Կարդա՛ Մեթ Փոլլի՝ Իգելյոսայի շեֆ-խոհարարի խորհուրդները: Սա հենց այն մարդն է, որը կարողացել է փոխել իր կենսակերպն ու նիհարել 60 կգ: Եթե նա կարողացել է ամեն ինչ փոխել, ինչո՞ւ քեզ էլ նույնը չպետք է հաջողվի:
1. ԱՎԵԼԱՑՐՈՒ ԿԱՆՉԵՂԵՆ
Սկսի՛ր աղցանից: Թարմ կանաչեղենն ու բանջարեղենը հենց այն է, ինչ անհրաժեշտ է հագենալու և հիմնական ուտեստը չչարաշահելու համար:
2. … ԵՎ ԲԱՆՋԱՐԵՂԵՆ
Պատկերացրու ուտելիքով լի ափսե: Ինչո՞վ է այն սովորաբար լի: Տապակած կարտոֆիլ, կոտլետներ, և (հաղթական) կանաչու թերթիկ: Վերաթողարկենք գործընթացը: Ափսեի մեկ երրորդում դնենք բանջարեղեն, ապա ամբողջահատիկավորներից (օրինակ՝ բրինձ կամ հնդկաձավար) և սպիտակուց (ձուկ կամ միս):
3. ՄՏԱԾԻ՛Ր ՔՈ ԿԱՆՈՆՆԵՐԸ
Շատ տարբեր եղանակներ կան առաջին հայացքից ոչ համեղ մթերքները մեր սննդակարգ մտցնելու համար: Չե՞ս սիրում եփված կամ շոգեխաշած բանջարեղեն, ձու՝ պաշոտ կամ լրիվ խաշած: Պետք էլ չէ: Ավելացրու դրանք ապուրին, ռագուին կամ տապակած մսին: Համեղ է և չի նյարդայնացնում:
4. ԹԱ՞ՐՄ, ԹԵ՞ ՍԱՌԵՑՎԱԾ
Ե՛վ մեկը, և՛ մյուսը: Թարմ բանջարեղենն իհարկե լավագույն տարբերակն է: Խելամիտ է նաև սառցարանի մեջ պահել մի տուփ սառեցրած բաջարեղեն ծայրահեղ դեպքերի համար: Սովորաբար դրանք հավաքում են սեզոնի թեժ պահին և արագ սառեցնում, դրա համար էլ մթերքները պահպանում են սննդարար բաղադրիչների մեծ մասը:
5. ԱՌՈՂՋ ՄԱՐԴՈՒ ԲԱՐԲԵՔՅՈՒՆ
Գրիլ-ճաշատեսակներ բոլորն են սիրում, սակայն դրանցից հետո ծանր զգացողություններ են մնում: Փորձի՛ր ոչ միայն միս պատրաստել, այլև բանջարեղեն՝ դդմիկ, ծնեբեկ կամ սունկ: Մի փոքր բուսայուղ լցրու, ավելացրու համեմունքներ, և պատրաստ է:
6. ԱՅԼ ՏԻՊԻ ԸՆԴՄԻՋՈՒՄՆԵՐ
Վարունգ, գազար կամ նեխուր. սա ևս ուտելիք է: Կտրատի՛ր ոչ կտորներով, հումուս կամ սոուս պատրաստիր և դիր սեղանին՝ որպես նախուտեստ: Չես հավատա, բայց սա կարող է համեղ լինել: Հյուրերին էլ դուր կգա: Պղպեղը, բրոկոլին կամ կանաչ հատիկները ևս տարբերակ են:
7. ՎԵՐԱԳՆԱՀԱՏԻ՛Ր ԿԱՐՏՈՖԻԼԸ
Սա ամենապարզ ճաշատեսակն է և շատերի սիրելի ուտելիքը: Սակայն կան առողջ փոխարինիչներ, որոնք ևս կարելի է հեշտությամբ ավելացնել սննդակարգին, օրինակ՝ գազար, վայրի ստեպղին կամ բատատ:
8. ԱՌԱՋ ԴԵՊԻ ԱՐԿԱԾՆԵՐ
Սնվելու սովորությունը հստակորեն գալիս է մանկությունից: Սակայն մեծանալուն զուգահեռ ի հայտ են գալիս սնվելու այնքան առողջ և համեղ տարբերակներ, որոնց մասին կարող ես և չիմանալ: Ֆերմերային շուկաները, հանգստյան օրերի շուկաները, սուպերմարկետները լայն ընտրություն են առաջարկում: Փորձի՛ր նորը, գնի՛ր նոր միրգ կամ բանջարեղեն ամեն շաբաթ: Այսպես գուրման էլ կարող ես դառնալ: Բարի ախորժակ:
