Կապույտ ստվերաներկերը տարածել թարթիչների երկայնքով՝ թեթևակի շեշտադրման համար: Երեկոյան դիմահարդարման մեջ նրանք հիանալի կերպով համադրվում են ոսկեգույն մատիտ-կայալի հետ. ներքին անկյունը կարելի է լուսավորել ոսկեգույն ստվերաներկերով, և աչքերդ կփայլեն երանգների հակադրությամբ:
Իսկ եթե ուզում ես ոսկեգույն ստվերաներկերը որպես հիմնական երանգ օգտագործել, կապույտ մատիտ-կայալը էֆեկտիվ տեսք կհաղորդի, եթե օգտագործվի աչքերի ներսի հատվածին: Շքեղ դիմահարդարում ստանալու համար կարելի է ոսկեգույն ստվերաներկի վրայից կանաչ սլաք նկարել:
Վարդագույն ստվերաներկները չեն ստեղծի արտասված կամ հոգնած աչքերի տեսք, եթե դրանք տարածեք միայն վերին կոպին, կարելի է ներքին կոպը ներկել սև կամ շագանակագույն մատիտով և խիտ ներկել թարթիչները: Ներքևի կոպին պետք չէ օգտագործել վարդագույն ստվերաներկեր, դրանք փապարինեք ավելի տաք երանգներով:
Ծիրանագույն երանգները հարմար են բոլորին, սակայն առավել գեղեցիկ են նայվում աչքերի սառը երանգների վրա (մոխրագույն, կապույտ):
Արծաթագույնը` դասական փայլազերծ մոխրագույնի հետ համատեղ, իդեալական տարբերակ է երեկույթների համար: Կարևոր է, որ հագուստը կամ աքսեսուարները նույնպես ունենան մոխրագույն երանգ: Այսպես ամբողջ կերպարը ներդաշնակ տեսք կունենա:
Մուգ երանգները անհրաժեշտ է զգույշ օգտագործել խորը տեղակայված աչքերի վրա, իսկ եթե ունես ավելի ուռուցիկ և մուգ աչքեր, կարող ես համարձակորեն տարածել մուգ երանգներ ամբողջ շարժական կոպին: Ներքևի կոպին մուգ ստվերաներկ ցանկալի է չօգտագործել:
