1. ՁԳՈՒՄՆԵՐ
Չնայած, որ բացակայում են մինչ և հետո մարզումային ձգումների օբյեկտիվ ապացույցները, ճկունության ու շարժունակության կանոնավոր մարզումներն օգնում են ձևավորել ճիշտ կեցվածք: Եթե մարզումներից հետո ունես անհարմարավետության զգացողություն, փորձիր 30 վայրկյան շարունակ պահել ստատիկ դիրք (օրինակ՝ ձեռքերի մատներով հասնել ոտքերի մատներին): Պետք է որ օգնի, գոնե ժամանակավոր:
2. ՓՐՓՐԱԳԼԱՆԱԿ
Փրփրագլանակն օգտագործվում է հոգնած մկանների մերսման համար, ինչպես նաև հետմարզումային սթրեսից ազատվելու համար: Այն իրենից ներկայացնում է 10-15 սմ (կամ ավելի շատ) տրամագիծ ունեցող ձիգ, սակայն փափուկ գլան, որն գործում է պարզապես հրաշքներ՝ լիցքաթափելով ճնշված մկանները: Այս մեթոդն ունի նաև էքսպերիմենտալ տարբերակ՝ նույն նպատակների համար թենիսի գնդակի օգտագործումը:
3. ՀԱՆԳԻՍՏ
Եթե պատրաստվում ես մարզումների կամ ուզում ես արագ թարմանալ որևէ միջոցառման պատրաստվելուց, կարող ես գործել տիպիկ սխալ և մարզվել առանց ընդմիջումների: Սա շատ վնասակար է: Նախ այսպիսի մոտեցումը կարող է հանգեցնել վնասվածքների, և հետո, քո մկաններին անհրաժեշտ է հանգիստ: Միայն թե պատկերացրու, յուրաքանչյուր ծնկածալում հանգեցնում է բարակ մկանաթելերի պայթման: Դրանք պետք է վերականգնել, որպեսզի դու դառնաս ավելի ուժեղ: Ուզո՞ւմ ես տեսնել արդյունք: Հանգստացիր ծանրաբեռնվածությունից հետո:
4. ՏԱՔ ԿԱՄ ՍԱՌԸ ՎԱՆՆԱ
Մարզումներից հետո սառը լոգանքը կնպաստի մկանների կծկմանը և կկրճատի հնարավոր այտուցվածությունը: Եթե լուրջ ծանրաբեռնվածությունից հետո քո մկանները վնասված են, բորբոքված կամ պարզապես շատ հոգնած, ապա սառույցով վաննան կչեզոքացնի տհաճ ախտանիշները: Մյուս կողմից էլ տաքը նպաստում է լիցքաթափմանը, խթանում արյան շրջանառությունը և օգնում լիցքաթափել մկանները:
5. ԿԱԶՄԱԿԵՐՊԻՐ ԲԵՌՆԱԹԱՓՄԱՆ ՕՐԵՐ
Քայլքը, յոգան, մանրաքայլ վազքը կարող են կատարվել ցածր մակարդակի ծանրաբեռնվածությամբ՝ մկանները հանգստացնելու ու լիցքաթափելու համար: Այսպիսի մոտեցումը կոչվում է «ակտիվ վերականգնում», դրա ընթացքում խթանվում է արյան շրջանառությունը, իսկ մկաններում սկսվում են վերականգնման գործընթացները՝ հաջորդ պարապմունքի համար: Բեռնաթափման օրերը լավ է ունենալ ծանրաբեռնված օրերի արանքում:
