1. ՔԵԶ ԱՆՀՐԱԺԵՇՏ ՉԷ SPF, ԵԹԵ ՈՂՋ ՕՐՆ ԱՆՑԿԱՑՆՈՒՄ ԵՍ ՓԱԿ ՏԱՐԱԾՈՒԹՅՈՒՆՈՒՄ
Սա առասպել է: Եթե քո աշխատասեղանը գտնվում է պատուհանի հարևանությամբ, ապա քեզ ուղղակի անհրաժեշտ է օգտագործել արևապաշտպան միջոցներ: Արևի լույսը քո մաշկը ենթարկում է ուլտրամանուշակագույնի ազդեցությանը, որն ունակ է ներթափանցել ապակու միջով և կարող է դառնալ մաշկի վաղաժամ ծերացման պատճառ:
2. ՄԱՐԶՈՒՄՆԵՐԸ ԲԱՐԵԼԱՎՈՒՄ ԵՆ ՔՈ ՄԱՇԿԻ ՎԻՃԱԿԸ
Սա ճշմարտություն է: Մարզումները խթանում են արյան շրջանառությունը և օրգանիզմի օրգանների՝ ներառյալ մաշկի մատակարարումը թթվածնով ու սնուցող նյութերով: Եվ քանի որ ցանկացած սպորտաձև առաջին հերթին մարզում է սիրտ-անոթային համակարգը, ապա մաշկը նույնպես կանոնավոր պարապմունքների արդյունքում կստանա իր հսկայական օգուտը:
3. ՅՈՒՂՈՏ ՍՆՈՒՆԴԸ ԳԻՐԱՑՆՈՒՄ Է
Սա առասպել է: Իհարկե, շատ յուղ ուտելու դեպքում դու գիրանում ես, սակայն հենց նույնը կկատարվի նաև չափից շատ սպիտակուց կամ ածխաջուր ուտելու դեպքում: Միևնույն ժամանակ յուղերի ճիշտ քանակությունն անգամ անհրաժեշտ է քո օրգանիզմին: Իսկ մոնո և պոլիչհագեցված ճարպերը (մեծ քանակությամբ այն պարունակվում է ձկան, ընդեղենի, ավոկադոյի մեջ) կօգնեն երկար ժամանակ չունենալ սովի զգացողություն:
4. ՕՐԱԿԱՆ ԱՆՀՐՉԱԺԵՇՏ Է ԽՄԵԼ 8 ԲԱԺԱԿ ՋՈՒՐ
Սա առասպել է: Բաժակները հաշվելու իմաստ չկա, քանի որ յուրաքանչյուր մարդ ունի ջրի քանակի իր պահանջը, իսկ դրա մեծ քանակությունը մենք ստանում ենք սննդի հետ, այդ պատճառով ջուրն անհրաժեշտ է խմել այն դեպքում, երբ զգում ես դրա կարիքը:
5. ՔՆԻ ՊԱԿԱՍԸ ՀԱՆԳԵՑՆՈՒՄ Է ԱՎԵԼՈՐԴ ՔԱՇԻ
Սա ճիշտ է: Քեզ ծանո՞թ է հոգնած ժամանակ քաղցի զգացողությունը: Բանն այն է, որ քնկոտության ընթացքում մեր օրգանիզմն արտադրում է նույն այն հորմոնները, որոնք նաև արթնացնում են սովի զգացողություն: Դրա պատճառով էլ քնի պակասը բնականոն կերպով հանգեցնում է չափից շատ ուտելուն:
6. ՈՒՂՂՈՐԴՎԱԾ ՄԱՐԶՈՒՄՆԵՐՆ ՕԳՆՈՒՄ ԵՆ ՆՎԱԶԵՑՆԵԼ ՃԱՐՊԸ ՄԱՐՄՆԻ ՈՐՈՇԱԿԻ ՀԱՏՎԱԾՆԵՐՈՒՄ
Սա առասպել է: Օրինակ՝ դու կարող ես անել հազարավոր կծկումներ, սակայն դա կապահովի միայն փորի ուժեղ մկաններ և ոչ մի դեպքում չի հեռացնի յուղը որովայնի հատվածից: Քաշի նվազեցման համար անհրաժեշտ է մարզել ամբողջ մարմինը, ավելի լավ է դա անել կարդիոմարզումների (վազք, հեծանվային սպորտ կամ լող) օգնությամբ:
7. ԳԻՇԵՐՎԱ ԺԱՄԵՐԻՆ ԸՆԴՈՒՆԱԾ ԿԱԼՈՐԻԱՆԵՐՆ ԱՎԵԼԻ ՎՆԱՍԱԿԱՐ ԵՆ, ՔԱՆ ՑԵՐԵԿԱՅԻՆ ԺԱՄԵՐԻՆԸ
Սա առասպել է: Որոշ սննդակարգերում արգելվում է ուտել երեկոյան 6-ից հետո, մի՛ լսիր այդ «գիտակներին»: Կարևոր է ոչ թե սնվելու ժամը, այլ սննդի որակը: Մեկ կալորիան նշանակում է մեկ կալորիա՝ անկախ օրվա ժամից:
