Երիտասարդացում՝ ներսից

Ավոկադոն պարունակում է բազմաթիվ պոլիչհագեցված յուղեր։ Նախքան «յուղ» բառին քո բացասական ռեակցիա տալը, մտածիր, որ հենց դրանք են քո բջիջները պաշտպանում ազատ ռադիկալներից և բարելավում մաշկի կառուցվածքը։ Ինչպես նաև միջին չափսի ավոկադոն պարունակում է մոտավորապես 14 գ բջջանյութ, իսկ այն, ինչպես հայտնի է, պատասխանատու է օրգանիզմից տոքսինների դուրս հանելու համար։ Հենց դրանք են ստիպում ունենալ ավելի մեծ տեսք։

ՋՈՒՐ
Բոլոր ժամանակների լավագույն հակատարիքային միջոցը։ Այն հեռացնում է տոքսինները, պայքարում ջրազրկման դեմ, մաշկի հաղորդում փափկություն և վերադարձնում առողջ փայլը։

ԲՐՈԿՈԼԻ
Բրոկոլին պարզապես հագեցած է C վիտամինով, որն, ինչպես հայտնի է, հանդիսանում է մաշկի արտաքին ագրեսորներից ամենաարդյունավետ պաշտպանը, որոնք են արևային ճառագայթները և շրջակա միջավայրի աղտոտվածությունը։ Բացի այդ C վիտամինն ունի կարևոր դերակատարություն կոլագենի արտադրման մեջ։

ԸՆԿՈՒԶԵՂԵՆ
Նուշն ու հունական ընկույզը պարունակում են մեծ քանակությամբ օմեգա 3 ճարպաթթուներ, պրոտեին և E վիտամին։ Այն ոչ միայն օրինակելի, առողջ  թեթև նախաճաշիկ է, այլև վերականգնում է մաշկը, ինչպես նաև կանխարգելում կնճիռների առաջացումը։ 

ՍԱՂՄՈՆ
Լոսդազգիների ընտանիքից այս յուղոտ ձուկն օգնում է պահպանել մաշկի փայլը։ Այն հարուստ է պրոտեիններով, ինչպես նաև օմեգա 2 և օմեգա 6 ճարպաթթուներով, որոնք օգնում են վերականգնել և պահպանել մաշկի առաձգականությունը։

ՏՈՄԱՏ
Տոմատը պարունակում է լիկոպին՝ հզոր հակաօքսիդիչ, որը մաշկը պաշտպանում է արևի ճառագայթների վնասակար ազդեցությունից և պահպանում դրա փայլը։

ԿԻՎԻ
Կիվիի ընդամենը մեկ պտուղը պարունակում է C վիտամինի օրաբաժինհը։ Այս միրգն օգնում է վերականգնել կոլագենը, հեռացնել տոքսինները և բարձրացնել մաշկի էլաստիկությունը, ինչն արդյունքում օգնում է ունենալ երիտասարդ տեսք։

ՎԱՐՍԱԿԱՁԱՎԱՐ
Վարսակաձավարը պարունակում է մեծ քանակությամբ բջջանյութ և սնուցող նյութեր, որոնք ազդում են մաշկի խոնավացման մակարդակի վրա։ Այն նաև ունի հակաբորբոքային, հակաօքսիդիչ հատկություններ և պարունակում է սիլիցիում, որը բարերար կերպով է անդրադառնում մաշկի բջջային կառուցվածքի վրա և կանխարգելում կնճիռների առաջացումը։

Հավելումներ, որոնք օգնում են ունենալ երիտասարդ տեսք։

ՕՄԵԳԱ 3
Օմեգա 3 ճարպաթթուները կարող ես ստանալ սննդի միջոցով, օրինակ՝ յուղոտ ձուկ, սակայն մարդկանց մեծամասնությունը չի ընդունում անհրաժեշտ քանակությամբ սննդամթերք։ Միևնույն ժամանակ օմեգա 3-ը չափազանց կարևոր է մեր օրգանիզմի համար, քանի որ այն օգնում է պահպանել մաշկի խոնավությունը, էլաստիկությունը և պահում այն կյանքով լի՝ այդ կերպ կանխարգելելով կնճիռների առաջացումը։

ԱՍՏԱՔՍԱՆՏԻՆ
Աստաքսանտինը հակաօքսիդիչ է, որը ստացվում է ջրիմուռներից։ Այն պատկանում է նույն ընտանիքին, ինչ բետա-կարոտինը և լիկոպինը, իսկ հետազոտությունները ցույց են տալիս, որ աստաքսանտինը 100 անգամ ավելի արդյունավետ է պայքարում ազատ ռադիկալների դեմ, քան E վիտամինը։