10 ՐՈՊԵԻ ՕՐԵՆՔ
Մարսողության գործընթացը սկսում է մինչև դու կդնես սննդի առաջին կտորը քո բերանը: Ամեն ինչի պատճառը սննդի տեսքն ու բույրն են, որոնք խթանում են բերանի խոռոչում մարսման էնզիմների առաջացումը: Եթե դու չափից շատ ուտելու հակում ունես, սպասի՛ր 10 րոպե՝ հավելյալ չափաբաժին վերցնելուց առաջ: Սա հենց այն ժամանակն է, երբ ստամոքսը հագեցվածության ազդանշան է փոխանցում ուղեղին: Ավելի առողջ մարսման համար կե՛ր դանդաղ և լավ ծամի՛ր սնունդը:
ԿԵ՛Ր ՍՈՒՊԵՐՖՈՒԴՆԵՐ
Գոյություն չունեն կախարդական ապրանքներ, որոնք մեկընդմիշտ կլուծեն առողջության հետ կապված խնդիրները: Բայց որոշ ապրանքներ իսկապես ունեն հիանալի հատկություններ՝ մենք դրանք կոչում ենք «սուպերֆուդներ» (անգլ. super food): Դրանց թվին են դասվում հապալասն ու սպանախը, որոնք պարունակում են մեծ քանակությամբ հակաօքսիդիչներ, ձկան յուղ, որից մենք ստանում ենք Օմեգա 3 թթուներ, ինչպես նաև սև լոբազգիներ, որոնք պրոտեինի աղբյուր են:
ՔԱՅԼԵ՛Ք
Յուրաքանչյուր հնարավորության դեպքում ֆիզիկական վարժություններ կատարիր: Վարժությունների ամենօրյա տևողությունը պետք է 30 րոպեից պակաս չպետք է լինի: Սպորտով զբաղվելու հիանալի տարբերակ է քայլելը: Փորձի՛ր մեքենայով երթևեկելը փոխարինել ոտքով քայլելով կամ բարձրացի՛ր աստիճաններով՝ վերելակի փոխարեն:
ՆԱԽԱՃԱՇԻ՛Ր
Դու սա շատ անգամ ես լսել, բայց ամեն դեպքում, մենք ևս մեկ անգամ կկրկնենք. նախաճաշը քեզ լցնում է էներգիայով և սննդային նյութերով, որոնք քեզ օգնում են կենտրոնանալ և ուշադիր լինել: Կանոնակարգված նախաճաշը նաև օգնում է պահպանել ճիշտ քաշը: Քո սննդակարգում ներառիր ձու, հացազգիներ, մրգեր և բնական յոգուրտներ համեղ և սննդարար նախաճաշի համար:
ԽԵԼԱՄԻՏ ԸՆԴՄԻՋՈՒՄ ԱՐԱ
Մեզնից շատերի համար օրվա երկրորդ կեսը ընմիջում անելու, թեթև մի բան ուտելու ժամանակահատված է: Բայց թխվածքաբլիթներ ուտելու փոխարեն ընտրի՛ մրգեր կամ բանջարեղեն և հետևի՛ր, որպեսզի չափաբաժինը պարունակի 100-200 կալորիա: Օրվա ընթացքում 2-3 անգամ այսպիսի ընդմիջումները կբարելավեն նյութափոխանակությունը և կօգնեն պահպանել կատարյալ քաշը:
