1. ԿԱՐՄԻՐ ԵՎ ԴԵՂԻՆ ԲԱՆՋԱՐԵՂԵՆ
Բոլոր դեղին և կարմիր բանջարեղենները, օրինակ՝ դդումը, մասուրը, խուրման, քաղցր կարտոֆիլը, գազարը, քաղցր պղպեղը, հարուստ են բետա-կարոտինով, А վիտամինի կարոտինոիդով՝ հայտնի մաշկի համար պաշտպանիչ և վերականգնող իր հատկություններով: Իսկական մասթ-հեվ:
2. ՁՈՒԿ ԵՎ ԾՈՎԱՄԹԵՐՔ
Ծովամթերքը և ձուկը հարուստ են մաշկի, մազերի և եղունգների համար անհրաժեշտ միկրոբաղադրիչներով և ճարպաթթուներով: Օրինակ՝ սելենն օգնում է ամրացնել մազերն ու պահպանել գլխամաշկի առողջությունը, պղինձը կանխում է մազերի ճերմակումը: Նիացինը, բիոտինը և յոդը մասնակցում են մաշկի առողջության պահպանմանը: Սկսիր շաբաթական երկու բաժին ձուկ և ծովամթերք ուտելուց, սա կլինի առողջ սկիզբ:
3. ՍՊԱՆԱԽ
Իսկական սուպերհերոսներն են քեյլ աղցանը, բրոկոլին, բազուկը. բոլոր այս մթերքները հարուստ են երկաթով, բետա-կարոտինով, С վիտամինով: Սակայն այս տիեզերքի գլխավոր (կարդա՝ ունիվերսալ) հերոսը սպանախն է: Պատրաստի՛ր աղցան, խառնի՛ր մրգերի և բանջարեղենի հետ, շոգեխաշի՛ր կամ լցրու տաք ուտեստի վրա: Գլխավոր խորհուրդը՝ մի՛ չարաշահիր ջերմային մշակումը. որքան շատ է ջերմամշակումը, այնքան քիչ սնուցիչներ են մնում սպանախում: Իսկ ավելի լավ կլինի՝ սպանախն ուտել հում վիճակում:
4. ՀԱՏԱՊՏՈՒՂՆԵՐ
Հատապտուղները պարունակում են մեծ քանակությամբ C վիտամին, որը բարելավում է կոլագենի և հակաօքսիդիչ պոլիֆենոլի արտադրությունը: Նախաճաշին կե՛ր ելակ, սև հաղարջ և հապալաս, պատրաստի՛ր հատապտղային սմուզի կամ դրանցով զարդարի՛ր աղանդերը: Մի՛ վախեցի՛ր սառեցնել հատապտուղները. սառեցուման դեպքում պահպանվում են բոլոր օգտակար բաղադրիչները, ուստի կարող ես ուտել թարմ մթերքներ ողջ տարին: Կարևորը՝ կե՛ր հատապտուղները սառնարանից հանելուց անմիջապես հետո:
5. ԸՆԿՈՒԶԵՂԵՆ ԵՎ ՍՈՒՊԵՐՈՒՏԵՍՏՆԵՐ
Պստիկ, բայց ճստիկ. հունական կամ մայրու ընկույզները, նուշը, չիայի, արևածաղկի, դդմի սերմերը տառացիորեն ստեղծված են մաշկը և մազերն առողջ, գեղեցիկ և շողացող դարձնելու համար: Դատի՛ր ինքդ. սելենը, ցինկը, բիոտինը պատասխանատու են մաշկի առաձգականության և խոնավության մակարդակի պահպանման համար, դրանք նաև ամրացնում են մազերը և փայլ հաղորդում: Օրական մեկ բուռ ընկուզեղենը կամ արևածաղկի սերմերը լիովին բավական են:
