ՊՐՈԲԻՈՏԻԿ
Օրգանիզմը ձմռանը նախապատրաստելու փորձված միջոցներից մեկը սննդի հետ ընդունվող պրոբիոտիկների քանակի ավելացումն է։ Դրանք միկրոօրգանիզմներ են, որոնք նպաստում են մարսողությանը և պատասխանատու են քո աղների առողջության համար, քանի որ հենց աղիներում է գտնվում դիմադրողական համակարգի մեծ մասը, շատ կարևոր է, որպեսզի այնտեղ լինեն ճիշտ մանրէներ, որոնք կհեշտացնեն դրանց աշխատանքը։ Պրոբիոտիկներ հնարավոր է գտնել մի շարք սննդամթերքներում, օրինակ՝ յոգուրտներ, կեֆիր կամ թթու դրա կաղամբ։
ՀԱՇՎԵԿՇՌՎԱԾ ՍՆՈՒՆԴ
Քանի որ խոսք գնաց սննդի մասին, չի կարելի շրջանցել նաև ձմեռային սննդակարգի յուրահատկությունները։ Դու, իհարկե, գիտես, որ սննդի հետ օրգանիզմ ներթափանցող սննդային նյութերը ոչ միայն նպաստում են իմունիտետի ուժեղացմանը, այլև, ընդհանուր առմամբ, դրական են անդրադառնում քո առողջական վիճակի վրա։ Քո օրգանիզմը վիտամիններով և հանքանյութերով ապահովելու համար մենք խորհուրդ ենք տալիս գույնզգույն դիետա, այսինքն՝ սնունդը կներառի տարատեսակ բանջարեղեն և միրգ։ Որքան շատ գույն, այնքան ավելի լավ։ Մի՛ մոռացիր նաև պրոտեինի մասին՝ մթերքներ ամբողջահատիկից, ընկուզեղեն և սերմեր։ Ամենուր անհրաժեշտ է պահպանել հաշվեկշիռը։
Չպետք է մոռանալ նաև այն սննդի մասին, որից պետք է խուսափել։ Սննդակարգից պետք է հեռացնել վերամշակված սնունդը, սահմանափակել աղի և շաքարի օգտագործումը։ Այսպես օրգանիզմիդ մեծ օգուտ կտաս։
ԱՌՈՂՋ ՔՈՒՆ
Սիրո՞ւմ ես հանգստյան օրերին քնել ավելի երկար։ Մենք նույնպես։ Եվ հատկապես ձմռանը։ Իսկ գիտե՞ս ինչու։ Որովհետև քնի պակաս ունեցող մարդիկ հիվանդանում են ավելի հաճախ, քան նրանք, ովքեր լիարժեք քնում են։ Խորհուրդ է տրվում քնել նվազագույնը 8 ժամ։ Այդ ընթացքում մեր օրգանիզմը վերականգնում է ուժերը և պայքարում հիվանդությունների դեմ։ Մի շտապիր շուտ վեր կենալ առավոտյան։ Դու արժանի ես այդ օգտակար հաճույքին։
ՀԵՂՈՒԿԻ ԲԱՎԱՐԱՐ ՔԱՆԱԿՈՒԹՅՈՒՆ
Ամառվա տապին օրգանիզմում հեղուկի անհրաժեշտ մակարդակի պահպանումը դժվար չէ։ Մեր մարմինն ինքն է հուշում, որ անհրաժեշտ է խմել։ Սակայն երբ եղանակը ցրտում է, իսկ ջերմաստիճանը՝ իջնում, մենք խմում ենք ավելի քիչ՝ չնայած, որ օրգանիզմում ջրի անհրաժեշտությունը չի նվազում։ Ջուրը լիմֆայի հիմնական բաղադրիչն է, որը պարունակում է լիմֆոցիտը (իմունային համակարգի գլխավոր բջիջը)։ Այս պատճառով մի՛ մոռացիր խմել ջուր, այն պահպանում է առողջությունը։
ՎԻՏԱՄԻՆՆԵՐ
Մենք արդեն խոսել ենք վիտամինների մասին՝ առողջ սննդակարգի ենթատեքստում և նշել մարդու իմունային համակարգի համար դրանց կարևորության մասին։ Սա հատկապես վերաբերվում է C և D վիտամիններին։ C վիտամինը հակաօքսիդիչ է, որը պայքարում է ազատ ռադիկալների դեմ՝ պաշտպանելով մեր բջիջները։ D վիտամինն ակտիվացնում է Т-լիմֆոցիտները (կամ Т բջիջները), որոնք պատասխանատու են տարատեսակ վարակների դեմ պայքարելու համար։ Այս կերպ այս երկու վիտամինները շատ կարևոր են մեր առողջության համար։ C վիտամինն առկա է մրգերում և բանջարեղենում, իսկ D վիտամինը օրգանիզմում արտադրվում է արևային ճառագայթների ազդեցության ներքո։ Այնուամենայնիվ, մարդկանց մեծամասնությունն ունի դրանց պակասությունը, ահա թե ինչու է այդքան կարևոր օրգանիզմի պահանջն այս օգտակար նյութերով ապահովելը՝ ընդունելով վիտամինային համալիրներ՝ հատկապես ձմռանը։
Օգնիր քո օրգանիզմին նախապատրաստվել ցուրտ եղանակին՝ ընդունելով վիտամինային համալիրներ՝ «Վելնես Փեք» կանանց և «Վելնես Փեք» տղամարդկանց համար։
