Հայտնի է, որ առողջ քունն անհրաժեշտ է ֆիզիկական և հոգեբանական առողջության համար: Քունն այն ժամանակն է, երբ հանգստանում, նորացվում և վերականգնվում է մեր մարմինը, և հատկապես՝ մաշկը: Դու չե՞ս քնում օրվա մեջ առնվազն 8 ժամ: Օրակարգը փոխելու ժամանակն է: Պատմում ենք՝ ինչպես սովորել քնել և քունն առնել:
ՈՐՈՇԻ՛Ր ՔՆԵԼՈՒ ԺԱՄԱՆԱԿԸ ԵՎ ՄԻ՛ ԽԱԽՏԻՐ ՔՆԵԼՈՒ ԵՎ ԱՐԹՆԱՆԱԼՈՒ ՌԵԺԻՄԸ:
Առավոտյան և երեկոյան երկար ժամանակ անկողնում մնալը խախտում են օրգանիզմի օրական ցիկլը, այդ պատճառով փորձի՛ր պահպանել ռեժիմը՝ անգամ հանգստյան օրերին:
ՎԵՐԱՆԱՅԻ՛Ր ԿՈՖԵԻՆԻ ՆԿԱՏՄԱՄԲ ՔՈ ՎԵՐԱԲԵՐՄՈՒՆՔԸ
Մեր օրգանիզմին անհրաժեշտ է 4 ժամ, որպեսզի մարսի և վերարտադրի մեկ բաժակի սուրճի մեջ առկա կոֆեինի քանակությունը: Եթե օրվա ընթացքում խմում ես սուրճի մի քանի բաժակ, անգամ ուշ երեկոյան դու կլինես դրա ազդեցության տակ: Այս ամենից խուսափելու համար ճաշից հետո ըմպելիք սուրճը փոխարինի՛ր խոտաբույսերի հիմքով թեյի հետ կամ ընտրի՛ր կոֆեին չպարունակող օգտակար այլ ըմպելիք:
ՈՐՈՇԻ՛Ր ՄԱՐԶՎԵԼՈՒ ՀԱՐՄԱՐ ԺԱՄԱՆԱԿԸ
Կարդիո և ուժային վարժությունները լիցքավորում են էներգիայով: Արյան մեջ են անցնում էնդորֆին և ադրենալին՝ սա հիանալի օժանդակություն է ցերեկային ժամերին, սակայն երեկոյան ավելորդ աշխուժության կարիք ընդհանրապես չկա: Հիշի՛ր.
«Մարզումների և քնի ընթացքում պետք է լինի առնվազն 3 ժամ: Հակառակ դեպքում՝ երեկոյան զբաղվի՛ր յոգայով՝ մարմինը և միտքը հանգստացնելու համար»:
Տաք լոգանքը բարձրացնում է մարմնի ջերմաստիճանը, և ջրից դուրս գալուն պես կատարվում է ջերմաստիճանի կտրուկ իջեցում: Ջերմաստիճանի նմանատիպ նվազեցումը ուղեղին ուղարկում է հանգստանալու անհրաժեշտության մասին ազդակ, որից հետո քեզ մոտ կառաջանա պառկելու և լիցքաթափվելու ցանկություն: Սա Մորֆեին գրկախառնվելու լավագույն ակնթարթն է:
ԱՌԱՆՑ ՍԱՐՔԱՎՈՐՈՒՄՆԵՐԻ
Ննջասենյակը պետք է լինի հով, խաղաղ և մութ, իսկ ամենակարևորը՝ առանց գաջեթների: Սմարթֆոնները, համակարգիչները և հեռուստացույցը խախտում են քնի բնականոն ցիկլը: Փորձի՛ր դրանք թողնել մեկ այլ սենյակում:
ՆԱՐԴՈՍ՝ ԼԻՑՔԱԹԱՓՎԵԼՈՒ ՀԱՄԱՐ
Նարդոսը դեռ հին ժամանակներից օգտագործվում է որպես բնական քնաբեր: Բարձի վրա նարդոսի յուղի մի քանի կաթիլը բավական է: Այս բույրը կհանգստացնի և մարմնին կուղարկի քնելու մասին ազդակ:
«Քունը հանդիսանում է գեղեցկությունը պահպանելու ամենաարդյունավետ միջոցը, սակայն սա ևս հնարավոր է կատարելագործել՝ խնամքի միջոցների օգնությամբ»:
ԳԵՂԵՑԿՈՒԹՅԱՆ ԾԵՍ
Քունը հանդիսանում է գեղեցկությունը պահպանելու ամենաարդյունավետ միջոցը, սակայն սա ևս հնարավոր է կատարելագործել՝ խնամքի միջոցների օգնությամբ: Գիշերը քո մաշկը վերականգնում է բնական հաշվեկշիռը, և այդ պատճառով առավել ընկալունակ է սնուցող նյութերի նկատմամբ: Քնելուց առաջ դեմքի մաշկին տարածի՛ր դեմքի շիճուկ և գիշերային քսուք: Սա ոչ միայն կբարելավի մաշկի արտաքին տեսքն ու առողջությունը, այլև կստեղծի հանգստացնող և լիցքաթափող զգացողություն՝ մարմինն ու միտքը հանգստին նախապատրաստելու համար:
