1. ՄԱՔՐՈՒՄ
SkinPro Sonic սարքավորմամբ մաքրումն ավելի արդյունավետ է, քան սովորական մաքրումը: Դատի՛ր ինքդ. սարքի աշխատանքի սկզբունքը նման է էլեկտրական ատամի խոզանակի աշխատանքին (րոպեում կատարում է մոտ 12600 վիբրացիա): Մի անհարնգստացիր. գլխիկը դիպչում է միայն մաշկի մակերեսին, իսկ գերբարակ, հարմարավետ մարզիկներն արդյունավետորեն մաքրում են մաշկը՝ հաղորդելով ավելի երիտասարդ և առողջ տեսք:
Ինչպես օգտագործել.
1. Բամբակե սկավառակով և հատուկ միջոցով մաքրի՛ր աչքերի շպարը: Սարքավորումը մի՛ օգտագործիր աչքերի շուրջ հատվածի նուրբ մաշկի համար:
2. Տաք ջրով թրջի՛ր դեմքդ և խոզանակ-գլխիկը, գլխիկի կամ հենց մաշկի վրա լցրու մի փոքր լվացվելու սիրելի միջոցից (կաթիկ կամ գել): Կարևոր է. այն չպետք է պարունակի շերտազատող մասնիկներ:
3. Ընտրի՛ր անհրաժեշտ ծրագիրն ու մերսիր մաշկը թեթև, շրջանաձև շարժումներով՝ խոզանակը ոչ մի դեպքում ուժեղ չսեղմելով:
4. Ծրագրի ավարտին տաք ջրով լվացիր դեմքդ ու խոզանակը: Ապա տարածի՛ր համալիր խնամքի մյուս միջոցները, ինչպես սովորական մաքրումից հետո:
2. ՇԵՐՏԱԶԱՏՈՒՄ
SkinPro Sonic սարքավորումն օգտագործիր մաշկը շաբաթական 1-2 անգամ շերտազատելու համար: Փափուկ սիլիկոնային գլխիկը խնամքով շերտազատում է մաշկը՝ տեսանելիորեն փոքրացնելով ծակոտիները և հարթեցնելով մաշկը:
Ինչպես օգտագործել.
1. Ամեն ինչ պարզ է. կրկնի՛ր նույն քայլերն, ինչ ամենօրյա մաքրման ժամանակ, պարզապես օգտագործի՛ր սիլիկոնային գլխիկը:
2. Կարևոր հանգամանք. մաքրող միջոցը չպետք է պարունակի շերտազատող մասնիկներ:
3. Մենք խորհուրդ ենք տալիս օգտագործել 60 վայրկյան ցիկլով ավտոմատ ծրագիրը:
3. ՄԵՐՍՈՒՄ
Առավել արդյունավետ մերսման համար մաշկիդ տարածի՛ր սիրելի շիճուկը կամ քսուքը, կարող ես օգտագործել SkinPro Sonic սարքավորումն անգամ ամեն օր կամ այն ժամանակ, երբ ուզում ես հատկապես լավ տեսք ունենալ: Կլինիկորեն հաստատված է՝ չորս շաբաթ օգտագործելուց հետո բարելավվում է մաշկի տոնուսը, առաձգականությունը և էլաստիկությունը: Մաշկն ավելի ձիգ և գեղեցիկ տեսք ունի: Մեզ դուր է գալիս:
Ինչպես օգտագործել.
1. Սարքավորման մետաղական գլխիկի օգտագործման դեպքում հիշի՛ր թույլատրված հատվածների մասին. դեմք, ծնոտի եզրագիծ, պարանոց ու լանջաբացվածք: Գլխիկը մի՛ օգտագործիր աչքերի շուրջ հատվածը, քթի կողմնապատերը և կոկորդի ելուստը մերսելու համար:
2. Դեմքին խոնավացնող քսուք տարածիր և սպասի՛ր մինչև այն լիարժեք ներծծվի:
3. Այնուհետև տեղադրի՛ր մետաղական գլխիկը, ընտրի՛ր անհրաժեշտ արագությունն ու թեթև, շրջանաձև շարժումներով մերսի՛ր մաշկը: Երբ ավարտես, խոնավ սրբիչով մաքրի՛ր գլխիկը:
