ՇԵՐՏԱԶԱՏՈՒՄ
Դու կարող ես զինվել բոլոր լավագույն (կամ թանկարժեք) խնամքի միջոցներով, սակայն մաշկի մակերեսից մահացած բջիջները չհեռացնելու դեպքում՝ ոչ մի կոսմետիկ նորարարական միջոց քեզ չի օգնի։ Խոնավացնող միջոցի՝ մաշկի խորը շերտեր հեշտությամբ ներթափանցելու համար անհրաժեշտ է կատարել շերտազատում։ Եվ քանի որ արևի ճառագայթների ներքո մաշկը դառնում է փխրուն, ընտրիր բնական հատիկներով շերտազատող միջոցներ։ Դա կապահովի առավել հոգատար խնամք և չի պատճառի հավելյալ վնաս։
С ՎԻՏԱՄԻՆ
Իսկ դու գիտե՞ս, որ շրջակա միջավայրի գործոնները (առաջին հերթին՝ արևի ճառագայթները) առաջացնում են մաշկի ծերության նշանների մինչև 80%-ը։ Հենց այս պատճառով էլ այդքան կարևոր է արևապաշտպան միջոցների օգտագործումը։ Մաշկը պաշտպանելուց բացի, ինչպես նաև դրա վիճակը բարելավելու համար՝ ընտրիր С վիտամին պարունակող միջոցներ։
ԳՈՒՆԱԿԱՅԻՆ ՀԵՏՔԵՐ
Ճակատը, այտերը և շուրթերի վերին հատվածներն աշնան առաջին ամիսներին առավել հակված են մուգ բծերի առաջանալուն։ Երանգը համաչափ դարձնելու համար օգտագործիր մելանինի արտադրությունը կրճատող և մաշկի երանգի փոփոխությունների դեմ պայքարող միջոցներ։
ՄԻՋԱՏՆԵՐԻ ԽԱՅԹՈՑՆԵՐ
Միջատների խայթոցները ոչ միայն առաջացնում են տհաճ քոր, այլև կարող են անցնելուց հետո մաշկի վրա թողնել բծեր։ Դրանից խուսափելու համար ամեն օր խոնավացրու մաշկդ և օգտագործիր գույնի փոփոխությունը կանխարգելող միջոցներ։ Եթե խայթոցից առաջացած բծերը չեն անհետանում, կարող ես այն թաքցնել քողարկիչի միջոցով։
ԳԻՇԵՐԱՅԻՆ ԽՆԱՄՔ
Գիշերային պրոցեդուրաները համալիր խնամքի անհրաժեշտ մասն են։ Մաքրող միջոցն ու տոնիկը հեռացնում են աղտոտվածությունը, իսկ շիճուկն ու գիշերային քսուքը խնամում մաշկը՝ մինչ դու քնած ես։ Մի՛ մոռացիր այս կանոնի մասին, երբ կավարտվի ամառը և կգա առօրյա ռիթմին վերադառնալու ժամանակը։
