1. ՔՐՈՍՖԻԹ (WOD)
Գերազանց մարզումը չի ենթադրում երկարատև պարապմունք մարզասրահում: Օրինակ՝ քրոսֆիթի WOD տեսակը (Workout Of the Day / օրվա մարզումներ) ներառում է բարձր ինտենսիվությամբ մի քանի ֆիզիկական վարժություն, որոնք կարող ես կատարել կարճ ժամանակահատվածում: Այսպիսի մարզումների օրինակներ կարող ես փնտրել սմարթֆոնի համար ստեղծված հատուկ հավելվածներում, նայիր տեսանյութը և ստուգիր քո դիմադրողականությունը:
2. ՍՊՈՐՏ ԼՈՂԱՓՈՒՄ
Զբաղվել սպորտով և ընդունել արևային լոգանք՝ ինչը կարող է լինել ավելի լավ: Վոլեյբոլ, թենիս կամ պինգ-պոնգ՝ ընտրիր քեզ հարմար տարբերակը: Ավազը կհաղորդի հավելյալ ծանրաբեռնվածություն ոտքերին, լավ ընկերակցությունը՝ տրամադրություն, իսկ սպորտը՝ էներգիա և հաղթանակի ուրախություն: Միայն մի՛ մոռացիր օգտագործել արևապաշտպան միջոց, դի՛ր ակնոց և գլխարկ կամ որևէ այլ բան՝ գլուխը ծածկելու համար:
3. ՍՊՈՐՏԱՅԻՆ ՔԱՅԼՔ
Արթնացրու քո մեջ արկածներ որոնողին և ուղևորվիր աշխարհն ուսումնասիրելու (կամ գոնե մոտակա այգին): Քայլելու յուրաքանչյուր ժամում դու կայրես 200 կալորիա:
4. ԼՈՂ
Լողը գերազանց մարզում է ամառային թեժ օրերի համար: Այն մարմնին կհաղորդի ցանկալի զովություն և կօգնի աշխատացնել մարմնի մկանները: Win-win! Փորձիր նաև ջրային աէրոբիկան՝ մկաններին հավելյալ տոնուս հաղորդելու համար:
5. ՅՈԳԱ
Գտիր հով և գողտրիկ անկյուն, փռիր գորգը և վայելիր հանգստությունը: Յոգայով զբաղվելը թույլ է տալիս ուշադրությունն ուղղել այն որակներին, որոնք ուզում ես մշակել: Ճկունություն, հավասարակշռություն կամ ուժ՝ ընտրիր քո նախընտրած տարբերակը և հետևիր փոփոխություններին:
