Հայտնի դիետաներ․ խոստումներ և իրականություն

ԴԻԵՏԱ 5։2
Ի՞նչ է սա
5։2 դիետայի շրջանակներում կարող ես շաբաթը 5 օր սնվել քո սովորույթների համաձայն (պահպանելով օրական 2000-ից 2400 կկալ նորմերը), մնացած 2 օրը կազմակերպիր լիցքաթափող օրեր՝ սննդակարգը նվազեցնելով 500-ից 600 կկալ։

Փորձագետի կարծիքը
«Ավելորդ քաշից արագ ազատվելու դիետաների շարքից 5։2-ն ամենախելամիտն է և երկարաժամկետ արդյունք ապահովողը։ Հաշվարկը պարզ է․ օգտագործելով քիչ քանակությամբ կալորիա՝ ազատվում ես քաշից։ Եվ քանի որ գրեթե յուրաքանչյուրը ունակ է երկու օր սահմանափակել սննդակարգը, ապա մնացած օրերում էլ 5:2 հակված են մնալ չափի սահմաններում»։

ԴՅՈՒԿԱՆԻ ԴԻԵՏԱ
Ի՞նչ է սա
Ֆրանսիացի դիետոլոգ Պիեր Դյուկանի «Ես չեմ կարողանում նիհարել» գիրքն ամբողջ աշխարհով տարածվեց ավելի քան 8 միլիոն օրինակով։ Նրա մեթոդի հետևորդների շարքերում կային բազմաթիվ հայտնիներ, օրինակ՝ Ջենիֆեր Լոպեսն ու Պենելոպա Կրուզը։ Այս խիստ դիետան պարտադրում էր խուսափել ածխաջրեր օգտագործելուց և դրանք փոխարինելով սպիտակուցներով և ճարպերով։

Փորձագետի կարծիքը
«Սպիտակուցների և ճարպերի մեծ քանակություն պարունակող մթերքով դիետան թույլ են տալիս չունենալ քաղցի զգացողություն, և որպես հետևանք՝ օգտագործել ավելի քիչ կալորիաներ։ Բացառելով ածխաջրային սնունդը՝ այս դիետայի հետևորդները սկզբնական փուլում նկատելիորեն ազատվում են ավելորդ քաշից, սա տեղի է ունենում հեղուկի կորստի շնորհիվ։ Դյուկանի դիետան լավ տարբերակ է քաշից արագ ազատվելու համար, սակայն դրա երկարաժամկետ արդյունքն այնքան էլ ակնհայտ չէ։ Քո օրգանիզմին անհրաժեշտ է հաշվեկշռված սնունդ, որը պետք  է ներառի նաև բարդ ածխաջրեր, ճարպեր և սպիտակուցներ, և նույնքան էլ վիտամիններ և հանքանյութեր։ Անձամբ ես խորհուրդ չէի տա Դյուկանի դիետան՝ որպես ավելորդ քաշի խնդրի երկարաժամկետ լուծում»։

ՊԱԼԵՈԴԻԵՏԱ
Ի՞նչ է սա
Պալեոդիետան հիմնված է քարի դարի մարդկանց ենթադրելի հին սննդակարգի վրա։ Սա պատմական շրջան է, որն ավարտվել է շուրջ 10 000 տարի առաջ։ Պալեոդիետային հետևոզները օգտագործում են կենդանիների միս (նախընտրելի է խոտակերներինը), միրգ և բանջարեղեն, կոճղարմատ և ընկուզեղեն։ Հիմնական սկզբունքը պարզ է․ Պալեոդիետայի շրջանակներում թույլատրվում է ուտել այն ամենն, ինչը կարող էր հայթայթվել որսորդության և հավաքչության արդյունքում։

Փորձագետի կարծիքը
«Պալեոդիետան բավականին ողջամիտ մոտեցում է առողջ կենսակերպի համար։ Դրան ճիշտ հետևելու դեպքում՝ օրգանիզմը կստանա անհրաժեշտ բոլոր միկրոէլեմենտները և սնուցող նյութերը, որոնք անհրաժեշտ են մարդուն նորմալ կյանքի համար։ Եթե դու որոշել ես հետևել այս դիետային, ես կարող եմ խորհուրդ տալ օգտագործել օրգանական մթերք՝ օպտիմալ արդյունքի հասնելու համար»։

5 խորհուրդ դիետայի երկարաժամկետ արդյունքի համար

1. Ամեն առավոտ քո առջև դիր հասանելի նպատակ, օրինակ՝ «այսօր ես կուտեմ առողջ ճաշ, և դա կանեմ ճիշտ ժամին» կամ «այսօր ես 30 րոպե կզբաղվեմ սպորտով», «այսօր կխմեմ բավարար քանակությամբ ջուր», «այսօր չեմ ուտի քաղցրեղեն՝ քաղց զգալու ժամանակ»։ Օրվա ավարտին թվարկիր բոլոր ձեռքբերումներդ հետևյալ ձևաչափով՝ ես ունեցել եմ արդյունավետ օր, քանի որ...։

4. Հավատա ինքդ քեզ։ Երկար ժամանակահատվածում փոքրիկ փոփոխությունները միշտ էլ նախընտրելի են կարճ ժամանակահատվածի ընթացքում ռադիկալ փոփոխություններից։ 

5. Հետևի՛ր դիետայի պլանին (օրինակ՝ Wellness-ի քաշի բնական նվազեցման համակարգին)։ Հստակ և պարզ կանոնները կօգնեն հասնել նպատակին՝ առանց օրգանիզմին վնաս հասցնելու և արդյունքը երկար պահպանելով։