1. ԳԱՐՆԱՆԸ
Գարնան սկզբին ՈՒՄ-ճառագայթման ինտենսիվությունն ավելանում է մի քանի անգամ, քան տարվա մյուս եղանակներին: Այս ժամանակահատվածում քո մաշկն արտադրում է մելանինի ամենաքիչ քանակությունը և չափազանց խոցելի է արևի ճառագայթների ազդեցության համար:
Ի՞նչ անել
Ջերմաստիճանի և խոնավության բարձրացման հետ մեկտեղ սեբումի բնականոն արտադրումն ավելանում է, իսկ մաշկը քրտնում է ավելի շատ: Հենց այս պատճառով օգտագործիր թեթև բաղադրությամբ ու պաշտպանության նվազագույնը 15 գործոնով (կախված քո մաշկի տիպից) միջոցներ: Ցերեկային քսուքը կամ ֆլյուիդը տարածելուց հետո խորհուրդ ենք տալիս օգտագործել արևապաշտպան միջոց, կամ էլ այդ երկու միջոցը փոխարինել NovAge Day Shield SPF30 Advanced Skin Protector դեմքի քսուքով, որը ոչ միայն կխոնավացնի, այլև կպաշտպանի մաշկը ՈՒՄ-ճառագայթումից:
Կրիր լայնեզր գլխարկ, երկարաթև վերնաշապիկ և երկար տաբատներ՝ մինչև մաշկի նոր եղանակին հարմարվելը: Խորհուրդ. եթե գործվածքի տակից երևում է լույսը, ապա այն չի պաշտպանի նաև ուլտրամանուշակագույն ճառագայթներից:
2. ԱՄՌԱՆԸ
«Ամառ» նշանակում է երկար օրեր և ուլտրամանուշակագույնի առավելագույն քանակություն: Այս երկու գործոնների համադրությունը հանգեցնում է նրան, որ ՈՒՄ-ճառագայթման քո օրական չափաբաժինն ավելանում է: Լավ լուր. մելանինի մակարդակն ավելանում է գարնան ընթացքում, ինչն ապահովում է «ներկառուցված» պաշտպանություն: Բայց այնուամենայնիվ, արևապաշտպան միջոցն ունի կենսական անհրաժեշտություն՝ ֆոտոծերացումը և մաշկի վնասումը, ինչպես նաև գունակային հետքերի, դիմախաղի կնճիռների և հնարավոր մաշկի քաղցկեղը կանխարգելելու համար:
Ի՞նչ անել
Լողալիս կամ բաց տարածքում երկար ժամանակ անցկացնելու դեպքում օգտագործիր SPF 30 և բարձր գործոնով ջրակայուն արևապաշտպան միջոց: Տարածիր այն մաշկի չծածկված հատվածներին՝ չմոռանալով ականջների, պարանոցի, ձեռքերի և ոտքերի մասին: Մենք խորհուրդ ենք տալիս Sun Zone շարքի ցանկացած միջոց և SPF 50-ով NovAge դեմքի մուլտիֆունկցիոնալ պաշտպանիչ քսուքը: Շուրթերի նուրբ մաշկը պաշտպանելու համար խորհուրդ ենք տալիս օգտագործել SPF-ով շրթներկ, օրինակ՝ Giordani Gold ապրանքանիշի SPF 12-ով շուրթերը վերականգնող բալզամը:
Կրիր մեծ արևային ակնոց, որը կխոչընդոտի ուլտրամանուշակագույն ճառագայթմանը: Այն կօգնի պաշտպանել ոչ միայն կոպերը, այլև աչքերի շուրջ հատվածի նուրբ մաշկը:
Հիշիր, որ «անվտանգ արևայրուք» հասկացություն գոյություն չունի: Մաշկի երանգի մգանալը կամ արևայրուքը քո օրգանիզմի՝ ուլտրամանուշակագույնի բացասական ազդեցությանը ուղղված ռեակցիան է:
Անգամ ամպամած եղանակի դեպքում մաշկի բաց հատվածներին տարածիր արևապաշտպան միջոց և լողազգեստի վրայից կրիր զգեստ կամ վերնաշապիկ:
3. ԱՇՆԱՆԸ
Աշնանը մաշկը վնասվում է նվազող ջերմաստիճանի և կենտրոնական ջեռուցման պատճառով՝ դառնալով չոր: Բացի այդ, եթե ուլտրամանուշակագույն ճառագայթումը մաշկը դարձրել է ավելի խիտ ամռանն ու գարնանը, ապա աշնանը այն ներսից քիչ է խոնավացվում:
Ի՞նչ անել
Խնամել մաշկը՝ ելնելով դրա պահանջներից: Եթե մաշկը չոր է ու կոշտացած, ապա պետք է պիլինգ անել ու մերսել այն: Նաև մի՛ մոռացիր առավոտյան և երեկոյան խոնավացնել ու սնուցել մաշկը: Աշնանը մաշկի խնամքի մասին առավել մանրամասն կարող ես ընթերցել մեր հոդվածում:
4. ՁՄՌԱՆԸ
Ձմռանը քո մաշկն առավել ընկալունակ է չորության նկատմամբ, քան տարվա մյուս եղանակներին: Դա կատարվում է տարբեր պատճառներով՝ լինի դա ուժեղ քամի, ցուրտ և կենտրոնական ջեռուցում, որը չորացնում է փակ տարածքի օդը:
Դու կարող ես մտածել, որ ուլտրամանուշակագույն ճառագայթումը ձմռանը չունի մաշկի վրա որևէ ազդեցություն: Սակայն դա ամենևին էլ այդպես չէ: Ձյունն ու սառույցն արտացոլում են ՈՒՄ-ճառագայթները և ապահովում կրկնակի ճառագայթում՝ ուղղակի և անուղղակի (արտացոլում): Ապացուցված է, որ ձյունը կարող է արտացոլել ՈՒՄ-ճառագայթների մինչև 80% , այն դեպքում, երբ ավազը՝ միայն 25%: Այնպես որ, ձեռքի տակ միշտ ունեցիր արևապաշտպան միջոց:
Ի՞նչ անել
Ձմռանը ժամանակն անցկացնում ես հիմնականում փակ տարածքում, քեզ բավական է ունենալ արևապաշտպան միջոց, փրայմեր կամ SPF 20-ով երանգային հիմք:
Եթե դու ավելի շատ գտնվում ես բաց տարածությունում, սիրում ես ձմեռային սպորտաձևեր, ապա դու ստանում ես արտացոլված ՈՒՄ-ճառագայթում: Քեզ անհրաժեշտ է SPF-50 գործոնով միջոց: Մենք խորհուրդ ենք տալիս Sun Zone ապրանքանիշի դեմքի արևապաշտպան միջոց՝ պաշտպանության բարձր աստիճանով (SPF 50):
Սառը քամին կարող է չորացնել շուրթերի նուրբ մաշկը, այդ պատճառով էլ մի՛ մոռացիր SPF-ով սնուցող բալզամի մասին:
