Դեմքի յոգա․ երիտասարդացնող վարժություններ

Մինչ կփորձես այն կիրառել, լսիր Օրիֆլեյմի մաշկի հետազոտության կենտրոնի տնօրեն բժիշկ Ալեն Մավոնի խորհուրդը. «Հետազոտություններն ապացուցել են, որ դեմքի մկանների լարվածություն և լիցքաթափություն համադրող վարժությունները խթանում են ֆիբրոբլաստները և կանխարգելում մաշկի առաձգականության կորուստը։ Այս տեխնիկան օգնում է մաշկը դարձնել առաձգական և այդ կերպ պահպանել դրա երիտասարդությունը։ Իմ խորհուրդը․ օրը մի քանի րոպե վարժություններին և համալիր խնամքին (ինչպիսին NovAgeUltimate Lift շարքն է)  տրամադրելը կապահովի ձեր մաշկի երիտասարդ և առաձգական տեսքը»։

1. Լեզվի ձգումներ

Ինչի՞ համար է օգտակար։ Այս վարժությունը կատարելիս դու կունենաս ոչ այնքան հրապուրիչ տեսք, սակայն այն կօգնի խթանել աչքերի շուրջ հատվածները։
Կատարման տեխնիկան։ Լայն բացի՛ր աչքերը և նայի՛ր վերև։ Բացի՛ր բերանդ և լեզուդ հնարավորինս հանիր դուրս դեպի կզակ։ Այս դիրքը պահիր 10 վայրկյան, այնուհետև վերադարձիր սկզբնական դիրքին և կրկնիր։

2. “V”
Ինչի՞ համար է այն օգտակար։ Վարժությունն օգնում է պայքարել մաշկի ծերության նշանների դեմ ճակատի և աչքերի շուրջ հատվածում, ինչպես նաև նվազեցնում է աչքերի տակ մուգ շրջանակներն ու այտուցվածությունը։
Կատարման տեխնիկան։ Լատինական “V”-աձև տեսքով ձգիր երկու ձեռքերի ցուցամատերն ու միջնամատերը։ Միջնամատերի բարձիկներով սեղմի՛ր հոնքերի ներքին ակնյուններին, իսկ ցուցամատերի բարձիկներով՝ արտաքինին։ Նայի՛ր վերև և աչքերը վեր բարձրացնելով՝ բարձրացրու ստորին կոպերը։ Լիցքաթափվի՛ր։ Կրկնի՛ր վեց անգամ։

3. Շեյփինգ քթի համար
Ինչի՞ համար է այն օգտակար։ Ամրացնում է դեմքի քթի հատվածը և կանխարգելում առաձգականության կորուստը։
Կատարման տեխնիկան։ Ցուցամատերի ծայրերով երկու կողմից սեղմիր քթածակերը։ Մի քանի անգամ լարի՛ր քթածակերը՝ փորձելով դրանք ավելի լայն բացել։ Հեռացրու մատներդ։ Կրկնիր մի քանի անգամ։

4. Ձկան դեմք
Ինչի՞ համար է այն օգտակար։ Այս վարժությունը կրճատում է դիմախաղից առաջացող կնճիռները և ստորին ծնոտի մաշկին վերադարձնում առաձգականությունը։
Կատարման տեխնիկան։ Ներքաշիր այտերդ, հավաքիր շուրթերդ՝ իբրև «ձկան դեմք» և փորձիր ժպտալ։ Դեմքի մկանները 30 վայրկյան պահիր լարվածության մեջ, այնուհետև լիցքաթափիր և կրկնիր կրկին։

5. Համբուրիր երկինքը
Ինչի՞ համար է այն օգտակար։ Օգնում է կրճատել կնճիռները և ձգում պարանոցի հատվածի մաշկը, դրա հետ միաժամանակ ամրացնում ծնոտի մկանները։Կատարման տեխնիկան։ Գլուխը հետ տար՝ պարանոցը բարձրացնելով վերև։ Շուրթերը ձգիր՝ ասես ուղարկում ես օդային համբույր։ Վերադարձիր նախնական դիրք։ Կրկնիր։