1. ԴԻ՛Ր ԻՐԱՏԵՍԱԿԱՆ ՆՊԱՏԱԿՆԵՐ
Պետք չէ փորձել նիհարել միանգամից տասնյակ կիլոգրամներ մինչև արձակուրդը կամ մոտակա երեկույթը: Սննդի սահմանափակումները դանդաղեցնում են քո նյութափոխանակությունը, իսկ դա շատ վնասակար է առողջության համար և չի տալիս երկարաժամկետ արդյունք: Դի՛ր իրատեսական նպատակներ և հատկացրո՛ւ բավականաչափ ժամանակ՝ դրանք իրագործելու համար:
2. ՕՐԱԿԱՐԳԻ ՈՒԺԸ
Դու նախապես ես պլանավորում հանդիպումները, կարևոր գործերը և անգամ ընկերների հետ երեկույթը: Ինչո՞ւ օրակարգի մեջ չներառել նաև սպորտով զբաղվելը: Ժամանակ հատկացրու սպորտային ակումբ այցելությանը, զբոսանքներին կամ վարժանքներով նոր հոլովակի դիտմանը:
3. ՄԱՇԿԻ ԽՆԱՄՔ
Ուզո՞ւմ ես մաշկդ ունենա առողջ փայլ: Իհարկե ուզում ես: Չոր խոզանակով մերսումը փափկացնում է կոշտ մաշկը և բարելավում արյան շրջանառությունը: Շաբաթը երկու անգամ իրագործիր փափուկ պիլինգ և մի՛ մոռացիր ամեն օր խոնավացնել մաշկը՝ դրա վիճակն ու տեսքը բարելավելու համար:
Մաշկի ամառային խնամքի մասին ավելի շատ խորհուրդների ծանոթացեք այս հոդվածում:
4. ԾԻԱԾԱՆԻ ԲՈԼՈՐ ԳՈՒՅՆԵՐԸ
Արթանցրո՛ւ քո ներքին գեղեցկությունը: Սեզոնային վառ մրգերն ու բանջարեղենը, ինչպիսիք են լոլիկը և ամառային հատապտուղները, լի են օգտակար հակաօքսիդիչներով, իսկ փայլի համար անհրաժեշտ А և С վիտամիններ մեծ քանակությամբ առկա են կանաչ բանջարեղենի, օրինակ՝ կաղամբի և բրոկոլիի մեջ:
5. ԴՈՒՐՍ ԱՐԻ ՓՈՂՈՑ
Եթե դրսում արևային եղանակ է և չկա անձրև, մարզասրահը խիզախորեն կարելի է փոխարինել այգով, որտեղ կարելի է վազել, լճով, որտեղ կարելի է լողալ, կամ պարզապես բացատով, որտեղ կարելի է խաղալ վոլեյբոլ: Միայն թե չմոռանաս արևապաշտպան միջոցի մասին:
6. ՀԵՏԵՎԻ՛Ր ՈՐՈՎԱՅՆԻՆ
Հավանո՞ւմ ես տեսքդ նորաձև լողազգեստով: Շնորհավորում ենք, այժմ կարևոր է տպավորությունը չփչացնել փքված փորիկով: Անհրաժեշտ է ուղղակի խուսափել արհեստական քաղցրացնող նյութեր, գազավորված ըմպելիքներ, ալկոհոլ և մաստակ օգտագործելուց:
7. ՄԻ՛ ՊԱՀԱՆՋԻՐ ՔԵԶՆԻՑ ԱՎԵԼԻՆ
Քեզ մոդելների հետ համեմատելու փոխարեն կենտրոնացիր սեփական մարմնիդ վրա: Եթե հետևում ես հաշվեկշռված դիետային, կանոնավոր կերպով զբաղվում սպորտով, և քո մարմնի քաշը գտնվում է նորմայի սահմաններում՝ համաձայն մարմնի զանգվածի ինդեքսի, քեզ քննադատելու կարիք չկա: Առողջ մարմին՝ գեղեցիկ մարմին:
