ԱՄՓՈՓԻ՛Ր ԱՐԴՅՈՒՆՔՆԵՐԸ
Արդյունքների ամփոփումն ամենևին էլ առիթ չէ ինքդ քեզնից ամաչելու համար: Սխալները, որոնք թույլ ես տվել 2018-ին, 2019-ին ճիշտ որոշումներ կայացնելու քո հիմքն է: Եթե չվերլուծել դրանք, ապա տհաճ իրավիճակները կկրկնվեն ոչ մեկ անգամ, քանի դեռ հետևություններ չես արել: Այդ դեպքում ինչո՞ւ չսկսել հենց հիմա:
ԱՍՏԻՃԱՆԱԲԱՐ ՓՈԽԻՐ ԱՇԽԱՐՀԸ
Բացառապես առողջ սնվել: Վազել ամեն առավոտ: Չինարեն սովորել: Ու էլի միլիոնավոր խոստումներ, որոնց այնքան հեշտ է հավատալ բաժակների զնգոցի և ուրախ երաժշտության ներքո: Հավակնոտ ծրագրեր ունենալու մեջ ոչ մի վատ բան չկա, սակայն լավ կլինի դրանք խմբավորել և առաջ գնալ հարմար տեմպով: Քանի որ երբ հունվարի մեկին քեզ վրա ծանրանում է աշխարհը փոխելու անհրաժեշտությունը, միակ բանը, որ ցանկանում ես անել, ծածկոցով փաթաթվել և սերիալներ նայելն է: Հավատա՛ ինքդ քեզ և քայլի՛ր առաջ:
ՀԵՏԵՎԻ՛Ր ԾՐԱԳՐԻՆ
Քեզ թվում է, որ ծրագրված շաբաթը ձանձրալի է, և ժամանակ չի՞ մնում անկանխատեսելիությանը: Այդ դեպքում հիշի՛ր՝ ինչպես ես անցկացնում երեկոներդ, մի՞թե դրանք միմյանց նման չեն: Հաճախ մենք ո՛չ ուժ, ո՛չ էլ ժամանակ ունենք մեզ համար զվարճություն մտածելու համար: Բայց եթե մի քիչ ժամանակ ծախսենք և նախապես ծրագրենք ամեն ինչ, կյանքը մի փոքր ավելի հեշտ ու հետաքրքիր կդառնա. թատրոնի տոմսերն արդեն գնված են, սրճարանում սեղանը պատվիրված է, դու հագնված ես, ինչպես պետք է: Իսկ աշխատանքը նախանշված շրջանակից դուրս չի գալիս:
ԵՐԱԶԻ՛Ր, ՎՆԱՍ ՉԷ
Հիշեի՛ր՝ դրանք «դատարկ երազանքներ» չեն, այլ «նպատակների վիզուալիզացիա»: Այսպես պատասխանիր բոլոր նրանց, ովքեր կարծում են, որ դու երկնքում ես սավառնում: Իսկ եթե լուրջ, ապա ժամանակ առ ժամանակ սեփական հաջողությունը պատկերացնելը շատ կարևոր է: Մտածի՛ր՝ ինչպես քեզ կզգաս և ինչով կզբաղվես, ինչեր և ովքեր քեզ կշրջապատեն, երբ հասնես ցանկալի նպատակիդ: Երազանքները չպետք է փոխարինեն իրականությանը, պարզապես այդպես ավելի հեշտ է հասկանալ՝ ուր ես գնում, ինչու և սկսել գործել:
ՇՆՈՐՀԱԿԱԼՈՒԹՅՈՒՆ ԱՍԱ
Նոր սովորություն ձևավորիր. ամեն երեկո գրի՛ր նվազագույնը 5 բան, որի համար շնորհակալ ես: Սկզբում հեշտ կլինի, ապա ավելի ու ավելի դժվար. կետերը չպետք է կրկնվեն: Առողջություն, ընտանիք, արևոտ եղանակ. այս մեթոդը կօգնի հիշել ամենն, ինչ մենք ընդունում ենք որպես սովորական: Կարևոր է նաև ամեն օր ժամանակ հատկացնել հաճելի բաների համար: Չէ՞ որ երեկոյան անհրաժեշտ կլինի ինչ-որ բանի մասին գրել: Փորձի՛ր հետևել այս խորհուրդներին գոնե մի քանի ամիս: Քեզ դո՞ւր է գալիս: Այդ դեպքում շարունակի՛ր:
