Սեզոնի հիթը․ կոսմետիկ յուղեր

Ի սկզբանե, մազերին յուղ տարածելու գաղափարը այնքան էլ հաջող չի թվում, չէ՞ որ մենք լվանում ենք մազերը՝ հենց ավելորդ յուղից ազատվելու համար։ Սակայն ամեն ինչ փոխվում է, երբ խոսքը գնում է հատուկ մազերի յուղի մասին: Ահա՛, թե ինչու։

ՄԱԶԵՐԻ ԱՌՈՂՋՈՒԹՅՈՒՆԸ
Մազերի յուղն ունի բազմաթիվ օգտակար հատկություններ։ Այն ոչ միայն շատ բարակ շերտով մնում է մազերի վրա (ինչպես այլ կոսմետիկական միջոցները), այլև ներթափանցում մազերի կառուցվածքի մեջ՝ սնուցելով և հաղորդելով առողջ տեսք։ Արգանի յուղը հարստացված է առողջության համար անհրաժեշտ ամինաթթուներով, որոնք ունակ են լրացնել քո մազերի լիպիդային հաշվեկշիռը, ինչի արդյունքում էլ մազերը դառնում են փայլող և ամուր։ Յուղը նաև փակում է մազերի կուտիկուլը, այդ կերպ հնազանդեցնում «չլսող» մազերը։ Քանի որ յուղը կատարյալ լուբրիկանտ է, այն կանխարգելում է խոնավ մազերի խճճվելն և վնասվելը։

ՀԵՇՏ Է ՏԱՐԱԾԵԼ
Մազերի յուղը չափազանց հարմար է օգտագործման համար։ Եթե քո մազերին անհրաժեշտ է յուրահատուկ հոգատարություն, ապա յուղը տարածելու ժամանակ դրանք պետք է լինեն խոնավ։ Եթե ամեն ինչ նորմայի սահմաններում է, ապա տարածեք չոր մազերին։ Ձեռքերի ափերի մեջ լցրեք միջոցի փոքր քանակություն (մոտավորապես միջին մետաղադրամի չափով), և հավասարաչափ քանակությամբ տարածեք մազերի ողջ երկարությամբ։ Կարևոր է խուսափել արմատներին մոտ հատվածներից, քանի որ գլխամաշկն ինքնին արտադրում է բավականաչափ բնական յուղ։ 

 
ՀԱՐՄԱՐ Է ԲՈԼՈՐ ՆՊԱՏԱԿՆԵՐԻ ՀԱՄԱՐ
Որքան էլ պահանջկոտ լինեն մազերը, կարող եք լինել վստահ․ գոյություն ունի յուղ, որն անպայման հարմար կլինի Ձեզ համար։ Մենք կուզենայինք ծանոթացնել այն յուղերին, որոնք մեզ դուր են եկել։ Բազմաթիվ օգտակար հատկությունների շնորհիվ արգանի յուղը հաճախ անվանում են «հեղուկ ոսկի»։ Այս յուղը հարստացված է նաև Е վիտամինով, հակաօքսիդիչներով և առողջության համար անհրաժեշտ ճարպաթթուներով։ Այն բարձրացնում է մազերի էլաստիկությունը, բուժում վնասված մազերը և գունատ մազերին հաղորդում փայլ, իսկ որոշ տվյալների համաձայն նաև խթանում մազերի աճը։

Վարդի բնական յուղը նույնպես շատ հարմար է չոր ու կոտրվող մազերի խոնավացման և ամրացման համար։ Դու կարող ես փորձել դրա արդյունավետությունը՝ փորձելով մազերի խնամքի միջոցներ, որոնք հարստացված են ինչպես արգանի, այնպես էլ վարդի յուղերով (օրինակ՝ Eleo ապրանքանիշից)։

Եթե քեզ անհանգստացնում է գլխի չոր մաշկը, ապա թեյի ծառի յուղը կօգնի ազատվել տհաճ զգացողություններից, կնվազեցնի գրգռվածությունը և կհեռացնի թեփը։ Իսկ կոկոսի յուղը, բացի ֆանտաստիկ հակամանրէային միջոց լինելուց, մազերը խոնավացնում է և ներթափանցում դրա կառուցվածքի մեջ, և անգամ ամենամռայլ օրերը հիշեցնում են տաք ծովի մոտ անցկացրած հանգստի մասին։


Տեքստ Ֆոտո Սոֆիա Մարինյո դե Լեմոս