Մարզումներ զույգերի համար

Միասին սպորտով զբաղվելը ոչ միայն կօգնի հասնել ֆիտնես-նպատակներին, այլև կբարելավի փոխհարաբերությունները՝ դարձնելով դրանք ավելի մտերմիկ։ Այդ թվում նաև ուղղակի իմաստով։

1. ՊԱՐԵՐ
Զույգերով պարերը ոչ միայն առողջության գրավականն են։ Դրանք նաև առողջ հարաբերությունների տանող ուղի են, չէ՞ որ պարը շփում է, որտեղ դուք սովորում են լինել հնարավորինս մոտ՝ ընդ որում չսահմանափակվելով և միմյանց չխանգարելով։ Բացի այդ, զույգերով պարերը սովորեցնում են նպատակներին միասին հասնել։

2. ԲՌՆՑՔԱՄԱՐՏ
Ավելի ու ավելի շատ տղամարդիկ և կանայք են նախընտրում զբաղվել բռնցքամարտով՝ ավելի ուժեղ, ճկուն և ներդաշնակորեն զարգացած լինելու համար։ Եվ եթե փնտրում են լուրջ սպորտաձև, որտեղ անհրաժեշտ է հաղթահարել սեփական անձն ու բազմաթիվ դժվարություններ, ապա բռնցքամարտը կարող է լինել գերազանց տարբերակ։ Բացի այդ,  այն առավել արդյունավետ է հանում սթրեսը, քան սիրելիի հետ «պայքարի» մեջ մտնելը։


3. ԹԵՆԻՍ
Թենիսն ու իր ազգականները՝ սեղանի թենիսը, բադմինտոնը, սքվոշը, հիանալի ընտրություն են բոլոր նրանց համար, ովքեր նախընտրում են երկուսով սպորտով զբաղվելը։ Եթե երկուսդ էլ նորեկ եք այս սպորտաձևում, կարող եք վերցնել պրոֆեսիոնալ մարզիչ, որը երկուսիդ էլ կսովորեցնի ճիշտ մատուցման տեխնիկան։ Իսկ երբ կառաջանա սոցիալականացվելու ցանկություն, կարող եք մտնել թենիսի ակումբ, մրցել այլ զույգերի հետ և անգամ փոխանակվել զուգընկերներով։

4. ԱԿՐՈ-ՅՈԳԱ
Ակրո-յոգան, ինչպես և հուշում է հենց անվանումը, իր մեջ միավորում է յոգայի և ակրոբատիկայի էլեմենտներ։ Այս յոգայի բազմաթիվ ասաններ առաջարկում են մեկ զուգընկերոջը պահել կամ բարձրացնել մյուսին։ Սա ավելացնում է վստահություն և հմտություն՝ նպատակներին միահամուռ հասնելու համար։


5. ՔԱՅԼՔ
Զբոսանք, ի՞նչը կարող է լինել ավելի հեշտ։ Զբոսնելու համար անհրաժեշտ չէ ունենալ հատուկ հագուստ կամ կոշիկ, կարելի է ինքնուրույն ընտրել ռիթմն ու հեռավորությունը, կարելի է գնալ քաղաքից դուրս։ Սա կնվազեցնի սթրեսի մակարդակը, իսկ ինչն առավել կարևոր է՝ կարելի է վայելել միմյանց ներկայությունը՝ յուրաքանչյուր քայլով ապահովելով ամուր առողջությունը։



Տեքստ Ֆոտո Getty Images