Ամեն տարի նույնը՝ ձմեռային տոներից առաջ սկսվում է միջոցառումների շարքը, կորպորատիվները, ընկերների հետ հանդիպումները և իհարկե, երկար սպասված Նոր տարին: Սեղանը ծփում է գաստրոնոմիկ յուրահատուկ ուտեստներից, քաղցրավենիքից և բոլորի կողմից սիրելի ավանդական ուտեստներից: Բացի խրախճանքից մեզ սպասվում է նաև օրվա և սննդի ռեժիմի խախտումներ, որոնք կարող են հանգեցնել տրամաբանական հետևանքների՝ ավելացված կիլոգրամներ, այտուցվածություն, տոնուսի և մկանակին զանգվածի կորուստ, հոգնած մաշկ և ապատիա:
Բայց սա դեռ տխրելու պատճառ չէ և պետք չէ տոներից հետո ողջ ուժով ծանր միջոցների դիմել՝ հետևանքներն արագ վերացնելու համար:
Դե ինչ, սկսենք:
- Շարժվի'ր մաքուր օդին
Սկսի'ր զբոսանքներից` աստիճանաբար վերադառնալով առողջ ապրելակերպին: Ֆիզիկական ակտիվությունը խթանում է մտավոր աշխատանքը, այդ իսկ պատճառով սպորտը կարթնացնի ուղեղդ և կթարմացնի օրգանիզմդ: Տոներից հետո հրաշալի տարբերակ են կարդիովարժությունները, և պարտադիր չէ գումարներ ծախսել մարզասրահներում: Կարելի է փոխարինել դրանք զբոսանքներով: Ի գիտություն՝ կեսժամյա զբոսանքը այրում է կալորիաները, լավացնում է արյան շրջանառությունը և պահպանում է իմունային համակարգի աշխատանքը:
2. Աստիճանաբար վերադարձի՛ր առողջ սննդին
Այնքան էլ ճիշտ չէ երկարաժամկետ հացկերույթներից հետո սկսել սովամահ լինել: Հիշի՛ր, եթե օրգանիզմը կտրուկ դադարում է սնունդ ստանալ, ապա քիչ էներգիա ես ունենում: Նյութափոխանակությունը դանդաղում է և սնուցող նյութերը ոչ թե էներգիայի են վերածվում, այլ ճարպի: Սկսի՛ր շատ միրգ և բանջարեղեն ուտել, որպեսզի աստիճանաբար կարգավորես սննդակարգդ և իհարկե ամենօրյա ընդունելու վիտամիններ ավելացրո՛ւ:
3 . Կարգավորի՛ր ջրի բալանսը
Ջուրն արագացնում է նյութափոխանակությունը և ստիպում է օրգանիզմին արագ այրել կալորիաները: Իսկ ամենակարևորն այն է, որ մենք հաճախ ծարավի զգացողությունը խառնում ենք սովի հետ, այնինչ ջուրը կարող է հագեցվածության զգացողություն հաղորդել: Նվազագույնը մեկ բաժակ ջուրը կպաշտպանի քեզ տոնական փաթեթներից հանկարծակի քեզ մոտ հայտնված կոնֆետից:
4. Լավ քնի՛ր
Բավականաչափ քնի՛ր, որպեսզի մտքերդ տոնուսի մեջ պահես: Քնի հետ կապված խորհուրդն ամենակարևորն է այս հոդվածում: Փորձի՛ր պառկել մինչ կեսգիշեր և արթնանալ նույն ժամին՝ օրգանիզմդ շուտով կսովորի ռեժիմին և կսկսի արթնանալ մինչ զարթուցիչի ձայնը: Հիշի՛ր, որ քնի որակը տևողությունից կարևոր է: Որակյալ քունը կօգնի մնալ տոնուսի մեջ, լավ տրամադրություն ունենալ և իհարկե պահպանել իմունիտետդ:
5. Փնտրի՛ր ոգեշնչում
Եվ վերջինը՝ մոտիվացրո՛ւ քեզ: Տոներից հետո միշտ դժվար է վերադառնալ սննդի և աշխատանքի բնական ռեժիմին: Սկսի՛ր նպատակներ դնել քո առջև և խրախուսի՛ր քեզ դրանց հասնելուց. չէ՞ որ հենց ներդրված ջանքերից է կախված, թե որքան արագ կմոտենաս բաղձալի երազանքներին:
Ճիշտ սնվի՛ր, համեղ միջուտեստ ընտրի՛ր, ներառի՛ր վիտամիններ ամենօրյա ռացիոնիում, սպորտով զբաղվի՛ր և պահպանի՛ր ոգին: Սա հաստատ կօգնի քեզ նոր կյանք սկսել տոներից հետո:
