Կատարյալ համադրություն. ինչպես է Oriflame-ը ստեղծում իր մաշկի խնամքի միջոցները

Oriflame-ը Եվրոպայի ուղիղ վաճառքներով զբաղվող ընկերություններից առաջինն էր, որ սկսեց առաջարկել բնական բաղադրիչների հիմքով մաշկի խնամքի միջոցներ: Այստեղ իրենց հատուկ դերն են ունեցել այն մարդիկ, որոնք զբաղվել են հետազոտություններով ու մշակումներով: Ծանոթանանք նրանց հետ:

ԳԻՏՈՒԹՅՈՒՆ ԵՎ ԲՆՈՒԹՅՈՒՆ. ՀԱՅԱՑՔ ԴԵՊԻ ՊԱՏՄՈՒԹՅՈՒՆ
Մաշկի խնամքի բնական միջոցների թեման Oriflame-ի համար նոր չէ: Արդեն 1967 -ին ստեղծվել էին այդ ժամանակների համար հեղափոխական միջոցներ բուսական մզվածքներով, որոնք պարունակում էին քիչ քանակությամբ բուրահաղորդիչներ: Սա արվել էր ալերգիկ ռեակցիայի առաջացման ռիսկը նվազեցնելու համար: Շատ կարճ ժամանակ անց այս մոտեցումը դարձավ միտում՝ ողջ կոսմետիկական ինդուստրիայում:

Մեզ միշտ առանձնացրել է մեր արտադրանքը բարելավելու, առավել արդյունավետ լուծումներ գտնելու և կայուն զարգացման սկզբունքներին համապատասխան աշխատելու կրքոտ ցանկությունը: Տարեցտարի բնության նկատմամբ մեր հարգանքի զգացումը միայն ավելանում է: Մեր գիտնականները անդադար փնտրում են նոր օգտակար բաղադրիչներ, նրանք հետազոտում են բույսեր ամբողջ աշխարհից, ուսումնասիրում այն ամենն, ինչ աճում է հողի վրա և ջրում, կիրառում ամենաժամանակակից կենսատեխնոլոգիաներն ու բացահայտում մարդկային օրգանիզմի գաղտնիքները: Այս ուղու վրա մենք արել ենք բազմաթիվ բացահայտումներ:

Օրինակ՝ մենք դարձանք առաջին կոսմետիկական ապրանքանիշը, որը ստեղծեց բնական բաղադրիչների հիմքով արևապաշտպան միջոցներ: Օրիֆլեյմը նաև ուղիղ վաճառքներ իրականացնող միակ ընկերությունն է, որը զբաղվում է բջջանյութերի ուսումնասիրությամբ սեփական հետազոտական կենտրոններում: Մեր Ecobeauty շարքը եղել է իր դասի մեջ առաջինը, որ ստացել է Fairtrade, Ecocert, Բուսակերների հասարակության և անտառների պաշտպանության խորհրդի արտոնագրերը:

ORIFLAME-Ի ԳԱՂՏՆԻ ԲԱՆԱՁԵՎԸ
Այս զարմանահրաշ բացահայտումները հնարավոր դարձան՝ շնորհիվ Օրիֆլեյմի եզակի ու պրոգրեսիվ մշակույթի: Դա ստեղծելու հարցում իր մեծ դերն ունեցավ  հետազոտությունների ու մշակումների ավագ փոխնախագահ Մերի Լորդը:

Մերին ընկերությունում աշխատում է 35 տարի, և առաջին իսկ օրերից նա հետևել է, որ աշխատանքի ընդունվեն ոչ միայն բարձր որակավորում ու փորձ ունեցող մարդիկ, այլև աշխատեն ու մտածեն՝ առանց խիստ սահմանափակումների:

Այսօր մեր հետազոտական կենտրոններում աշխատում են ավելի քան 100 մարդ: Նրանց առանձնացնում է ստեղծագործական մոտեցումը, հետաքրքրասիրությունը, երևակայությունը, սրանք հատկություններ են, որոնք անհրաժեշտ են կարևոր բացահայտումներ կատարելու համար:

Մշտական նորարարությունները ենթադրում են բազմաթիվ հետազոտություններ ու թեստեր: Մենք դրանք անցկացնում ենք մեր հետազոտական կենտրոններում՝ կլինիկական պայմաններում՝ այդ կերպ ապահովելով մեր մշակումների բարձր որակն ու արդյունավետությունը:

Оրինակ՝ մեր թմից պահանջվեց անցկացնել մաշկի համալիր խնամքի արդյունքների հետազոտություն՝ համեմատած այն արդյունքների, որոնք արձանագրվել են առանձին միջոցների օգտագործման դեպքում: Այս հետազոտության ընթացքում պարզվեց, որ համալիր օգտագործման արդյունքները իրենց արդյունավետությամբ յոթ անգամ գերազանցում են առանձին միջոցների կիրառմամբ ձեռք բերված արդյունքը: Սա հսկայական տարբերություն է: Դա նշանակում է, որ մենք ոչ միայն օգնում ենք մեր հաճախորդներին ընտրել անհրաժեշտ միջոցներ, այլև դարձնում նրանց կյանքը էականորեն ավելի լավը:

Տեքստ