Մեկ օրակարգ. ինչպես կարգի բերել կյանքը և սիրել առողջ սովորությունները

Ձենի հասնելու և սթրեսներից խուսափելու համար պարտադիր չէ հեռավոր երկրներ գնալ, փորձի՛ր համալիր մոտեցում ցուցաբերել խնդիրների լուծմանը: Պատմում ենք՝ ինչպես դա անել:

ԻՆՉՈ՞Ւ Է ԿԱՐԵՎՈՐ ԿԱՆՈՆԱՎՈՐՈՒԹՅՈՒՆԸ
Որպես օրինակ՝ վերցնենք մաշկի խնամքը: Եթե անել միևնույն բաներն ամեն օր՝ մաքրել մաշկը առավոտյան և երեկոյան, օգտագործել տոնիկ և ցերեկային ու գիշերային քսուքներ, ինչպես նաև աչքերի շուրջ հատվածի քսուք, մաշկդ քեզ շնորհակալ կլինի: Շուտով այդ գործողությունները սովորություն կդառնան: Դա այնքան էլ շատ ժամանակ չի խլում. երկու րոպե առավոտյան և երկու րոպե երեկոյան: Մշտական համալիր խնամքի պարագայում դու մշտական արդյունք կունենաս. առողջ, գեղեցիկ և շողացող մաշկ: Համաձայնեք, որ սա ավելի հեշտ է, քան մաշկը ժամանակ առ ժամանակ խնամելն ու ակնեի, բորբոքումների, երանգի խամրածության կամ նույնիսկ դիմախաղի ու խորը կնճիռների տեսքով խնդիրները լուծելը:  

Կանոնավոր գործողությունները հեշտացնում են կյանքը, խնայում են ժամանակ և օգնում են հասնել նպատակներիդ: Ավելացնենք նաև վատ սովորություններից ազատվելը, ինքնավստահության ավելացումը և սթրեսի հանդեպ ավելի դիմացկուն դառնալը: 

ԻՆՉՊԵ՞Ս ՍԿՍԵԼ ԱՅՍ ԱՄԵՆՆ ԱՆԵԼ ԿԱՆՈՆԱՎՈՐ ԿԵՐՊՈՎ (ԿԱՄ ԲԱՐԵԼԱՎԵԼ ԿՅԱՆՔԸ)
Նույնիսկ Հռոմը միանգամից չի կառուցվել: Իրավիճակը փոխելու համար, գործի՛ր փոքր քայլերով: Այո, սա կտևի մի փոքր ավելի երկար, քան դու ցանկանում էիր, կպահանջվի ավելի շատ համբերություն և ուշադրություն, սակայն արդյունքը հուսախաբ չի անի: Իզուր չէ, որ ասում են՝ սովորությունն ամրապնդելու համար 21 (ոչ թե երկու) օր է անհրաժեշտ: Մինչ դու կսկսես, հստակեցրու նպատակդ: Ցանկանում ես նիհարե՞լ: Քնել 8 ժա՞մ: Սկսել սպորտո՞վ զբաղվել: Հասկացի՛ր՝ ի՞նչի ես ուզում հասնել և ի՞նչ է քեզ անհրաժեշտ դրա համար: Գործի՛ր ոչ մեծ քայլերով:

1. ՆՊԱՏԱԿ. ՈՒՏԵԼ ԱՌՈՂՋ ՍՆՈՒՆԴ ԿԱՄ ՆԻՀԱՐԵԼ
Այս հաշվեկշիռը խախտելու համար կան բազում հանգամանքներ՝ կյանքի ռիթմը, տրամադրությունը, սեզոնային փոփոխությունները: Եթե փորձել ես սնվել ճիշտ, ապա կհաստատես. անհնար է կառավարել ամեն ինչ: Կյանքը լի է անակնկալներով, և հենց դրանով էլ այն հիասքանչ է: Այսօր կուտես բացառապես աղցան, իսկ հաջորդ օրը կունենաս բուրգեր ուտելու մեծ ցանկություն: Այս ցանկություններն էլ հենց անկանխատեսելիության գործոններ են, ինչպես և գործընկերների հետ երկարատև հանդիպումը, որի պատճառով ստիպված ես բաց թողնել լանչը: Սակայն առողջ և ուժերով լի ինքնազգացողություն ուզում ես ունենալ ամեն օր: Փորձի՛ր ուտել ավելի շատ մրգեր և բանջարեղեն ու ավելի քիչ քաղցրավենիք: Հենց սա կլինի առաջին քայլը դեպի առողջ կենսակերպ:

ԽՄԲԱԳՐԻ ԽՈՐՀՈՒՐԴԸ. առողջության հիմքը՝ առողջ սովորույթները (այդ թվում ճիշտ սնվելու սովորույթը), կարելի է ձևավորել Wellness-այբ համալիր մոտեցման օգնությամբ: Այս դեպքում անհանգստանալու կարիք չկա, եթե մոռացել ես ընդմիջել կամ գրասենյակում երկար ժամանակ անցկացնելուց հետո մոռացել ես այցելել առողջ սննդի մոտակա խանութ:  Առողջ կենսակերպի պատմություն կերտելը հնարավոր է նաև առանց զոհաբերությունների: 

2. ՆՊԱՏԱԿ. ՍԿՍԵԼ ՍՊՈՐՏՈՎ ԶԲԱՂՎԵԼ
Առողջ ու ակտիվ կյանքի համար բավական է օրական 20-30 րոպե ֆիզիկական վարժություններ: Սակայն ո՞վ է դա իսկապես անում: Եթե սպորտի հետ հարաբերություններդ կանոնավոր չեն, օրական նույնիսկ 30 րոպեն անհաղթահարելի է թվում: Մի՛ անհանգստացիր: Մենք չենք համոզում քեզ ամեն օր մարզասրահ այցելել կամ յոգայի հաճախել: Սկսի՛ր կարճ զբոսանքներից: Ավտոբուսից կամ մետրոյից իջի՛ր մի քանի կանգառ շուտ: Մինչ ճաշարան ոտքով քայլիր: Անտարբերության մատնիր վերելակը: Աստիճանաբար կնկատես, որ օրական 10 000 քայլ նպատակին արդեն հասել ես: Առանց ջանքերի ու զոհերի:

3. ՆՊԱՏԱԿ. ՔՆԵԼ ՆՎԱԶԱԳՈՒՅՆԸ 8 ԺԱՄ ԵՎ ԱՎԵԼԻ ԱԿՏԻՎ ԼԻՆԵԼ
Ինչպես քեզ, այնպես էլ մաշկիդ անհրաժեշտ է հանգիստ և վերականգնում: Բացի այդ, բավարար չափով քունն ուղղակիորեն ազդում է արտաքին տեսքի, ընդունվող որոշումների և արձագանքման արագության վրա: Չե՞ս կարող լիցքաթափվել ծանր օրվանից հետո: Անջատի՛ր բոլոր գաջեթները քնելուց մեկ ժամ առաջ, լոգանք ընդունիր և կարդա սիրելի գիրքը: Թող ողջ աշխարհը սպասի: Իսկ վաղը դու կանես ավելին նույնիսկ ավելի կարճ ժամանակահատվածում: Գրկում ենք:

Տեքստ Ֆոտո Oriflame