5 քայլ՝ դեպի շողացող մաշկ

Մաշկդ արդեն ուշքի՞ է եկել ձմեռային քնից հետո: Եթե դեռ ոչ, օգնի՛ր արագացնել վերականգնումը հինգ պարզ քայլերով

1. Շերտազատում
Ձմռան և գարնան խիստ եղանակն իսկական փորձություն է մաշկի համար: Սառնամանիքը, քամին, չոր օդը, անձրևը և եղանակի տաքացումը մաշկը դարձնում են հոգնած և խունացած: Համալիր խնամքիդ նաև սկրաբ ավելացրու. օգտագործի՛ր այն շաբաթական մի քանի անգամ՝ մեռած բջիջները հեռացնելու, թեփազատելու և չորացած հատվածների վերականգնումն արագացնելու համար:

2. Խոնավացում
Անցումային սեզոնի ընթացքում մաշկն ամենաշատն ունի կենսական հեղուկի կարիքը: Անպայման օգտագործի՛ր դեմքի քսուքներ՝ ջրազրկումը կանխելու համար: Քեզ անհրաժեշտ են երկու տարբեր բաղադրություններով քսուքներ. ցերեկայինը պաշտպանում է և խոնավացնում ողջ օրվա ընթացքում, իսկ գիշերայինը՝ վերականգնում քնի ընթացքում, երբ ակտիվ բաղադրիչները թափանցում են մաշկի առավել խորը շերտեր:

3. Պաշտպանություն
Եթե մինչ այժմ չես օգտագործել արևապաշտպան միջոցներ ամեն օր, սկսելու ճիշտ ժամանակն է. մռայլ ձմռանից հետո արևի առաջին ճառագայթները մաշկի համար կարող են իսկական շոկ դառնալ: Ամպամածություն, մթնշաղ, փակ գրասենյակում աշխատանքային օր. ոչ մի արդարացում: Անպայման օգտագործիր SPF գործոնով արևապաշտպան միջոց առավոտյան՝ համալիր խնամքի կիրառումից անմիջապես հետո:

4. 
Գեղեցկություն ներսից
Ընկերուհիներդ «պատրաստվում են ամռանը» և սոցիալական ցանցերում միայն կանաչ տերևներից աղցանների նկարնե՞ր են տեղադրում: Սադրանքի մի տրվիր: Գարունը խիստ սննդակարգերի ժամանակը չէ: Հենց հիմա է օրգանիզմին անհրաժեշտ լրացնել վիտամինների և սննդարար բաղադրիչների պաշարը, որ ծախսել է ձմռան ընթացքում: Օգնի՛ր նրան առողջ սննդակարգով և հատուկ համալիրներով: Օգտագործի՛ր մթերքներ, որոնք հարուստ են հակաօքսիդիչներով՝ ցիտրուսայիններ, գազար, սպանախ, հատապտուղներ, ավոկադո, ընկուզեղեն:

5. Լրացուցիչ խնամք
Ձմռանը՝ չոր, ամռանը՝ յուղոտ, գարնանը՝ թեփոտվո՞ղ: Մաշկի պահանջմունքները փոխվում են սեզոնից սեզոն, ու դա նորմալ է: Սակայն ամենևին էլ պարտադիր չէ փոխել ողջ խնամքը: Փորձի՛ր, օրինակ՝ ավելացնել որոշակի ուղղվածությամբ դիմակներ: Վերականգնում, սնուցում, ամրացում կամ հարթեցում. ընտրի՛ր ըստ անհրաժեշտ ազդեցության և բաղադրությունում առկա ակտիվ բաղադրիչների:
Տեքստ Ֆոտո Oriflame

Գնել

Նմանատիպ հոդվածներ