Պահպանիր բարեկազմությունդ՝ անկախ ցուրտ եղանակից

1. ՖԻՏՆԵՍ-ԲԱԼԵՏ
Եթե դեռ մանկուց նախանձով ես նայել բալետային պրիմայի  նրբագեղ, հղկված շարժումներին, ապա ճիշտ ժամանակն է փորձել մարզումների միանգամայն նորաձև տարբերակ։ Ֆիտնես-բալետ, կամ բոդի-բալետ, կամ բալետ-բառե՝ սրանք մարզման այս տարբերակի դեռ ոչ բոլոր տարբերակներն են։ Այն իրենից ներկայացնում է մարմնի մկանները զարգացնող ու ճկունությունն ապահովող վարճությունների համադրություն և բալետային ադապտացված պարեր։ Ոչ մի մետաղաձող, մարզաքար կամ մարզագունդ։ Մարզվելու ընթացքում օգտագործվում է միայն սեփական մարմնի քաշը։ Արդյունքում՝ հիանալի կեցվածք, ճկունություն և հոդերի դյուրաշարժություն, ինչպես նաև հոյակապ մկանային տոնուս։

2. ՄԱՐՏԱՐՎԵՍՏ
Ուզո՞ւմ ես ջախջախիչ մարզում։ Այս դեպքում քեզ համար լավագույն վայրը կլինի մարտարվեստի դպրոցը։ Դու ունես լայն ընտրության. ուզո՞ւմ ես իրական ծեծկռտոց՝ այցելիր բռնցքամարտի կամ կառատեի դասընթացների, նախընտրում ես առանց կոնտակտի ֆիտնես՝ միացիր ֆիթ-ֆայթի կամ քիքբոքսինգ-աէրոբիկայի խմբակին։ Անկախ քո ընտրությունից՝ մարտարվեստով զբաղվելը ոչ միայն կկայունացնի քո նյարդային համակարգը և կօգնի դառնալ առավել ինքնավստահ, այն նաև ուժային և կարդիո վարժությունների հիանալի համադրություն է։

3. ՊԱՐԿՈՒՐ
Սա ամենևին էլ տանիքից թռիչքներ կատարելը չէ։ Պարկուրի ժամանակակից տարբերակը սարքավորումներով սրահում պարապմունքներն են, որտեղ անվտանգ արգելքների հաղթահարումը, այնուամենայնիվ, պահանջում է ավելի քիչ ճարպկություն, քան քաղաքային հատվող տեսարաններով վազքը։ Այստեղ դու իրապես ունես ավելի ճարպիկ, ուժեղ ու շարժուն դառնալու հնարավորություն։

4. ՓՐՓՐԱԳԼԱՆԱԿՈՎ ՄԱՐԶՈՒՄՆԵՐ
Ցելյուլիտ ունեն բոլորը։ Սակայն դա չի նշանակում, որ այս փաստը պետք է ընդունել բացարձակ պասսիվությամբ։ Առավել ևս, որ գոյություն ունի նմանօրինակ պարզ ու հարմարավետ մեթոդ, որի համար էլ անհրաժեշտ է ընդամենը երկու իր՝ փրփրագլանակ և համացանցին միացված համակարգիչ։ Յութուբում որոնիր ուղեցույցներ, դրանք առկա են բավականաչափ քանակով։ Այս մեթոդը նաև օգնում է հանել մկանների լարվածությունը և վերադարձնել դրանց էլաստիկությունը։

5. ԽՄԲԱՅԻՆ ՎԱԶՔ
Քեզ չե՞ն հրապուրում բռնցքամարտը կամ բալետը։ Սիրում ես վազել, սակայն արդեն հոգնե՞լ ես միանմանությունից և ուզում ես փորձարկել նո՞րը։ Փորձիր խմբային մարզումներ, դրանք լիցքավորում են մարզումները շփումով և դառնում  հավելյալ շարժառիթ՝ նոր բարձունքներ գրավելու համար։ Նկատիր, որ խմբային վազքով կարելի է զբաղվել ոչ միայն այգում կամ մարզադաշտում։ Համախոհների խումբն ունակ է տեղի ֆիտնես կենտրոնի բանալ վազքուղիները վերածել հետաքրքրությունների ամբողջական սոցիալական ակումբի։

6. ՕԴԱՅԻՆ ՅՈԳԱ
Եթե քո երազանքը եղել է ակրոբատիկ տեխնիկայի յուրացումը՝ օդում անվախ սավառնելու համար, ապա սա քո ընտրությունն է։ Օդային կամ հակաձգողական յոգա, որը նաև անվանում են յոգա ցանցաճոճում։ Սա իրենից ներկայացնում է յոգայի տեխնիկայի, պիլատեսի և ակրոբատիկայի համադրություն, որը այս ճյուղերից հիմնականում տարբերվում է նրանով, որ վարժությունների ընթացքում դու բառացի մնում ես օդից կախված։ Սա իրոք շատ ուրախ և օգտակար զբաղմունք է։

7. ԺԱՅՌԱԴՐՈՄ
Քեզ դո՞ւր է գալիս ադրենալինը։ Գրավի՛ր հորիզոնական բարձունքներ տեղի ժայռադրոմներում, որոնք, վստահաբար, շատ են քո քաղաքում։ Բարձունքը գրավելուց հետո ունեցած քո զգացողությունը չես համեմատի ոչնչի հետ, իսկ մարզումների արդյունավետությունն ակնառու է. ուժեղ մկաններ, հավասարակշռության հիանալի զգացողություն և սեփական ուժերում ինքնավստահություն։ Իսկ գլխավորը՝ ոչ մի ռիսկ կյանքի ու առողջության համար։ Արժե՛ փորձել։