Առողջությունն ամրացնելու 3 եղանակ՝ 2019 թվականին

Միտումների քանակով ԱԿ-ն մրցում է նորաձևության արդյունաբերության հետ. մենք ընտրել ենք 3 ամենից անսովորները և կարծում ենք, որ դրանցն է ապագան: Փորձե՞նք:

Առողջության հանդեպ համալիր մոտեցում
Մոռացի՛ր մեկ կտոր խնձոր և կաղամբի մեկ թերթ պարունակող սննդակարգերի, արձակուրդից առաջ օրական երկու անգամ մարզասրահ գնալու և գովազդի նորաձև վիտամինների մասին: 2019-ին հավասարակշռությունն է թագավորում աշխարհում: Գտի՛ր մարզումների և առողջ սննդակարգի այնպիսի ռեժիմ, որին կարող ես հավատարիմ մնալ ամեն օր, ընդ որում՝ հաճույքով: Միկրոբաղադրիչների պակասը լրացրու միայն մասնագետների կողմից խորհուրդ տրվող ստուգված համալիրների օգնությամբ:

Միկրոբիոտայի խնամք
Բիկրոբիոտան միկրոօրգանիզմների ամբողջությունն է, որոնք ապրում են մաշկի և մարմնի վրա: Դրա ակտիվ հետազոտությունը բերեց օգտակար բակտերիաներին աջակցող բաղադրիչների իսկական բումի. նորաձև դարձան ֆերմենտավորված արտադրանքները, իսկ բյութի-հսկաները սկսեցին թողարկել մաշկի պրեբիոտիկներով և պրոբիոտիկներով հարուստ խնամքի միջոցներ: Սկսի՛ր հոգալ նյութափոխանակությանդ մասին. սա ողջ մարմնի առողջության նոր բանալին է:


Միջատները՝ որպես նոր սուպերֆուդ
Միլիոնավոր մարդիկ ամբողջ աշխարհում՝ հատկապես Ասիայում և Աֆրիկայում, ամեն օր ուտում են միջատներ: Եվրոպայի բնակիչների համար սա դեռ էկզոտիկա է: Սակայն կարծիք կա, որ հարյուր տարի անց հենց միջատները կօգնեն բավարարել մոլորակի բնակիչների շրջանում սննդի հանդեպ աճող պահանջը: Սննդարար բաղադրիչների պարունակությամբ դրանք մրցում են մսի և ձկան հետ, ընդ որում՝ դրանց բազմացման համար շատ ավելի քիչ ռեսուրս է անհրաժեշտ: Ճռիկները, օրինակ՝ շատ կալցիում են պարունակում, իսկ ծղրիդները՝ սպիտակուց. դրանցից կարելի է պատրաստել մեզ համար սովորական ուտեստներ: