Մաշկի խնամք 24 ժամ

Մեր օրգանիզմի օրական ռիթմը, որը հայտնի է նաև «կենսաբանական ժամացույց» անունով, որոշում է մեր հորմոնալ ֆոնը, էներգետիկ բալանսը և պատասխանատու է մաշկի առողջության համար։ Իսկ մի քանի օգտակար սովորությունները, կօգնեն համապատասխանեցնել քո ներքին ռիթմը մաշկի համալիր խնամքին։

ԱՌԱՎՈՏՅԱՆ
Օրվա ընթացքում մաշկը քեզ պաշտպանում է այնպիսի արտաքին ագրեսորներից, ինչպիսիք են աղտոտված շրջակա միջավայրը և արևի վնասակար ճառագայթները, այդ պատճառով էլ քեզ անհրաժեշտ են միջոցներ, որոնք կօգնեն մաշկին այդ դժվար հարցում։

Մեծ քաղաքում ապրելու դեպքում՝ կարևոր է օգտագործել այնպիսի միջոցներ, որոնք կարող են պայքարել օդի աղտոտվածության բարձր մակարդակի դեմ։ Թեթև բաղադրություն ունեցող շիճուկը՝ մաշկի խորքային շերտերը սնուցող բաղադրիչներով հագեցնելու լավագույն միջոցն է։ Սակայն, շիճուկի դերը խոնավացնող միջոց լինելը չէ, այդ պատճառով էլ խնամքի գործընթացն ավարտելու համար՝ քեզ անհրաժեշտ են խոնավացնող և արևապաշտպան քսուքներ։

Չնայած, որ քո քսուքը պետք է կատարի պաշտպանիչ գործառույթ, պետք չէ այն տարածել աչքերի շուրջ հատվածին։ Այդ հատվածի խնամքի համար՝ քեզ անհրաժեշտ է առավել թեթև բաղադրությամբ քսուք։ Արտաքին աղտոտվածությունից պաշտպանվելու հարցում՝ քեզ կօգնի ասաի բույսի ցողունային բջիջների մզվածքով քսուքը, որը պարունակում է հակաօքսիդիչներ, ակտիվորեն խոնավացնում է մաշկը և պայքարում է ազատ ռադիկալների դեմ։ Ինչպես նաև, մի՛ մոռացիր SPF-ի մասին, բազմաթիվ քսուքներ պարունակում են նաև SPF15, որը պետք  է նշված լինի փաթեթավորման վրա։

ԿԵՍՕՐԻՆ
Ամբողջ օրը էկրանի առջև նստելը՝ մաշկի վրա թողնում է շատ ավելի քայքայիչ ազդեցություն, քան դու կարծում ես։ Կան հետազոտություններ, որոնք կապում են էկրանի ճառագայթումը փոքր կնճիռների առաջացման, մաշկի առաձգականության կորստի, գունակային հետքերի և կարմրության առաջացման, այսինքն՝ ծերության դասական նշանների հետ։

Նման տհաճություններից խուսափելու համար՝ օրվա ընթացքում կարող ես խթանել մաշկի պաշտպանիչ շերտերը հակաօքսիդիչներ պարունակող տոնիկ-ցողաշիթի օգնությամբ (օրինակ՝ Ecobeauty ապրանքանիշ)։ Եվ քանի որ օրվա ընթացքում մաշկն արտադրում է մեծ քանակությամբ սեբում, ձեռքի տակ միշտ ունեցիր ներծծող անձեռոցիկներ։

ԵՐԵԿՈՅԱՆ
Մենք բոլորս գիտենք, որ քնի պակասը ազդում է մեր տրամադրության վրա, սակայն այն նաև չափազանց բացասական է անդրադառնում մաշկի վիճակի վրա՝ առաջացնելով վաղաժամ ծերացում և հանգեցնելով բորբոքվածությունների։ Այս պատճառով էլ չափազանց կարևոր է քնել օրական նվազագույնը 7-8 ժամ, որի ընթացքում մաշկը հասցնում է վերականգնվել։

Երեկոյան մաշկի մաքրումը պետք է դառնա ատամները լվանալու նման գործընթաց, որն անհրաժեշտ է անել ամեն օր՝ անկախ հանգամանքներից։ Այսօր բազմաթիվ տոնիկներ պարունակում են հիդրաթթվի համադրություն (սալիցիլաթթու, գլիկոլաթթու կամ կաթնաթթու), որոնք խթանում են մաշկի նորացման գործընթացները։ Այս նպատակին են ծառայում նաև NovAge Ecollagen և True Perfection շարքի շիճուկները։ Կլանելով մաշկի մահացած բջիջները՝ այս արդյունավետ միջոցները խթանում են մաշկի նորացման գործընթացները ողջ գիշերվա ընթացքում։

Քանի որ գիշերային ժամերին նկատվում է մաշկի խոնավության կորստի կիզակետ, կարևոր է օգտագործել հագեցած գիշերային քսուքներ, որոնք լրացնում են մաշկի խոնավությունը և կանխարգելում կոլագենային մանրաթելերի քայքայումը։


Տեքստ Ֆոտո Getty Images