Վնասակար շրջապատ: Ինչպե՞ս են բնական գործոններն ազդում քո մաշկի վրա

Ամեն օր դու և քո մաշկը ենթարկվում եք շրջակա միջավայրի վնասակար ազդեցությանը: Ո՞ր գործոններն են առավել վնասակար, և ինչպե՞ս պաշտպանվել դրանցից: Պատասխանում է մաշկի խնամքի փորձագետ Մելինա Գալեադին:

1. ՈՒԼՏՐԱՄԱՆՈՒՇԱԿԱԳՈՒՅՆ ՃԱՌԱԳԱՅԹՈՒՄ
Արևը մեր մաշկի ամենավտանգավոր թշնամիներից մեկն է: ՈՒՄ-ճառագայթները վնասում են բջիջների էլաստինը և կոլագենը, ինչն իր հերթին հանգեցնում է կնճիռների առաջացման և դեմքի ուրվագծերի հստակության կորստի: Բացի այդ, արևային ճառագայթները կարող են լինել մաշկի երանգի փոփոխության և գունակային հետքերի (վաղաժամ ծերացման ակնառու նշաններ) առաջացման պատճառ:

Փորձագետի խորհուրդը. 
«Ես չեմ դադարի խոսել SPF գործոնով միջոցների ամենօրյա կիրառման անհրաժեշտության մասին: Անգամ եթե երկինքը պատված է ամպերով, իսկ դրսում ձմեռ է, ՈՒՄ-ճառագայթները կարող են ներթափանցել ամպերի միջով և վնասել քո մաշկը: Ամենօրյա պաշտպանության համար ընտրիր SPF 15 և ավելի բարձր գործոնով քսուքներ: Ուզո՞ւմ ես հավելյալ պաշտպանություն (գունակային հետքերի առաջացումը կրճատող բոնուսների տեսքով): Այդ դեպքում խորհուրդ եմ տալիս գունակային հետքերի դեմ պայքարող SPF 35 Optimals Even Out քսուք-ֆլյուիդը»:

2. ԱՐՏԱՆԵՏՈՒՄՆԵՐ ԵՎ ԱՂՏՈՏՎԱԾՈՒԹՅՈՒՆ
Այնպիսի գործոնները, ինչպիսիք են ծուխը, մառախուղը և մթնոլորտում արտանետումները, բացասաբար են ազդում մեր օրգանիզմի վրա ինչպես ներսից՝ ազդելով մեր շնչառական համակարգի վրա, այնպես էլ դրսից՝ անմիջականորեն վնասելով մաշկը: Ինչպես և ուլտրամանուշակագույն ճառագայթները, աղտոտվածությունը վնասում է բջիջները և դառնում մաշկի չորության, վաղաժամ ծերացման պատճառ:

Փորձագետի խորհուրդը.
«Շրջակա միջավայրի աղտոտվածությունը մեծ ազդեցություն ունի քո մաշկի վրա: Քաղաքում ապրելու դեպքում՝ դրանից թաքնվելն անհնար է, այդ պատճառով խորհուրդ ենք տալիս սննդակարգում ներառել խնամքի օգտակար սովորույթներ: Դեմքը մաքրիր առավոտյան և երեկոյան, միշտ հեռացրու դիմահարդարումը և օգտագործիր մաշկի չորության և փայլի կորստի դեմ պայքարող միջոցներ: Խորհուրդ եմ տալիս ուշադրություն դարձնել Optimals Age Revive և Even Out միջոցներին: Դրանք պարունակում են Anti-Pollution Active համալիր, որը պաշտպանում է մաշկդ շրջակա միջավայրի ազդեցությունից՝ օգնելով պահպանել խոնավության անհրաժեշտ մակարդակը և վերադարձնել առողջ փայլը
»:

3. ԾԽԵԼԸ
Ոչ մի նոր բան, ծխախոտի ծուխը չափազանց վնասակար է մաշկի համար: Այդ վնասից խուսափելն անհնար է, այն ամենուրեք է, իսկ պասսիվ ծխողների համար նաև ոչ պակաս վնասակար, այն կարող է դառնալ վաղաժամ ծերացման և կնճիռների առաջացման պատճառ: Ծուխը նաև մաշկին հաղորդում է գունատ տեսք:

Փորձագետի խորհուրդը.
«Մի՛ ծխիր, սա իմ գլխավոր խորհուրդն է»:

4. ՕԴԱՓՈԽԻՉՆԵՐՆ ՈՒ ԿԵՆՏՐՈՆԱԿԱՆ ՋԵՌՈՒՑՈՒՄԸ
Մեզնից շատերն օգտվում են կենտրոնական ջեռուցման համակարգից կամ օդափոխիչներից՝ տարածքում առկա ջերմաստիճանն առավել հարմարավետ դարձնելու համար: Ցավոք, դա մեր մաշկի վրա թողնում է իր բացասական ազդեցությունը: Ջեռուցումը չորացնում է օդը, և որպես հետևանք՝ նաև քո մաշկը: Նույնը կարելի է ասել նաև օդափոխիչների վերաբերյալ, որոնք առաջացնում են մաշկի գրգռվածություն և շերտազատում: 

Փորձագետի խորհուրդը.
«Այս գործոնների դեմ պայքարելու համար անհրաժեշտ է ամենօրյա սովորույթներում ներառել մաշկի համալիր խնամքը, սա չորության, փայլի կորստի և դիմախաղի կնճիռների խնդիրները լուծելու պարզագույն տարբերակն է: Մաքրում, տոնուսավորում, աչքերի շուրջ խոնավացնող քսուք, այնուհետև ցերեկային կամ գիշերային քսուքներ՝ ընդամենը չորս, սակայն չափազանց արդյունավետ քայլ»:

Տեքստ Ֆոտո Oriflame, Getty