Բնությունը՝ հանճարեղ նկարիչ է, նրա սահմաններում հնարավոր չէ գտնել միանման չափսեր և գույներ: Բնական քարերը կատարելապես հաստատում են այս պնդումը: Գոյություն ունեն լեռնային ապարների հազարավոր տեսակներ և դրանցից յուրաքանչյուրն իր առանձնահատկությունն ունի: Ոչ մի միներալ նման չէ մյուսին, դրանում է նրանց արժեքավորությունը: Norrsken բիժուտերային զարդերի հավաքածուի ամեն զարդ եզակի է. կիսաթանկարժեք քարերը, լինելով նույն հավաքածուի նմուշ, կարող են տարբերվել գույնով և անգամ պատկերով: Բնական քարի նրբագեղ առանձնահատկությունները զարդը դարձնում են թալիսման, իսկ միներալի` իր տեսակով եզակի երանգն, ընդգծում է այն միակի անհատականությունը, ով կրում է աքսեսուարը: Քո գեղեցկությունը քեզ նման բացառիկ է: Երաշխավորված է բնությամբ:
Բնական միներալներ. երկրի պատմությունը
Միներալը պինդ, բնական գոյացություն է, որը որպես կանոն բարդ բաղադրություն ունի: Քարերը տարբերվում են քիմիական բանաձևով(կարող են մեկ կամ մի քանի էլեմենտ պարունակել), կառուցվածքով (հատիկավոր, բյուրեղային), ամրությամբ (շերտավոր, ծակոտկեն, մոնոլիտ), գույնով, թափանցիկությամբ, եզակի կշռով, պնդությամբ և մի շարք այլ չափորոշիչներով: Բոլոր բնական քարերը երկրի իրական պատմությունն են: Նրանցում է թաքնված մեր մոլորակի հնագույն անցյալը, իսկ միներալների առանձին հատկություններն օգտագործվում են մոլորակի ապագայի կառուցման համար: Քարերը բազմաթիվ գաղտնիքներ են պարունակում, որոնք դեռ պետք է բացահայտել: Իսկ միներալների առեղծվածային հատկություններում մարդիկ երբեք չեն կասկածել:
Կանաչ ավանտյուրին
Քրոմի պարունակությամբ ֆուքսիտը քարին արծաթագույն-կանաչ կամ արծաթագույն-երկնագույն նուրբ փայլ է ավելացնում, որի մակարդակը տարբեր է և կապված է միներալի ծագման վայրից: Ավանտյուրինի կառուցվածքը, գույնը և առկայծումը փոխվում են՝ կախված բաղադրության մեջ առկա հատիկներից և դրանց չափսերից: Այս հազվագյուտ միներալը հաջողության և սիրո քարն է: Լավատեսությամբ վարակող թալիսման, որը ոգեշնչում կպարգևի և կդառնա հավատարիմ օգնական հաջողության ճանապարհին:
Լաբրադորիտ
Այս լեռնային ապարն օժտված է հազվադեպ ծիածանափայլ հատկություններով. ներքին ծիածանային փայլ, որը հիշեցնում է կակղամորթի պատյանի մարգարտյա անցումները: Փոխակերպումների և ուժի քար: Լաբրադորիտը սուրբ քար է համարվել որոշ հյուսիսային ազգերի մոտ, ովքեր հավատում էին, որ հենց նրանում է թաքնված հյուսիսափայլը:
Նռնաքար
Նռնաքարը մեկ քար չէ, այլ միներալների մի ամբողջ խումբ: Ալմանդինյան նռնաքարի խորը գինեկարմրավուն երանգը վկայում է երկաթի և քրոմի առկայության մասին: Նռնաքարերը հանդիպում են նաև այլ գույներով՝ ձիթապտղային կանաչից մինչ զմրուխտե կանաչ, նարնջագույնից մինչև նարնջագույն-շագանակագույն և այլն: Նռնաքարերը կարող են տարբեր երանգներ ունենալ՝ ըստ լուսավորության, ինչն էլ ընդգծում է նրանց առեղծվածային լինելը: Առեղծվածային քարը, որ ծխացող ածուխ է հիշեցնում, էներգիա և գրավչություն է հաղորդում վառ բնավորություն ունեցող կանանց: Կրքոտ միներալն արթնացնում է ուրախությունը կյանքի հանդեպ և զգացմունքները, որոնք ուժեղ են ցանկացած իրավիճակից:
Վարդագույն կվարց
Կվարցի նուրբ վարդագույն երանգը պայմանավորված է տիտանի ոչ մեծ քանակությամբ: Առանձին քարերն ունեն աստերիզմի կամ վազող լուսային աստղերի էֆեկտ: Նրանք հայտվում են փայլեցված ծածկույթին լավ լուսավորության դեպքում: Բաց վարդագույն միներալը նրբության, ռոմանտիկայի և սիրո այլաբանությունն է:
Վագրի աչք
Վագրի աչքի յուրատեսակ բնական գեղեցկությունը և զարմանահրաշ հատկությունները հայտնի էին դեռ հին աշխարհում, բայց այն նորաձև է դարձել Վերածննդի դարաշրջանում: Սաթային-շագանակագույն երանգ ունեցող միներալը ջերմություն և լույս է ճառագում և պաշտպանում է բացասական զգացողություններից և իրադարձություններից: Այն համարձակ արարումների ընկեր է և թալիսման նրանց համար, ովքեր սովոր են ընդլայնելու հորիզոնները: Ասում են, որ վագրի աչքը զարգացնում է ստեղծագործական ունակությունները և տաղանդները, օգնում է իրացնել ողջ ստեղծարար ներուժը:
Տոպազ
Արժեքավոր միներալ, սիլիկատների դասի ամենապինդ և ամուր ներկայացուցիչներից մեկը: Տոպազները տարբեր երանգներով են հանդիպում, բայց զարդերում ամենից հաճախ օգտագործում են սպիտակ և երկնագույն բյուրեղները: Օպտիկական հատկությունները տոպազը դարձրել են XIX դարի եվրոպացի ոսկերիչների սիրելին. զարդերում քարերն այնպես են շողում, ասես ադամանդ լինեն: Սպիտակ տոպազը տոնական աուրայով քար է, վառ պահերի և զարմանահրաշ իրադարձությունների մագնիս: Համարվում է, որ այն պահպանում է ներաշխարհի ներդաշնակությունը: Սառը երկնագույն տոպազը խաղաղապահների և բուժակների քարն է: Երկնագույն տոպազը հին ժամանակներից ուղեկցել է նավաստիներին. նրանք քարը վերցնում էին երկար ճանապարհորդությունների ժամանակ, որպեսզի այն պաշտպանի քամուց, փոթորկից և վատ եղանակից:
Օբսիդիան
Բնական սև միներալ՝ ներքին ոսկեգույն առկայծումով: Գույնի տպավորիչ խորությունը դյութում է և ուշադրությունը սևեռում քարի մեջ թաքնված գաղտնիքին: Գաղտնիքը ձգտել են բացահայտել անցյալի լավագույն ոսկերիչները, իսկ իմաստուն մարգարեները կլանված նայում էին օբսիդիանից գնդերին՝ ապագան տեսնելու հույսով: XIX-րդ դարոմ օբսիդիանը մեծ հայտնիություն ստացավ՝ Կարլ Ֆաբերժեի անկրկնելի արարումների շնորհիվ: Առեղծվածային օբսիդիանն ընդգծում է տիրոջ յուրօրինակ ճաշակն ու նրա ներաշխարհի հարստությունը:
Սև շպինել
Ամենահազվադեպ հանդիպող բնական միներալներից է: Իրենց զարդերի համար այս հուզիչ և դյութիչ գույներն ընտրել են թագավորական ազնվականնները: Օրինակ, Եկատերինա II-ի գահը զարդարված է եղել շքեղ շպինելով: Համարվում է, որ սև շպինելն ուժեղացնում է ներքին ձգողականությունը և հագեցնում է ոգեշնչման էներգիայով:
Ամազոնիտ
Ամազոնիտի երանգը կարող է տարբերվել երկանգույն երանգ ունեցող խամրած կանաչ գույնից մինչև հագեցած կանաչ: Ամազոնիտը հայտնի է իր հանգստացնող ազդեցությամբ: Լավ թալիսման է նրանց համար, ովքեր փնտրում են իրենց իրական «ես»-ը: Համարվում է, որ այն կարող է հեռու պահել չմտածված քայլերից և գրավել հաջողությունը:
Բնական սերպենտին
Սերպանտինը դա շերտավոր սիլիկատների ենթադասին պատկանող հանքանյութերի խումբ է: Հատուկ գունավորման շնորհիվ այս քարը հիշեցնում է օձի կաշվի: Սա անմոռանալի արկածների և մեծ բացահայտումների քար է : Քարի աուրան այնքան ուժեղ է, որ այն հեշտությամբ կարող է դառնալ պաշտպանող թալիսման: Գոյություն ունեն շատ լեգենդներ նրա առաջացման մասին և բոլորը կապակցված են նրա օձային երանգնրի հետ: Սա ոգով խելացի և ուժեղ մարդկանց քար է, որոնք ապրում են բաց սրտով:
Ելակագույն կվարց
Ելակագույն կվարցը դա կվարցի վարդագույն տեսակ է, որը պարունակում է գեթիտի և երկաթի օքսիդի խառնուրդ, որոնք լրացնում են բյուրեղյա մատրիցան: Նրա գույնը կարող է լինել սկսված բաց վարդագույնից , ելակային վարդագույնից մինչև բոսորագույն վարդագույն: Համարվում է, որ ինչպես ցանկացած կվարց, այս բյուրեղը ձգում է կյանք սեր և մեծ երջանկություն: Այս քարը անկեղծ սիրո հավերժական երգ է, որը ստեղծված է հենց բնության կողմից:
