1. Պատրաստիր կիրակի օրերին
Այո՛, սա կարող է ձանձրալի թվալ. նախօրոք պատրաստել ճաշը ողջ շաբաթվա համար: Բայց պարզ լուծումներն օգնում են խնայել ժամանակն ու գումարը, սնվել ավելի ճիշտ և ամենակարևորը՝ ամեն անգամ պետք չէ մտածել, թե ինչ պատրաստել: Ուղղակի սառեցրո՛ւ ճաշը և տաքացրո՛ւ անհրաժեշտ պահին:
2. Ձեռագիր գրիր
Անշուշտ, սա զվարճալի է հնչում սմարթ հեռախոսների և համակարգիչների դարում, բայց շատ արդյունավետ տարբերակ է: Կզարմանաս, բայց ձեռքով գրված գնումների պարզ ցանկը կօգնի թեթևանալ և հանգստացնել նյարդերը: Հաջորդիվ՝ ճանապարհորդություններից բացիկներ ուղարկելն ու իսկական նամակներ գրելն է:
3. Թրենդների հետևից մի ընկիր
Քո պահարանի զգեստներից հաստատ կարելի է բազմաթիվ նոր տարբերակներ ստանալ: Ուղղակի հենց երեկոյան սկսիր մտածել, թե ինչ ես ուզում հագնել առավոտյան: Առավոտվա շտապողականության մեջ դժվար է տարբեր համադրությունները նկատել: Զգեստներն դասավորիր՝ ըստ տեսակների, որպեսզի արագ գտնես քեզ անհրաժեշտ հագուստը և միշտ քո բարձրության վրա եղիր:
4. Մեքենան թող տան մոտ
Երբեմն հանրային տրասպորտը կարող է մեքենայից հարմար տարբերակ լինել: Ինչպես հիմա՝ պետք չէ մաքրել ձյունը, լվանալ, ավտոկայանատեղի փնտրել և վերադառնալ մեքենայի հետևից ավելի ուշ, եթե որոշել եք մեկ գավաթ գինի խմել ռեստորանում: Շաբաթը մի քանի անգամ ազատիր քեզ այս հոգսերից: Երթևեկիր ավտոբուսով, մետրոյով կամ նույնիսկ քայլիր: Հրաշալի փոքրիկ մարզում է և հրաշալի հնարավորություն պահպանելու շրջակա միջավայրը:
5. Սովորիր ասել «ոչ»
Արի՛ նայենք ճշմարտության աչքերին՝ ոչ ոք ժամանակ և ուժ չունի՝ այս ամենը վերափոխելու համար: Աշխատավայրում, տանը կամ ինքնազարգացման ճանապարհին չավարտած խնդիրները մեծ սթրես են առաջացնում: Հստակ որոշիր առաջնահերթություններդ և հանգիստ սրտով հրաժարվիր մնացած ամեն բանից:
6. Արթուն պահիր գիտակցությունդ
Ինքդ քեզ ավելի լավ լսելու և կարևորի վրա կենտրոնանալու համար բնավ պետք չէ թանկարժեք գորգ կամ յոգայի դասեր հայտնի ստուդիայում: Ուղղակի ամեն առավոտ սկսիր մի քանի րոպե նվիրել ինքդ քեզ և զգա ներկան՝ առանց մտածելու անցյալի կամ ապագայի մասին: Շատ ուժեղ լիցքավորում է ողջ օրվա համար:
7. Կազմիր ցուցակներ
Զբաղված կենսակերպն իրենից ենթադրում է խնդիրների կույտ, որոնք օրեցօր ավելանում են: Պարտադիր չէ ամենօրյա օրագիր պահել կամ մոդայիկ պլանավորման համակարգ գտագործել. բավական է ունենալ փոքրիկ ցանկ, որը կօգնի չշեղվել ուղուց: Որքան հաճելի պահեր է պարգևում հերթական ջնջված տողը:
8. Երբեմն դադար տուր
Շաբաթվա մեջ մեկ օր և ամեն օր գոնե մեկ ժամ առանց հեռախոսի կամ համակարգչի. սա 21-րդ դարի ոսկե կանոնն է, երբ առցանց նամակները, զանգերը և նորություններն անսպառ են: Երբեմն պետք չէ 24/7 կապի մեջ լինել: Միայն այսպես կարող ես փոքր-ինչ հանգստանալ, վերալիցքավորվել և նոր գաղափարներ ունենալ:
9. Ազատվիր ավելորդություններից
Երբ տանը կարգուկանոն է և ավելորդ իրեր չկան, ապա դու խնայում ես այն ժամանակը, որ պետք է վատնեիր փնտրտուքների վրա: Պարբերաբար ազատվի՛ր անպետք և չօգտագործվող իրերից: Անպետք իրերը, չաշխատող տեխնիկան, հուշանվերները՝ հեռու քո տնից: Անմիջապես կզգաս, թե որքան թեթև է տան մթնոլորտը:
10. Պարզեցրու ամենօրյա խնամքը
Այսօր, այսքան բազմազան խնամքի միջոցների շարքում լավագույն ընտրությունն ամենապարզն է. օրինակ՝ Essentials ամենօրյա խնամքը մաշկիդ փափկություն և հարմարավետություն կպարգևի, իսկ քեզ՝ թանկարժեք ժամանակ, որը կարող ես առավել կարևոր բաների վրա ծախսել: Կանոլայի յուղով և E վիտամինով հագեցած մաքրող միջոցն ու դեմքի քսուքը նրբորեն կմաքրեն և ակնթարթորեն կթարմացնեն մաշկդ: Սա հենց այն է, ինչ պետք է քեզ ամեն օր: Անհրաժեշտության դեպքում օգտագործիր լրացուցիչ խնամք՝ շրթունքների բալզամը խորությամբ սնուցում և փափկեցնում է մաշկը, իսկ դիմակը հարթեցնում է մաշկը` պահպանելով խոնավության մակարդակը:
