1. ՀԱՍԿԱՑԻՐ, ԹԵ ԻՆՉ ԵՍ ՈՒԶՈՒՄ
Թե ինչ տեսք ես ուզում ունենալ և թե ինչ ես անում դրա համար, հնարավոր է որևէ առնչություն չունենան միմյանց հետ: Հարցրո՛ւ քեզ. «Ես իրո՞ք ուզում եմ սպորտով զբաղվել: Ի՞նչի եմ ուզում հասնել»: Այս հարցերի պատասխանները կօգնեն գտնել մարզասրահ գալու իրական պատճառը: Իսկ դրանից հետո արդեն շատ հեշտ է բաժանորդագրություն ձեռք բերել:
2. ԲԱՐՁՐԱՁԱՅՆԻ՛Ր ՆՊԱՏԱԿՆԵՐԴ ՈՒ ԱՌԱՋԱԴՐԱՆՔՆԵՐ ԿԱԶՄԻՐ
Առանց ծրագրման արդյունք չկա: Մարզասրահ այցելությունը կարող է ժամանակի անիմաստ կորուստ լինել. թափառում ես մի մարզասարքից մյուսը, տարբեր քանակությամբ մոտեցումներ ես անում, և ոչինչ չի փոխվում: Ի՞նչ ես ուզում փոխել: Ի՞նչ տեսք ես ուզում ունենալ: Ելնելով նպատակներից՝ առաջադրանքներ կազմիր:
3. ՊԱՐԶԱՊԵՍ ՇԱՐՈՒՆԱԿԻՐ
Կյանքն իր ուղղումներն է մտցնում: Սակայն սա դեռ չի նշանակում, որ առաջին անգամ մարզումը բաց թողնելու պատճառով պետք է տվայտվել: Առաջնայնություններ դիր և հարմար ժամանակ գտիր սպորտի համար: Այն կարող է լինել ցանկացած պահի, կարևոր է, որ այն լինի և քեզ հարմար լինի: Եվ մարզվի՛ր:
4. ԽՈՐՀՈՒՐԴ ՀԱՐՑՐՈՒ
Բոլորովին էլ պարտադիր չէ մեծ քաշեր դնել մարզասարքերի վրա կամ վազել երեք ժամ: Պետք չէ նաև ինքդ քեզ հանդիմանել և համեմատել այլ մարդկանց հետ: Դու մարզասրահի ամենագերը չես: Ոչ էլ ամենանիհարը: Դու այն ես, ինչ կաս: Մարզիչին խնդրիր պատմել քեզ համար օպտիմալ ծանրաբեռնվածության համադրությունների մասին: Կատարյալ տարբերակ է վճարել անհատական մարզումների համար մեկ կամ երկու ամիս, որպեսզի հենց սկզբից հասկանաս՝ ինչ է պետք, իսկ ինչ պետք չէ անել:
5. ԸՆՏՐԻՐ ՄԻ ՔԱՆԻ ՄԿԱՆԱՅԻՆ ԽՄԲԵՐԻ ՀԱՄԱՐ ՄԱՐԶՈՒՄՆԵՐ
Արդյունավետությունը կարելի է ավելացնել բարդ վարժությունների միջոցով: Բարդ՝ ոչ ուժային տեսանկյունից: Ընտրեք այնպիսի վարժություններ, որոնք կօգնեն միանգամից մի քանի մկանային խումբ մարզել, և հետևի՛ր՝ ինչպես է փոխվում մարմինը: Մոտեցումների միջև երկար ընդմիջումներ մի՛ արա: Մենք չենք պատասխանում նամակներին կամ հաղորդագրություններին: Ինքնաթիռի ռեժիմ դիր:
6. ՄԻԱԽԱՌՆԻՐ
Որոշ ժամանակ անց մարմինը կսովորի ծանրաբեռնվածության մակարդակին և վարժություններին, և արդյունավետությունը կնվազի: Այս ամենը թույլ չտալու համար՝ բազմազանություն մտցրու. խառնի՛ր մարզումների տեսակները, ավելացրու մոտեցումները կամ աշխատանքային քաշը: Քեզ մարտահրավե՛ր նետիր:
7. ՀԱՆԳՍՏԱՑԻՐ
Մենք պայքարում ենք առողջ սովորությունների և մշտական մարզումների համար: Սակայն չափից շատ սպորտն էլ է վնասակար: Մարզումների միջև ժամանակահատվածը պետք է լինի նվազագույնը մեկ օր: Մոտեցումների միջև կատարյալ ընդմիջումները պետք է լինեն 3 րոպե՝ ուժի աճի համար և 1 րոպե մկանների աճի համար: Մի՛ մոռացիր ձգումների, լողի կամ յոգայի մասին, բավականաչափ քնիր: Ուժերի ճիշտ վերականգնման և հանգստի շնորհիվ՝ քո մարզումներն ավելի արդյունավետ կդառնան:
8. ՔԵԶ ՄԻ՛ ՃՆՇԻՐ
Սթրես աշխատավայրում, ուժերի անկում կամ վատ տրամադրություն. բոլորս էլ ունենում ենք ծանր օրեր: Քեզ այնքա՞ն էլ լավ չես զգում: տեղափոխի՛ր մարզումդ մեկ այլ օր: Ասանայում երկար չե՞ս կարողանում մնալ: Կանգնի՛ր այնքան, որքան կարող ես, առանց հերսությունների: Վազքի ժամանակ ուժեղ քրտնում ես կամ բա՞րձր ես շնչում: Օգտագործի՛ր հոտազերծիչ, առանց թևքերի շապիկ հագիր և սրահում հաճախակի սրբիչից օգտվիր: Մի խոսքով, խուսափի՛ր պերֆեկցիոնիզմից: Հաջողություն ենք մաղթում:
