Անհավանական երկար թարթիչներ. հինգ լայֆհեք

Թարթիչներ ներկելը իսկական պատի՞ժ է: Կեղտոտված վերին կոպ, գնդիկներ, սարդի ոտքեր հիշեցնող տեսարան և թանկարժեք ժամանակի կորուստ. մենք կպատմենք՝ ինչպես խուսափել այս ամենից և թարթիչները դարձնել դիմահարդարման սիրելի շեշտադրումը:

1. ԸՆՏՐԻ՛Ր ՃԻՇՏ ՍԵՎԱՆԵՐԿ
«Հոյակապ վրձին», «ընկերուհունս այսպիսին է», «գովազդում են ցույց տվել» և սևաներկ գնելու էլի հինգ եղանակ, որ քեզ հարմար չէ: Ուշադրությամբ զննիր թարթիչներդ և ընտրի՛ր հենց քեզ հարմար միջոց: Բարակ թարթիչների համար՝ ծավալ, կարճ ու խավավոր թարթիչների համար՝ երկարացում, ուղիղ թարթիչների համար՝ կորություն: Ամեն ինչ ավելի հեշտ է, քան թվում է. մենք նույնիսկ սևաներկի ուղեցույց ենք ատրաստել, որպեսի յուրաքանչյուր աղջիկ կարողանա գտնել հենց իրենը:

2. ԿՈՐԱՑՐՈՒ
Տղամարդիկ դա անվանում են «աչքերի տանջիչ», բյութի-բլոգերներն այն շատ են սիրում, իսկ դու, եթե անկեղծ, պարզապես վախենում ես: Բայց նույնիսկ եթե քո թարթիչները բնականից կոր են, մենք ամեն դեպքում խորհուրդ ենք տալիս փորձել կորացնող ունելին: Թարթիրները չեն պոկվի: Հաջողության գաղտնիքը ճիշտ տեխնիկայի մեջ է: Մի՛ փորձիր մեկ շարժումով ստանալ կորություն, դրա փոխարեն արա մի քանիսը: շարժվիր արմատներից ծայրեր, և շատ թեթև սեղմիր:


3. ՕԳՏԱԳՈՐԾԻՐ ՀԻՄՔ
Հավատա՝ դու չգիտես, թե ինչի է ընդունակ քո սիրելի սևաներկը, քանի դեռ չես փորձել տարածել այն փրայմերի վրա: Հավելյալ քայլն ընդամենը մի քանի վայրկյան կխլի, իսկ արդյունքը... հիմքը ծավալ կհաղորդի, պաշտպանիչ շերտ կդառնա թարթիչների համար և կխնամի դրանք օրվա ընթացքում՝ սնուցող բաղադրիչների շնորհիվ: Կտեսնես՝ սևաներկն ավելի համաչափ կտարածվի և կպահպանվի ողջ օրվա ընթացքում առանց փշրվելու:

4. ՃԻՇՏ ՏԱՐԱԾԻՐ
Մի սպասիր մինչև հիմքը չորանա, միանգամից տարածիր սևաներկը. այսպես փրայմերի սպիտակ գունակը տեսանելի չի լինի: Դանդաղ և խնամքով աշխատիր. վրձինը հպիր թարթիչի արմատներին և թեթև, զիգզագաձև շարժումներով ներկիր թարթիչները մինչև ծայր: Կրկնի՛ր, մինչև ցանկալի արդյունքը կստանաս: Եթե վախենում ես կեղտոտել կոպը, թարթիչի տակ հատուկ տրաֆարետ դիր:

5. ԵՎ ՄԱՔՐԻՐ – ՆԱԵՎ
Ամեն սևաներկի համար ճիշտ մաքրող միջոց ընտրիր, որպեսզի չմաքրես այն թարթիչներիդ հետ: Սովորականը մաքրիր գելով, կաթիկով կամ միցելյար ջրով, ջրակայունը՝ յուղային հիմքով երկփուլ միջոցով, իսկ խոնավադիմացկունի դեպքում հակացուցված է ամեն ինչ, բացի սովորական տաք ջրից: Մաքրելուց հետո տարածիր գել-կոնդիցիոներ՝ հավելյալ սնուցման և ամրացման համար. ցանկացած սևաներկ ավելի լավ է տարածվում առողջ ու խնամված թարթիչներին:  

Տեքստ Ֆոտո Oriflame