ԱՌԱՍՊԵԼ №1. ԳՈՐԾՈՒՄ ԵՆ ՄԻԱՅՆ ՍՈՎԱՄԱՀ ԱՆՈՂ ԴԻԵՏԱՆԵՐԸ
Հետազոտությունները ցույց են տալիս, որ քաշն արագ նվազեցնող սննդակարգերը չեն ապահովում երկարատև արդյունք, և մի քանի կիլոգրամից հեշտությամբ ազատված մարդկանց մեծամասնությունը նույն արագությամբ էլ վերականգնում է հին քաշը։ Սակայն, նման խիստ դիետաների գլխավոր խնդիրն այն է, որ դրանք վնասում են օրգանիզմի նյութափոխանակությունը՝ կարևոր բաղադրիչների նվազման հաշվին։ Դրանցից հետո դու կզգաս ուժի, էներգիայի անկում, որն այնուհետև կցանկանաս լրացնել յուղոտ կամ քաղցր սնունդով՝ զրոյացնելով նախկինում ունեցած ձեռքբերումներդ։
ԱՌԱՍՊԵԼ №2. ՇԱՏ ՄԻՐԳ ՈՒ ԲԱՆՋԱՐԵՂԵՆ ՈՒՏԵԼՈՒ ԴԵՊՔՈՒՄ ՔԱՇԴ ԿՆՎԱԶԻ
Ոչ առողջ սնունդ ընդունելուց հետո, մեծ քանակությամբ առողջ սնունդ օգտագործելու դեպքում՝ երբեք էլ չես ազատվի ավելորդ կալորիաներից։ Այնպես որ, մրգերի ուժը փորձարկելու համար՝ պետք է դրանք ուտել որևէ այլ կերակուրի փոխարեն։
ԱՌԱՍՊԵԼ №3. ՔԱՇԻ ՆՎԱԶԵՑՈՒՄ՝ ՄՇՏԱԿԱՆ ԱՐԴՅՈՒՆՔ
Քո քաշը մշտապես փոփոխվում է, երբեմն այն նվազում է, երբեմն էլ ընդհակառակը՝ ավելանում։ Սակայն պետք չէ անհանգստանալ։ Սննդի յուրացման կամ ջրային հաշվեկշռի փոփոխությունները կարող են հանգեցնել քաշի փոփոխման։ Կարևոր է հետևել ընդհանուր միտումին՝ եթե այն նվազում է, ապա դու ճիշտ ուղու վրա ես։
ԱՌԱՍՊԵԼ №4.ՆԻՀԱՐԵԼՈՒ ՀԱՄԱՐ ԱՆՀՐԱԺԵՇՏ Է ԽՄԵԼ ՄԵԾ ՔԱՆԱԿՈՒԹՅԱՄԲ ՋՈՒՐ
Ջուրն անհրաժեշտ է օրգանիզմի առողջության համար, սակայն այն չի նպաստում նիհարելուն։ Միևնույն ժամանակ, հաճախ սովի սուր զգացողության դեպքում՝ բավական է խմել ընդամենը մի քանի կում ջուր՝ այդ տհաճ զգացողությունից ազատվելու համար։
ԱՌԱՍՊԵԼ №5. ՆԻՀԱՐԵԼ ՀՆԱՐԱՎՈՐ Է ՄԻԱՅՆ ՏՔՆԱՋԱՆ ՄԱՐԶՈՒՄՆԵՐԻ ԱՐԴՅՈՒՆՔՈՒՄ
Եթե որոշել ես կանոնավոր մարզվել, ապա դա միայն ողջունելի է, սակայն հիշիր՝ քո օրգանիզմը չի կարող մեկ գիշերվա ընթացքում հարմարվել քրոս-ֆիթի ծանրաբեռնվածությանը։ Ավելորդ քաշից ճիշտ ազատվելու համար՝ ծանրաբեռնվածությունը պետք է ավելացնել աստիճանաբար։
ԱՌԱՍՊԵԼ №6. ՖԱՍՏՖՈՒԴԸ ԳԻՐԱՑՆՈՒՄ Է
Արագ սննդի կետերի մենյուները միշտ ներառում են 1-2 ճաշատեսակ, որոնք կարող են ուտել նաև առողջ ապրելակերպի կողմնակիցները, օրինակ՝ բանջարեղենով աղցան։ Եթե իրավիճակն այնպիսին է, որ ֆաստֆուդից անհնար է խուսափել, ընտրիր հենց այդ ուտեստը, որը միանգամայն ավելի առողջ տարբերակ է, քան կրկնակի համբուրգերը։
ԱՌԱՍՊԵԼ №7. ԱԾԽԱՋՐԵՐԻՑ ԳԻՐԱՆՈՒՄ ԵՆ
Միայն ռաֆինացված ածխաջրերից, ինչպիսիք են՝ սպիտակ բրինձը, սպիտակ պաստան և տարատեսակ քաղցրավենիքները։ Ընդհանուր առմամբ, ածխաջրերն առողջ սննդակարգի անբաժանելի մասն են՝ չմշակված ցորենի հացը կամ մոխրագույն բրինձն անգամ օգտակար են քո օրգանիզմի համար։ Բալանսավորված սննդակարգի շրջանակներում՝ ճիշտ քանակությամբ ածխաջրերի օգտագործումը չի հանգեցնի ավելորդ քաշի առաջացմանը։
ԱՌԱՍՊԵԼ №8. ԲՈԼՈՐ ԿԱԼՈՐԻԱՆԵՐԸ ՄԻԱՆՄԱՆ ԵՆ
Բոլոր կալորիաները միանման են միայն այն իմաստով, որ դրանք մեր օրգանիզմի համար ծառայում են որպես վառելանյութ, սակայն կալորիաների աղբյուրները կարող են էապես տարբերվել, որտեղ էլ թաքնված է խնդրի արմատը։ Մենք ուզում ենք ասել, որ սպիտակուցներով հարուստ կոկտեյլում պարունակվող 200 կկալ-ն առավել օգտակար է, քան թխվածքաբլիթներում պարունակվող նույն քանակությամբ կալորիաները։ Կարծում ենք՝ տարբերությունն արդեն հասկանալի է։
ԱՌԱՍՊԵԼ №9. ԱՆՀՐԱԺԵՇՏ Է ԽՈՒՍԱՓԵԼ ՑԱՆԿԱՑԱԾ ՍՆՆԴԱՅԻՆ ՀԱՎԵԼՈՒՄՆԵՐԻՑ
Վելնես կոկտեյլները, սալիկները և ապուրները արդյունավետորեն չեզոքացնում են քաղցի զգացողությունը և էներգիա հաղորդում ։ Այստեղ է թաքնված սննդային հավելումների հիմնական գաղափարը՝ դրանք քո օրգանիզմը զինում են անհրաժեշտ սննդարար նյութերով՝ թույլ տալով պահպանել կալորիաների օրական նորմայի սահմանները։ Դրանք նաև երկարացնում են հագեցվածության զգացողությունը։
ԱՌԱՍՊԵԼ №10. ԵՍ ՈՒ ԶՈՒԳԸՆԿԵՐՍ ԿԱՐՈՂ ԵՆՔ ՊԱՀՊԱՆԵԼ ՄԻԵՎՆՈՒՅՆ ԴԻԵՏԱՆ
Գենետիկորեն տղամարդիկ ստեղծված են այնպես, որ նրանց օրգանիզմում մկանային մասսայի և ճարպի բալանսը տարբերվում է կանանց օրգանիզմի կառուցվածքից։ Տոկոսային հարաբերակցությամբ՝ տղամարդկանց մոտ մկաններն ավելի շատ են, քան ճարպը։ Հենց այդ պատճառով էլ տղամարդիկ ուտում են ավելի շատ, քան կանայք։ Հենց այդ պատճառով էլ, դժվար թե միևնույն դիետան հարմար լինի թե՛ կանանց և թե՛ տղամարդկանց համար։
