Ամփոփիր արդյունքներն ու նոր նպատակներ սահմանիր
Հանգիստ իրավիճակում մի քանի ժամ հատկացրու, պատրաստիր գրառումների տետր ու գրիչ, և հայացք նետիր անցնող տարուն: Ո՞ր նպատակներին ես հասել և ինչո՞ւ: Ո՞ր երազանքներն են իրագործվել: Ազնվորեն վերլուծիր գործողություններդ: Գրիր, թե ինչ քեզ սովորեցրեց այդ տարին, որ բաների համար ես դու երախտապարտ անցնող տարուն: Եվ միայն հիմա մտածիր, թե ինչպես ես ուզում անցկացնել հաջորդ տարին: Այցելել տասը երկի՞ր: Վերջապես բացել սեփական բիզնեսը կամ աճեցնել եղած բիզնեսի ցուցանիշնե՞րը:
Փորձիր երազել: Նոր տարին իսկապես կախարդական, լիցքավորված ժամանակ է, երբ հազարավոր մարդիկ ամբողջ աշխարհում նվիրական երազանքներ են պահում: Թղթին արտացոլված երազանքներն այդ ժամանակ յուրահատուկ ուժ ունեն: Անկեղծորեն հավատա, և ամեն բան կստացվի:
Մտերիմներիդ համար նվերներ պատրաստիր
Ամեն տարի խոստանում են ամեն բան անել նախապես, բայց... Ժամանակն ավարտվում է, իսկ դու դեռ նվերներն էլ չես պլանավորել: Առևտրի սրահներ հիմա չես էլ կարող խցկվել, բայց կա ավելի լավ գաղափար: Փորձի՛ր նվերների մեր գեներատորը, ընտրի՛ր անակնկալներ ամբողջ ընտանիքի համար հենց տանդ մոտ, առանց թողնելու հարմարավետ վերմակը: Դու կստանաս դրանք հենց շեմիդ մոտ առաքումով:
Կատարյալ կերպար մտածիր
Երբ Х օրը դու կրեյսերական արագությամբ մայրաքաղաքային աղցանի բաղադրիչներն ես կտրատում, ժամանակի մասին մոռանալը հեշտ է: Եվ հանկարծ գալիս է պահը, երբ ժամացույցի հարվածներին կես ժամ է մնացել, իսկ դու դեռ խալաթով ես և ձուկն ես զարդարում մաղադանոսի տերևներով: Սթրեսից խուսափելու համար նախապես մտածիր, թե ինչ ես հագնելու: Նախապատրաստիր ամեն բան՝ կոշիկներից մինչև զարդեր: Տնային երեկույթի համար ընտրիր ինչ-որ հարմարավետ, բայց գեղեցիկ հագուստ: Վառ աքսեսուարները, օրինակ՝ խոշոր վզնոցը, կօգնեն կերպարը կատարյալ դարձնել: Իսկ ռեստորան գնալիս կարող ես ընտրել վրձին-կախազարդերով ականջօղեր, քաղաքից դուրս գտնվող առանձնատան համար՝ վառ և ոճային գլխարկ՝ իր ձեռնոցներով:
Մոռացիր դիետաների մասին
Ամանորի տոները առողջ ապրելակերպի համար չեն: Չէ՞ որ ուզում ես փորձել ամեն համեղ բան ամանորյա սեղանից, հետո էլ՝ մի ամբողջ շաբաթ վերմակի տակ անցկացնել. չէ՞ որ ջանադրաբար աշխատել ես ամբողջ տարին և արժանի ես փոքրիկ արձակուրդի: Մենք քեզ հետ համաձայն ենք: Եթե տոներից երկու շաբաթ առաջ դու հասկանում ես, որ երազանքի հագուստը քեզ վրա նեղ է, ոչ մի դեպքում խիստ սննդակարգի մի՛ անցիր, հակառակ դեպքում ամանորյա երեկույթները քո օրգանիզմը շոկի կենթարկեն: Փորձիր հրաժարվել քաղցրեղենից և խմորային մթերքներից, ավելի շատ թարմ մթերքներ օգտագործիր, կաթնաշոռ և ոչ յուղոտ միս, իսկ սննդային ընդմիջումները փոխարինիր օգտակար կոկտեյլներով կամ տաք ապուրով, դրանք կօգնեն փոքրացնել ախորժակը և ստանալ անհրաժեշտ քանակությամբ սպիտակուցներ:
