Հարցեր տղամարդկանց կողմից

Մենք հավաքել են տղամարդու մաշկի խնամքին վերաբերվող հաճախակի տրվող հարցերը, որպեսզի մշտապես կարողանաս կատարել ճիշտ քայլ՝ ցանկացած խնդիր լուծելու համար։

Ես ունեմ թեփ։ Ի՞նչ անել
Թեփը տղամարդկանց մազերին առընչվող ամենահաճախ հանդիպող խնդիրն է, որը հնարավոր է լուծել առանց ջանք գործադրելու՝ ճիշտ խնամք ապահովելով։ Առաջին հերթին ընտրիր ճիշտ շամպուն։ Որպես կանոն՝ տղամարդկանց գլխամաշկը 50%-ով ավելի յուղոտ է, քան կանանցը, այդ պատճառով սխալ է օգտագործել ընկերուհուդ շամպունը, ավելին՝ քեզ նաև հարմար չեն «ունիսեքս» կատեգորիայի միջոցները։ Դա պետք է լինի հատուկ տղամարդկանց համար նախատեսված միջոց, որը մանրակրկիտ կմաքրի գլխի մաշկը, ինչպես նաև ծակոտիներից կհեռացնի ավելորդ ճարպը։

Երկրորդը՝ գլուխը չի կարելի լվանալ չափից շատ տաք ջրով։ Սա գրգռում է մաշկը և միայն բարդացնում իրավիճակը։ Նախապատվությունը տուր նորմալ ջերմաստիճանին, իսկ ընթացքում մի՛ տրորիր և մի՛ քերծիր գլուխը։ Իսկ երրորդը՝ պահպանիր չափի զգացողությունը ոճավորման միջոցների օգտագործման դեպքում և ամբողջությամբ հրաժարվիր մազերի համար նախատեսված ալկոհոլ պարունակող ցանկացած միջոցից։

Մազերս նոսրանում են։ Ինչպե՞ս կանգնեցնեմ այս գործընթացը։
Եթե սա քեզ կհանգստացնի, իմացի՛ր․ նոսրացող մազերի խնդիրը ծանոթ է 35-ն անց տղամարդկանց 40%-ին։ Իսկ եթե նման պատասխանը քեզ չի գոհացնում, շտապենք կիսվել այն քիչ խորհուրդներով, որոնք կարող են իրապես օգնել։ Ամենից առաջ, ինչպես և թեփի դեպքում, չափազանց կարևոր է ճիշտ միջոցների օգտագործումը։ Ոչ մի շամպուն ունակ չէ խթանել քո մազերի առավել արագ աճը, սակայն կան միջոցներ, որոնք կստեղծեն խիտ և առողջ մազերի տպավորություն։ Պրոֆիլակտիկայի նպատակով կարող ենք խորհուրդ տալ խուսափել հարդարման համար նախատեսված «ծանր» միջոցներից, և ընդհանրապես չչարաշահել դրանց կիրառումը։ Վերջ ի վերջո, գեղեցիկ տեսք ունենալու համար երբեմն  բավական է միայն վարսահարդարիչի օգտագործումը։ 

Աչքերիս տակ կան մուգ շրջանակներ և այտուցվածություն։ Ինչպե՞ս պայքարել:
Սկսենք նրանից, որ մուգ շրջանակները կարող են փոխանցված լինել ժառանգաբար, այս դեպքում հնարավոր չէ դրանց դեմ պայքարել, որքան էլ ջանքեր գործադրես։ Սակայն կարևոր է իմանալ, որ աչքերի շուրջ մաշկը տարբերվում է մարմնի այլ հատվածների մաշկից, այն ավելի նուրբ է և առավել նախատրամադրված արտաքին ազդեցություններին։ Այդ պատճառով այն խնամելու համար անհրաժեշտ են հատուկ միջոցներ, որոնց մշակման ժամանակ հաշվի են առնվել այդ առանձնահատկությունները։ Աչքերի շուրջ մուգ շրջանակների դեմ պայքարելու լավագույն միջոցը (բացի աչքերի շուրջ հատվածի համար քսուքը) 7-8 ժամ տևողությամբ առողջ քունն է։

Ինչպես խուսափել ներաճած մազերից (պարանոցի և դեմքի հատվածում)
Սա հանդիպում է յուրաքանչյուրի մոտ, սակայն ալիքավոր մազեր ունեցողներն ավելի նախատրամադրված են տվյալ խնդրին։ Ներաճած մազերի առաջացումը կանխարգելելու համար անհրաժեշտ է կանոնավոր կերպով օգտագործել սկրաբ, այն մաքրում է ծակոտիները և չի թույլ տալիս բշտիկներին խցանվել մահացած բջիջներով, արդյունքում մազերն աճում են ազատ և անհրաժեշտ ուղղությամբ։ Եթե լրջորեն հոգ ես տանում քո արտաքինի մասին, մտածիր մաշկը մաքրելու գործիք ձեռքբերելու մասին, հատկապես մորուք կամ ցցամազեր ունենալու դեպքում։ Այլ դեպքում մաշկի մաքրումն անգամ մազի բարակ շերտի ծածկույթի դեպքում դժվար թե որակյալ լինի։


Ինչպե՞ս կանխարգելել կնճիռների առաջացումը
Ակնառու պատասխան․ խոնավացրեք դեմքի մաշկը, քանի որ չոր մաշկը հակված է վաղաժամ ծերանալուն։ Սակայն անգամ լավագույն քսուքը չի օգնի հաղթահարել կնճիռները, քանի դեռ քո կյանքում կլինեն երիտասարդ մաշկի 3 ոխերիմ թշնամիները՝ արևի ուղիղ ճառագայթները, ծխախոտը և շաքարը։ Այո, հենց շաքարը, քանի որ այն քայքայում է կոլագենը, ինչը հանգեցնում է կնճիռների առաջացմանն ու մաշկի առաձգականության կորստին։

Մարմնի որ հատվածին է ճիշտ տարածել պարֆյում
Շատերը սխալմամբ կարծում են, որ պարֆյումը տարածելու լավագույն հատվածը զարկերակի և ականջի հետևի հատվածն է։ Իրականում դա այդպես չէ։ Այս հատվածներում մարմնի ջերմաստիճանը փոքր-ինչ բարձր է, արդյունքում բույրն ավելի արագ է ցնդում։ Առավել նպատակահարմար է պարֆյումը տարածել կրծքավանդակի վերին հատվածին (անրակներից քիչ ներքև)։ Այն կմնա մաշկիդ և վերնաշապիկիդ արանքում և շարժման դեպքում օձիքից կտարածվի։ Նույն պատճառով էլ կարող եք պարֆյումը տարածել բիցեպսի ներքին հատվածին և արմնկածալին։ 



Տեքստ Ֆոտո Getty Images, Fotolia

Գնել

Նմանատիպ հոդվածներ