ՆՈՐԱՁԵՎ ՆՇԱՆԱԿՈՒՄ Է ՊՐԱԿՏԻԿ
Երբեմն առավել սպորտային տեսք ունենալու համար բավական է հագնել մարզակոշիկների նոր զույգ: Սակայն սպորտային ճիշտ հանդերձանքը տալիս է ոչ միայն ուժեղ մոտիվացիա, այլ նաև պահպանում քո առողջությունը: Հնամաշ կոշիկները վնասվածքների հաճախակի պատճառ կարող են դառնալ: Վազելու դեպքում մարզակոշիկ ընտրելիս ուշադրություն դարձրու ներբանի տիպին, այն կարող է լինել հարթ, չեզոք կամ բարձր: Սպորտային հագուստն ընտրելիս կարևոր է, որ այն լինի Ձեր կառուցվածքին հարմար, իսկ գործվածքը ներծծի մաշկից ավելորդ խոնավությունը:
ՀԵՏԵՎԻՐ ԱՐԴՅՈՒՆՔԻՆ
Հայտնի է, որ մարզվողները ավելի հաճախ են օգտագործում սարքավորումներ, որոնք կարող են կրել իրենց վրա: Այսօր մեծ քանակությամբ հավելվածներից կարող ես ընտրել այն հավելվածները, որոնք կհետևեն քեզ համար կարևոր չափանիշներին: Մենք նախապատվությունը տալիս ենք այն սարքավորումներին և հավելվածներին, որոնք հիշում են երթուղին, հեռավորությունը, արագությունը և մարզումների ընթացքում վատնած ժամանակը:
ԼԻԱՐԺԵՔՈՒԹՅՈՒՆ
Քո մարզումներից իրապես առավելագույնը ստանալու համար համոզվիր, որ քո էներգիայի մակարդակը բավարար է: Ինտենսիվ մարզումներից մեկ ժամ առաջ խմիր կես լիտր ջուր՝ ջրազրկումից խուսափելու համար: Սա նաև հարմար ժամանակ է մարմինը դանդաղ ածխաջրերով «լիցքավորելու» համար: Եթե մարզումներից անմիջապես առաջ ունենաս քաղցի ուժեղ զգացողություն, կեր խուրմա կամ խաղող՝ մրգերի բաղադրության մեջ առկա արագ ածխաջրերը ակնթարթորեն կհաղորդեն էներգիայի լիցքեր:
Ո՞Վ Է ՈՒԶՈՒՄ ՀԱՎԵԼՈՒՄՆԵՐ
Հաշվեկշռված սննդակարգը առողջության և ֆիզիկական լավ կառուցվածքի գրավականն է, սակայն սովորական սննդի հետ կարող ես չստանալ կարևոր վիտամինների և միկրոտարրերի բավարար քանակություն, որոնք անհրաժեշտ են քո ֆիտնես նպատակին հասնելու համար: Շատ մարզվողներին անհրաժեշտ է հավելյալ ընդունել В վիտամին, որն օգնում է քայքայել ածխաջրերը, С վիտամին՝ նյութափոխանակությունը բարելավելու և իմունային համակարգը պաշտպանելու համար, ինչպես նաև D վիտամին՝ ոսկորների համար չափազանց կարևոր կալցիումը յուրացնելու համար:
ՄԻ՛ ՄՈՌԱՑԻՐ ՎԵՐԱԿԱՆԳՆՄԱՆ ՄԱՍԻՆ
Ինտենսիվ մարզումներից հետո մարմինը պետք է վերականգնվի, այնպես որ հանգստին հատկացրու բավականաչափ ժամանակ: Աստաքսանտինը բջջային մակարդակում կպաշտպանի քո մկանները և կբարձրացնի դիմադրողականությունը: Մարզասրահ այցելելու հետո մկանային ցավեր ունենալու դեպքում պատրաստիր կոճապղպեղով ըմպելիք և ավելացրու մի փոքր քրքում: Սա շատ արդյունավետ բնական հակաբորբոքային միջոց է:
