Սևաներկերի ուղեցույց

Ծանո՞թ իրավիճակ է՝ սևաներկը հարմար է ընկերուհիներիդ և քրոջդ, սակայն ոչ քեզ: Պետք չէ վշտանալ: Գեղեցկության մեր խմբագիրները կազմել են կարևորագույն արտադրանքի ընտրության ամբողջական ուղեցույց։ Այժմ դու չես սխալվի։

1. ԾԱՎԱԼ
Բոլորիս էլ անհրաժեշտ է երկարություն, ծավալ և կիրառման հստակություն՝ ի հակադրություն գնդերի և միմյանց կպած թարթիչների։ Սակայն հաճախ է այսպես պատահում, երբ սևաներկի պիտակը խոստանում է վիզուալ ևս մի քանի շարք ավելացնել մեր «հարազատ» թարթիչներին: Ուշադրություն դարձրու վրձնին. հենց դրանից է կախված բանաձևի աշխատանքը:  Մենք խորհուրդ ենք տալիս բաժանող վրձնով սևաներկ, որն ապահովում է համաչափ տարածում, ստեղծում է երկարություն, և որպես հավելյալ առավելություն, չի ծանրացնում թարթիչները։

2. ԽՆԱՄՈՂ
Մի՛ շտապիր վազել գեղեցկության սրահ ու թարթիչներ դնել, եթե քոնը փխրուն և բարակ են: Թարթիչներն առողջացնել ու դրանց թափվելը կանխելն ավելի հեշտ է, քան կարծում ես։ Առաջինը՝ քեզ անհրաժեշտ է ծավալ հաղորդող սևաներկ, այն փարթամություն և երկարություն է հաղորդում՝ առանց թարթիչները սոսնձելու: Ուշադրություն դարձրու բաղադրությանը. այն պետք է ներառի բաղադրիչներ, որոնք ապահովում են թարթիչներին անհրաժեշտ խնամքն ու սնուցումը, օրինակ՝ յուղեր: Այդուհանդերձ, եթե թարթիչների թափվելը դառնում է լայնամասշտաբ, անհրաժեշտ է այցելել բժշկի։

3. ՋՐԱԿԱՅՈՒՆ
Սիրո՞ւմ ես լողալ, պաշտո՞ւմ ես վազքը։ Չես պատկերացնում քեզ առանց լեռնադահուկային սպորտից ստացած ադրենալինի։ Քեզ անհրաժեշտ կլինի սևաներկ, որը չի լղոզվում, չի վախենում խոնավությունից, ջրակայուն է և ոգեշնչում է ստանալու սուր զգացողություններ։ Վերջին կետի վերաբերյալ կան կասկածներ, սակայն մնացածը բավականին իրական է։ Նոր տեխնոլոգիաների շնորհիվ՝ մարզասրահ կամ հերթական ակտիվ սպորտաձևերով զբաղվելիս ստիպված չես լինի ունենալ տարօրինակ կամ անսովոր տեսք։

Փորձի՛ր No Compromise շարքի սևաներկերը. եթե թարթիչներիդ անհրաժեշտ է երկարություն և կորություն, ընտրի՛ր կորացնող, եթե փարթամություն՝ ծավալ հաղորդող սևաներկ:

4. ԼԱՅՆ ԲԱՑՎԱԾ ԱՉՔԵՐ
Եթե աչքերդ խորն են կամ ոչ այնքան մեծ, որքան կուզենայիր, ապա երկարություն հաղորդող սևաներկը կստեղծի լայն բացված աչքերի տպավորություն։ Փորձիր The ONE Eyes Wide Openսևաներկը։ Հատուկ մշակված վրձինը թարթիչները կբարձրացնի մինչև ծայրեր և միաժամանակ կկորացնի դրանք։ Ցերեկային դիմահարդարման համար խորհուրդ ենք տալիս օգտագործել նրա փոքր քրոջը՝ The ONE Eyes Wide Open & Awake: Բացի ողջ օրվա ընթացքում աներևակայելի կորությունից, այն նաև խնամում է՝ բաղադրությունում առկա հալվե վերայի և Е վիտամինի շնորհիվ ու հաճույք պատճառում թեթև, թարմ բույրով:

5. ՍԵՎԱՆԵՐԿ-ՍՈՒՊԵՐՀԵՐՈՍ
Մեկ օրվա ընթացքում դու հասցնում ես ամեն ինչ. գրասենյակում բարձրակրունկների վրա սպրինտից մինչև մարզասրահ ու նորաձևության ցուցադրություն: Իսկական սուպերկին: Քեզ անհրաժեշտ է նույնպիսի սևաներկ. գլխապտույտ ծավալ և երկարություն մեկ հպումով, սնուցող բաղադրություն և նորարարական վրձին: Մենք ունենք այդպիսին. փորձի՛ր նոր, մեգածավալ հաղորդող The ONE Wonder Lash XXL 5-ը 1-ում սևաներկը: Կլինիկորեն ապացուցված է՝ այն մինչև 49%  ավելացնում է ամեն թարթիչի ծավալը՝ շնորհիվ արտոնագրված վրձնի, ինչպես նաև խնամում է թարթիչները՝ բաղադրությունում առկա կոկոսի յուղի շնորհիվ: Անպայման փորձիր:

6. ՏԱՐԲԵՐ ԿԵՐՊԱՐՆԵՐ
Սիրո՞ւմ ես փոփոխել կերպարդ: Այդ դեպքում քեզ պարզապես անհրաժեշտ է երազանքի սևաներկը, որը կօգնի փոխել դիմահարդարումը տարբեր ոճով: Օգտագործիր օրիգինալ վրձինը ծավալ հաղորդելու և թարթիչներն առանձնացնելու համար կամ ընտրի՛ր հավելյալ վրձին՝ մեկ կամ մի քանի, չէ՞ որ դրանցից յուրաքանչյուրն ունի իր նպատակը. «անհավանական կորություն», «արհեստական թարթիչների տպավորություն» կամ«գլխապտույտ երկարություն»: Ընտրության բազմազանությունը միշտ էլ հաճելի է:

7. ԶԳԱՅՈՒՆ ԱՉՔԵՐԻ ՀԱՄԱՐ
Սևաներկերի ամբողջ բազմազանության մեջ իսկապես դժվար է գտնել այնպիսին, որ հարմար լինի զգայուն աչքերի համար, միաժամանակ ծավալ ու երկարություն հաղորդի։ Իրավիճակն էլ ավելի է բարդանում, երբ դու կրում ես նաև հպոսպնյակներ։ Գրգռվածությունից խուսափելու համար փնտրիր չեզոք pH-ով սևաներկ և ուշադրություն դարձրու բաղադրությանը, այն պետք է լինի հիպոալերգիկ։ Միայն այդպես քո թարթիչները կստանան անհավանական երկարություն և ծավալ, իսկ դու կխուսափես տհաճ զգացողություններից։

Տեքստ Ֆոտո Oriflame

Գնել

Նմանատիպ հոդվածներ