ԻՆՉՊԵ՞Ս Է ՓՈԽՎՈՒՄ ՄԱՇԿԸ ԴԱՇՏԱՆԱԴԱԴԱՐԻ ՇՐՋԱՆՈՒՄ
Դաշտանադադարի շրջանում կատարվող փոփոխությունները հասկանալու համար անհրաժեշտ է հասկանալ՝ ինչպես են աշխատում հորմոնները և ինչ է դա առհասարակ։ Հորմոններն ասես յուրօրինակ «ազդանշանային մոլեկուլներ» են, որոնք մեր մարմնին թելադրում են նրա հոգեբանական և ֆիզիոլոգիական դրսևորումը տարբեր իրավիճակներում։ Այդ հորմոններից մեկը էստրոգենն է։ Հաճախ հենց այս հորմոն է ասոցացվում «կանացի հորմոններ» հասկացության հետ։ Էստրոգենը մասնակցում է սպիտակուցի սինթեզի, հեղուկային փոխանակման և օրգանիզմի այլ ֆունկցիաներին։
Կարևորագույն սպիտակցուներից մեկը, որի սինթեզման համար պատասխանատու է էստրոգենը, կոլագենն է։ Այն անհրաժեշտ է մեր մաշկի առաձգականության ու էլաստիկության համար։ Էստրոգենը նաև ապահովում է գլիկոզամինոգլիկանների (պոլիսախարիդների երկար շղթա, որը ներծծում է խոնավությունը և օգնում ապահովել մաշկի խոնավության բնական մակարդակը) սինթեզումը։
Դաշտանադադարի ընթացքում կնոջ օրգանիզմում նվազում է էստրոգենի մակարդակը, և այդ փոփոխություններն անդրադառնում են հետևյալ կերպ.
- Իջնում է մաշկի խոնավության մակարդակը,
- Նվազում է կոլագենի արտադրությունը,
- Խախտվում է մաշկի միջբջջային մատրիքսը, ինչը այլ երևույթների թվում, հանգեցնում է մելանինի կուտակմանը (գունակային հետքերի հայտնվելուն)։
ՈՐՈ՞ՆՔ ԵՆ ԴԱՇՏԱՆԱԴԱԴԱՐԻ ՇՐՋԱՆՈՒՄ ՄԱՇԿԻ ՀԻՄՆԱԿԱՆ ԽՆԴԻՐՆԵՐԸ
Դաշտանադադարի շրջանում մաշկի ամենատարածված խնդիրներն են չորություն, մեծ քանակությամբ կնճիռների առաջացում, գունակավորում, կոլագենի սինթեզման կրճատման արդյունքում՝ մաշկի էլաստիկության կորուստ և բարակում։
ԱՐԴՅՈ՞Ք ՄԱՇԿԻՆ ԱՆՀՐԱԺԵՇՏ Է ՀԱՏՈՒԿ ԽՆԱՄՔ ԴԱՇՏԱՆԱԴԱԴԱՐԻ ՇՐՋԱՆՈՒՄ
Այո, այս շրջանում մաշկին անհրաժեշտ է հատուկ խնամք։ Դաշտանադադարի ընթացքում և դրանից հետո անհրաժեշտ է ուժեղացված սնուցում, խոնավացում և խնամք՝ ուղղված կնճիռների ու գունակային հետքերի կրճատմանը։ Հետազոտությունները ցույց են տալիս, որ իզոֆլավոնները, օրինակ՝ գենիստեինը, կարող է մաշկի վրա, որն այդ շրջանում տառապում է էստրոգենի մակարդակի կրճատումից, ունենալ բարենպաստ ազդեցություն, իսկ հիալուրոնաթթուն օգնում է պահպանել խոնավության անհրաժեշտ մակարդակը, ինչը չափազանց կարևոր է այս տարիքի համար։
ԻՆՉՊԵ՞Ս ԼԱՎԱԳՈՒՅՆՍ ԽՆԱՄԵԼ ՄԱՇԿԸ ԴԱՇՏԱՆԱԴԱԴԱՐԻ ՇՐՋԱՆՈՒՄ
Սնուցել, խոնավացնել, ինչպես նաև դիմել համալիր խնամքի՝ ուղղված կնճիռների կրճատմանը (օրինակ՝ կոլագենի արտադրությունը խթանող միջոցներով) և գունակային հետքերի նվազեցմանը։
ՄԱՇԿԻ ԽՆԱՄՔԻ Ի՞ՆՉ ՄԻՋՈՑՆԵՐ ԱՌԱՋԱՐԿԵԼ ԴԱՇՏԱՆԱԴԱԴԱՐԻ ՇՐՋԱՆՈՒՄ
Ես խորհուրդ կտայի NovAge Time Restore շարքը։ Այս շարքի բոլոր միջոցները պարունակում են գենիստեին, իսկ ցերեկային քսուքը նաև հիալուրոնաթթու՝ սրանք դաշտանադադարի շրջանում մաշկի խնամքի երկու առանցքային մասնիկներ են։
Ի՞ՆՉ ԿԱՐԵՎՈՐ ԽՈՐՀՈՒՐԴ ԿԱՐԵԼԻ Է ՏԱԼ 50-Ն ԱՆՑ ԿԱՆԱՆՑ
Գլխավորը՝ շարունակել խնամել մաշկը։ Դուք կարող եք ունենալ այնպիսի արտաքին տեսք, ինչպիսին ձեր ներքին զգացողությունն է։ Հոգացե՛ք ձեր մասին, հիշեք համալիր խնամքի մասին, դարձրեք այն ձեր առօրյայի մասնիկը, մի մոռացեք խմել բավարար քանակությամբ ջուր, խուսափեք արևի ուղիղ ճառագայթներից և սնվեք լիարժեք։
