Գլխավոր տարբերակիչը մի փոքր շրջված վերևի հատվածն է, այսպես կոչված՝ Կուպիդոնի կամարը: Այդ էֆեկտի համար ընդհանրապես կարիք չկա օգտագործել Insta-դիմակ: Պարզապես շուրթերի կոնտուրինգ մատիտը պետք է մի քանի երանգով մուգ լինի քո բնական երանգից։
Որպեսզի շրթներկն ու մատիտը հավասար նստեն և չընդգծեն շերտավորումը, մաշկն անհրաժեշտ է նախապատրաստել:
Տարածի'ր սկրաբը մաշկի վրա և թեթև, մերսող շարժումներով անցի'ր շուրթերի վրայով. մաշկը կդառնա նուրբ և հարթ։ Ապա անհրաժեշտ է բալզամի միջոցով խոնավացնել շուրթերը: 5-7 ր հետո անձեռոցիկով հեռացրո'ւ մնացած բալզամը և անցի'ր կոնտուրի տարածմանը:
Մատիտի և շրթներկի գույնն ընտրելուց հաշվի առ, որ դրանք պետք է տարբերվեն 2-3 երանգով: Կոնտուրը պետք է ավելի մուգ լինի: Սկսելով վերին շրթունքից՝ մատիտով նշիր կենտրոնական հատվածը, ապա ներկի'ր ներքևի շրթունքի կենտրոնական հատվածը: Ավելի մեծ ծավալի համար կարելի է բնական կոնտուրի սահմաններից դուրս գալ երկու միլիմետրի չափով, բայց միայն վերին հատվածում: Մատիտը ստվերագծի'ր վրձնի միջոցով դեպի շուրթերի կենտրոն, որպեսզի կոնտուրը շատ տեսանելի չլինի:
Այնուհետև տարածի'ր շրթներկը, ծավալը մեծացնելու համար կարելի է մի փոքր փայլ ավելացնել:
Պատրաստ է՝ դու ստացել ես մոդայիկ էֆեկտ՝ առանց ֆիլտրերի:
