1. ՀԱՃԱԽ ԿԱՆԳՆԻՐ
Երբ կանգնած ենք, օրգանիզմը 40%-ով ավելի կալորիա է ծախսում: Բացի այդ, նվազում է քաշ հավաքելու և սրտային հիվանդությունների զարգացման, ինչպես նաև մեջքի ցավերի առաջացման ռիսկը: Մարդիկ, որոնք օրական վեց ժամից ավելի նստած են անցկացնում, 37%-ով ավելի են հակված վաղաժամ մահվան: Աշխատի՛ր կարգավորվող սեղանի շուրջ կամ հնարավորինս հաճախ կանգնիր:
2. ԱՌՈՂՋ ԸՆԴՄԻՋՈՒՄՆԵՐ ԱՐԱ
Եթե ճաշն ուշանում է, դեռ չի նշանակում, որ պետք է վազել մոտակա խանութ և գնել ողջ քաղցրավենիքը: Կա՛նգ առ: Ընտրի՛ր ցածր գլիկեմիկ ինդեքսով պրոտեինային սալիկներ կամ կամ «Նեչուրալ բալանս» կոկտեյլը: Դրանք կնվազեցնեն քաղցի և քաղցրի անհարժեշտության զգացողությունը, կապահովեն օպտիմալ սնուցում, էներգիա կհաղորդեն և կօգնեն կենտրոնանալ: Դրանք ԳՄՕ, արհեստական ներկանյութեր, կոնսերվանտներ չեն պարունակում: Դարակում ունեցիր ընկուզեղենով, բանջարեղենային կտորներով ընկուզեղենով տոպրակ կամ մրգային սմուզի պատրաստիր, եթե աշխատավայրի խոհանոցում հյութաքամիչ կա:
3. ՕԳՆԻ՛Ր ՈՒՂԵՂԻՆ
Թուլություն, հիշողության հետ խնդիրներ, վատ տրամադրություն. բոլոր այս ախտանիշները կարելի է վերացնել ոչ միայն սպորտով և ճիշտ սննդակարգով: Ամենօրյա սննդակարգիդ նաև վիտամիններ և հանքանյութեր ավելացրու, օգտագործի՛ր օմեգա-3՝ ուղեղի, սիրտ-անոթային և նյարդային համակարգերի հստակ աշխատանքն ապահովելու, դիմացկությունը բարձրացնելու և ֆիզիկական վիճակը բարելավելու համար:
4. ՇԱՐԺՎԻ՛Ր
Որքան քիչ ես շարժվում օրվա ընթացքում, այնքան ավելի է մեծանում մարմնում ցավի ու լարվածության առաջացման ռիսկը: Ընդմիջում արա. ամեն կես ժամվա համար հիշեցում դիր և վե՛ր կաց աթոռից: Գնա ջուր խմելու, դուրս արի փողոց և զբոսնիր, գնա գործընկերոջդ մոտ և հարցը տեղում լուծիր՝ երկար նամակագրության փոխարեն: Աշխատավայրում ոչ ոք չի արգելել նաև ձգվել: Իսկ երեկոյան գնա սպորտի կամ յոգայի:
5. ՄԻ՛ ՄՈՌԱՑԻՐ ՎԻՏԱՄԻՆՆԵՐԻ ՄԱՍԻՆ
D վիտամինի ամենակարևոր աղբյուրը արևի լույսն է, իզուր չեն ասում, որ արևի տակ կեսժամանոց զբոսանքը հավասար է տասը բաժակ կաթին: D վիտամինը մեզ անհրաժեշտ է կալցիումը յուրացնելու, ինչպես նաև իմունային և մկանային համակարգերի ճիշտ գործունեության համար: D վիտամինի պակասը հանգեցնում է ոսկրային համակարգի հիվանդությունների, այդ պատճառով կարևոր է ստանալ այն բավարար քանակությամբ: Եթե ապրում ես քաղաքում, որտեղ արև գրեթե չկա, եթե հիմնականում փակ շինություններում ես անցկացնում ցերեկային ժամերը, ցավակցում ենք ու խորհուրդ տալիս D վիտամին ընդունել՝ ամենօրյա չափաբաժինը լրացնելու համար: Կամ ջանք գործադրել և ժամանակ գտնել 11:00-ից 16:00-ը կեսժամանոց զբոսանքի համար:
