Ճիշտ հակատարիքային դիմահարդարումը հրաշքներ է գործում` այն կարող է տեսանելիորեն հարթեցնել կնճիռները, բարձրացնել կոպերը և հստակեցնել դեմքի օվալը: Anti-age էֆեկտով դիմահարդարումը չի մաքրում կնճիռները: Նրա գաղտնիքը՝ այն մաշկը տեսողականորեն երիտասարդացնելն է և դեմքի գծերը վերև բարձրացնելը:
Երիտասարդացնող դիմահարդարման տեխնիկան փոփոխվել է, կատարելագործվել և լրացվել դարերի ընթացքում: Ժամանակակից anti-age դիմահարդարումը տարբերվում է թեթևությամբ և իր պարզությամբ:
Այս դիմահարդարումը չունի տարիքային սահմաններ, քանի որ բոլորս տարբեր ենք՝ մեզանից յուրաքանչյուրն ունի իր ապրելակերպը, մաշկի խնամքի իր սովորությունները. անգամ մաշկը նույնպես լինում է տարբեր տիպերի: Այս բոլոր գործոնները իրենց հերթին ազդեցություն են ունենում, թե որ տարիքում կառաջանան ծերացման առաջին նշանները:
Հասուն մաշկն ունի իր առանձնահատկությունները՝ դեմքի օվալը կորցնում է իր հստակությունը, նվազում է տոնուսը, դառնում է ավելի թույլ, կորցնում է իր էլաստիկությունը, դառնում է չոր և գունատ:
Հակատարիքային դիմահարդարումն արվում է փափուկ և ոչ վառ երանգների մեջ: Տարիքի հետ դեմքին կարող են առաջանալ կարմրություններ, գունակավորում, մուգ հատվածներ, դրա համար երիտասարդ մաշկի առաջին քայլը՝ ստեղծել հավասար, բնական երանգ: Դրա համար լավագույն օգնականներն են՝ խնամող բաղադրիչներով փրայմերը, խոնավացնող երանգային քսուքն ու քողարկիչը: Լավագույն տարբերակներն են տաք երանգներով տոնային միջոցները՝ մաշկը կունենա թարմ և հանգստացած տեսք:
Աչքերի դիմահարդարման համար կարելի է ընտրել փայլատ կամ ատլասե հյուսվածքներ, իսկ փայլերից կարելի է խուսափել՝ նրանք ավելի շաը կընդգծեն կոպերի անհարթությունները:
Ստվերաներկեր ընտրելիս կանգ առ բեժ կամ շագանակագույն երանգների կիսատոնների վրա:
Բնական երանգները նուրբ և կոկիկ ընդգծում են հայացքդ: Նաև կարելի է տարածել վարդագույն կամ դեղձագույն երանգներ, հայացքին փայլ հաղորդելու համար. Բալզամ, փայլ կամ շրթներկ՝ ընտրիր ըստ քո ճաշակի: Կարևորը, որպեսզի միջոցը շուրթերին ստեղծի խոնավ փայլի էֆեկտ:
Հակատարիքային դիմահարդարում քայլ առ քայլ՝
1. Որպեսզի դիմահարդարումը լինի հավասար, անհրաժեշտ է փրայմեր: Այն ունի թեթև հյուսվածք՝ արագ ներծծվում է, թաքցնում է մանր կնճիռները և թուլյ չի տալիս տոնայիններին հավաքվել ծալքերի մեջ:
2. Ընտրիր Տոնային միջոցներ խոնավացնող բաղադրիչներով՝ նման հիմքը դեմքին կունենա բնական տեսք: Տարածիր միջոցը բարակ շերտով, առանց ծանրացնելու մաշկը և առանց դիմակի էֆեկտ ստեղծելու:
3. Աչքերի շուրջ հատվածների համար ընտրիր քողարկիչ ջերմ երանգով՝ այն լավագույնն է հավասարացնում երանգը: Կիրառիր միայն աչքերի ներքին անկյուններում և մատների ծայրերով տարածիր վերին և ներքին կոպին:
4. Շտկիր դիմագծերը բաց երանգով քողարկիչի օգնությամբ: Քսիր այն դեմքի ընդգծված հատվածներին (ճակատ, քիթ, այտոսկրեր) և այն հատվածներին, որոնք տարիքի հետ միասին իջնում են ներքև՝ աչքերի անյունները և շուրթերը:
5. Այտերին տարածիր սնգույր և ստվերագծիր այն վեր դեպի քունքերը: Կրկնօրինակիր այն այտոսկրերի, զարկերակային, քթի և ծնոտային հատվածներում:
6. Հոնքերը ներկիր կոկիկ, առանց հստակ գծերի, ավելի լավ է ընդգծել ծալքերը և պոչիկը: Վերջում չմոռանաս հոնքերը հավասարեցնել վրձինով:
7. Աչքերի համար օգտագործիր փափուկ մատիտ՝ այդպես չես վնասի դրանք: Ներկիր թարթիչների երկայնքով և աչքերի ներքին անկյունը:
8. Բարակ վրձինով ստվերակգծիր սլաքը, իսկ նրա ոչ մեծ պոչիկը ուղղիր դեպի զարկերակ:
9. Իմ անձնական լայֆհեքը՝ մի ներկիր ներքին անկյունների ամենավերջին թարթիչները, այդ դեպքում ավելորդ ստվեր չի լինի, և աչքերը տեսողականորեն ավելի երիտասարդ կթվան:
10. Մինչ շրթներկ տարածելը, եզրագծիր մատիտի օգնությամբ՝ այդպես դու կերակարցնես շրթներկի կայունությունը, իսկ շուրթերը ավելի արտահայտիչ տեսք կունենան:
