Գեղեցկության քուն. ինչպե՞ս հեշտությամբ քնել

Հաշվում ես ոչխարներին, որ կարողանաս քնե՞լ: Ոչ մի կերպ չե՞ս կարողանում լիցքաթափվել: Ավելի լավ եղանակներ կան: Հինգ պարզ քայլով փոխի՛ր երեկոյան մաշկի խնամքդ և ավելի շատ էներգի կզգաս առավոտյան:

1. ՆԱԽԱՊԱՏՐԱՍՏՈՒԹՅՈՒՆ
Ի՞նչ ես սովորաբար անում անկողնումդ. հանգստանում ես, աշխատում ես, փոփքորնով սերիալ ես նայում և նույնիսկ ընթրո՞ւմ ես: Եթե այո, սկսի՛ր օգտակար սովորությամբ. անկողնում՝ միայն քուն: Թող քո տանը լինի մի անկյուն, որն ամբողջապես կասոցացվի լիարժեք լիցքաթափման հետ: Այն իսկապես հարմարավետ դարձրում. ընտրի՛ր որակյալ ներքնակ և հաճելի գործվածքից անկողնային սպիտակեղեն, կախիր գիշերային լամպ և հաստ վարագույրներ, որոնք կքողարկեն փողոցային լապտերների լույսերը: Ննջարանից հանիր ավելորդ իրերը, հատկապես հեռուստացույցը:

2. ՕՐՎԱ ԸՆԹԱՑՔՈՒՄ
Զբաղվի՛ր սիրելի սպորտաձևով, բայց ոչ երեկոյան. այդպես կլիցքաթափվես, կնվազեցնես սթրեսի պատճառով հավաքած քաշն և ավելորդ էներգիան: Միառժամանակ հրաժարվի՛ր ցերեկային քնից. ճաշից հետո նույնիս 15-20 րոպեն կարող են երեկոյան քնի հետ խնդիրներ առաջացնեն: Քնելուց 8 ժամ առաջ լավ կլինի կոֆեին չօգտագործել: հիշի՛ր, որ այն ոչ միայն սուրճի, այլև շոկոլադի մեջ է առկա:

3. ՔՆԵԼՈՒՑ 3-4 ԺԱՄ ԱՌԱՋ
Թեթև ընթրիքի ժամանակն է, չէ՞ որ չես ուզում արթնանալ քաղցից: Ընտրի՛ր սպիտակուցներ և բարդ ածխաջրեր, դրանք երկար ժամանակ հագեցվածության զգացողություն կապահովեն, իսկ քաղցրը (այդ թվում՝ նաև մրգերը) չարժե երեկոյան ուտել, և հարցը միայն կառուցվածքը պահպանելը չէ: Շաքարը միանգամից բռնկում է առաջացնում, ապա արյան մեջ գլյուկոզայի կտրուկ անկում, ինքը խանգարում է քնել և նվազեցնում է քնի որակը:

4. ՔՆԵԼՈՒՑ 2 ԺԱՄ ԱՌԱՋ
Անջատի՛ր բոլոր էլեկտրական սարքերը. էկրանները կապույտ լույս են արձակում, որը բացասաբար է ազդում քնի հորմոնի արտադրության վրա: Բացի այդ, նոր տեղեկատվությունը խթանում է ուղեղի ակտիվությունը և առույգացնում է, ինչպես աշխատանքային օրվա կեսին: «Եվս մեկ սերիա ու քնելու» ասելու փոխարեն գիրք կարդա, մեդիտացիա արա կամ տաք լոգանք ընդունիր, իսկ խոնավացման համար օգտագործի՛ր նարդոսի բույրով լիցքաթափող յուղ:

5. ՔՆԵԼՈՒՑ ԱՌԱՋ
Մարմնի վերին հատվածում և բարձին ցողի՛ր նարդոսի եթերայուղի հիմքով հատուկ միջոց, որը կօգնի հանգստացնել մարմինն ու գիտակցությունը: Դիր քնելու դիմակը. այն արգելափակում է լույսն ու ստեղծում լիարժեք մթության մթնոլորտ: Օգտագործի՛ր նաև ականջախցաններ, որպեսզի ոչ մի ձայն չխանգարի քեզ քնել: Փակի՛ր աչքերդ ու պատկերացրու՝ ինչպես է մարմինը աստիճանաբար թուլանում: Ամենայն հավանականությամբ հաջորդ անգամ աչքերդ կբացես առավոտյան:

 
Տեքստ Ֆոտո Oriflame