ դու մաշկի ներսում կդրոշմես ակտիվ բաղադրիչները:  

7. Փոխի՛ր ըստ սեզոնի և մաշկի պահանջմունքների
Մենք հավատում ենք, որ քո նախընտրած դիմակը հարթեցնում է մաշկդ, սնուցում և առաձգական դարձնում այն, լավ տրամադրություն հաղորդում քեզ:  Սակայն տարվա եղանակից և կլիմայից, ինչպես նաև կանացի ցիկլերից կախված՝ մաշկի պահանջմունքները փոխվում են: Ընտրելու կարիք չկա, վերցրո՛ւ բոլորն ու փոփոխիր՝ մաշկի վիճակից կախված:

Ի՞նչ փորձել
Մենք համոզված ենք, որ գործվածքային դիմակի համար միշտ և ամենուր կարելի է հարմար պահ գտնել: Հատկապես, որ վառ փաթեթավորումը և հյութեղ մրգային բույրը բարձրացնում են տրամադրությունը: Դժվար աշխատանքային շաբա՞թ եք ունեցել: Ուրեմն՝ կանացի սպա-երեկույթի ժամանակն է: Տարածի՛ր Love Nature-ի՝ նարնջով և վարսակով նորացնող դիմակը: Այն կքչացնի հոգնածության հետքերը, ինտենսիվորեն կխոնավացնի և կվերականգնի մաշկի փայլը: Մեկնում ես երազանքիդ ուղևորությա՞նը: Վերցրո՛ւ քեզ հետ հակաօքսիդիչ դիմակ: Խաղողի բնական քամվածքները կօգնեն վերականգնել և պաշտպանել մաշկը ագրեսիվ շրջակա միջավայրից՝ արևից, քամուց, ավազից, չորությունից: Օգտագործի՛ր ցանկացածդ դիմակը, երբ ուզում ես մի պահ կանգնեցնել առօրյայի արագ ընթացքը և վայելել վաստակած հանգստիդ 15-20 րոպեները: Իսկական երջանկություն մաշկի համար:

Տեքստ Ֆոտո Oriflame