ԻՆՉՊԵՍ Է ՇԱՔԱՐՆ ԱՎԵԼԱՑՆՈՒՄ ՔԵԶ ՄԻ ՔԱՆԻ ՏԱՐԻ
Շաքարի ավելցուկը սկսում է ազդել 35 տարեկանում, երբ մաշկում նվազում է կոլագենի սինթեզը։ Գիտական տեսանկյունից դա կարելի է այսպես ներկայացնել․ գլյուկոզան «սոսնձում» է կոլագենի և էլաստինի մանրաթելերը, որի արդյունքում մաշկի բջիջները կոշտանում են և թուլանում։ Այս գործընթացը կոչվում է գլիկացիա։ Արտաքինի վրա այն արտահայտվում է կնճիռների, առաձգականության կորստի և գունատ մաշկի տեսքով՝ ծերության նշանների դասական հավաքածու։ Սակայն շաքարը չի նպաստում միայն կոլագենի քայքայմանը։
Այն նաև անդրադառնում է կոլագենի տիպի վրա, որը արտադրվում է քո մաշկի բջիջներում։ Ամուր կայուն մանրաթելերը դառնում են թուլացած և փխրուն՝ ենթարկված շրջակա միջավայրի բացասական ազդեցությանը՝ ներառյալ արևային ճառագայթները, որոնք քո մաշկի ոխերիմ թշնամին են։
ԱՌԱՆՑ ԽՈՒՃԱՊԻ
Պարզապես իմացիր․ եթե քո արյան մեջ գլյուկոզայի մակարդակը գտնվում է սահմանին մոտ, ապա քեզ համար գլիկացիան նորմալ գործընթաց է, որին ժամանակի ընթացքում ենթարկվում են բոլորն՝ առանց բացառությունների։ Նորմալ չէ շաքարով հարուստ սննդի կիրառումը, որի արդյունքում գլիկացիայի գործընթացն ավելի է խորանում։
ՎՆԱՍԱԿԱՐ ՇԱՔԱՐ
Քաղցրի ակնառու աղբյուրները, իհարկե, քաղցր ըմպելիքներն են, հրուշակեղենը և թխվածքաբլիթները, ինչպես նաև սուրճը և թեյը (եթե սովոր ես ըմպել դրանք քաղցր)։ Եթե իրապես ուզում ես երկարացնել մաշկի երիտասարդությունը, քեզ անհրաժեշտ է կրճատել նաև պարզ ածխաջրերի կիրառումը. դրանք են սպիտակ հացը և պաստան։ Բացի այդ, նայիր արտադրանքի բաղադրությունը և փնտրիր շաքարի թաքնված աղբյուրներ, օրինակ՝ եգիպտացորենի օշարակ, որը գլիկացիայի ինտենսիվությունն ավելացնում է 10 անգամ։
ՕԳՏԱԿԱՐ ՇԱՔԱՐ
Շաքարի օգտագործման խորհուրդ տրվող մակարդակը ոչ ավել, քան օրական 6 թեյի գդալն է (մոտավորապես 100 կԿալ)։ Շաքարի բնական տարատեսակները, ինչպիսիք են ֆրուկտոզան և լակտոզան, կարող են օրգանիզմի համար լինել օգտակար։ Դրանք կան մրգերում և բանջարեղենում, ինչպես նաև կաթնամթերքի մեջ նույն քանակով, ինչ քո օրգանիզմին անհրաժեշտ օգտակար բջջանյութը, վիտամինները և հակաօքսիդիչները։
Ի՞ՆՉ ԿԱՐՈՂ ԵՍ ԱՆԵԼ ՀԵՆՑ ՀԻՄԱ
Քո մաշկի երիտասարդությունը պահպանելու ամենից արդյունավետ միջոցը առողջ սնունդն է, որի ընթացքում կառավարում ես կալորիաների ընդունումը և խուսափում շաքարով հարուստ սնունդից։
Քո սննդակարգը լրացրու հակաօքսիդիչներով հարուստ մթերքով։ Խմի՛ր կանաչ թեյ, կեր հապալաս, կապույտ հապալաս և հունական ընկույզ, ինչպես նաև կարմիր պղպեղ։ Հակաօքսիդիչները պայքարում են ազատ ռադիկալների դեմ (ինչպիսն է շաքարը) և խոչընդոտում են դրանց ազդեցությանը էլաստինի և կոլագենի մանրաթելերի վրա։
Խնամքի ժամանակակից միջոցները նույնպես ունակ են չեզոքացնել քո մաշկի վրա շաքարի բացասական ազդեցությունը, սակայն ոչ այդքան արդյունավետ, որքան առողջ սնունդը։ Քսուքներն ու շիճուկները խթանում են կոլագենի արտադրությունը, պայքարում գլիկացիայի գործընթացի դեմ և բառացիորեն կնճիռները դուրս մղում ներսից։ Մեզ շատ են դուր գալիս Ecollagen. շարքի միջոցները։ Իսկ եթե մաշկդ արդեն սկսել է կորցնել իր առաձգականությունը, քեզ հարմար կլինի լիֆթինգ արդյունքով համալիր խնամքի միջոցները, օրինակ՝ NovAge Ultimate Lift. Եվ, իհարկե, մի մոռացիր ամեն օր արևապաշտպան միջոցների, օգտագործման մասին, որոնք պաշտպանում են մաշկը արևի ճառագայթների վնասակար ազդեցությունից։
