ԻՆՔԴ ՔԵԶ ՀԵՏ ՀԱՐԱԲԵՐՈՒԹՅՈՒՆՆԵՐ ԶԱՐԳԱՑՆԵԼՈՒ ՀԱՄԱՐ
Քեզ սիրելն ու սեփական որոշումները ճիշտ համարելը նորմալ պրակտիկա է: Այստեղ ամոթալի ոչինչ չկա: Սա խոսում է այն մասին, որ դու արժանի ես լավ վերաբերմունքի, չես հանդուրժում վատը և հարգանքով ես վերաբերվում սեփական ցանկություններիդ ու պահանջներիդ:
ԵՐՋԱՆԿՈՒԹՅԱՆ ՄԱԿԱՐԴԱԿԸ ԲԱՐՁՐԱՑՆԵԼՈՒ ՀԱՄԱՐ
Երբ փորձում ենք հաճոյանալ մյուսներին, կախյալ ենք դառնում շրջապատի գնահատականներից: Չէ՞ որ յուրաքանչյուրն ունի իր կարծիքը լավի ու վատի մասին: Հավատարի՛մ մնա քեզ և արա՛ այն, ինչ օգնում է քեզ երջանիկ զգալ: Մյուսներն ինքնուրույն էլ գլուխ կհանեն:
ՈՐՈՇՈՒՄ ԿԱՅԱՑՆԵԼՆ ԱՎԵԼԻ ՀԵՇՏ ԴԱՐՁՆԵԼՈՒ ՀԱՄԱՐ
Երբ դու միակ մարդն ես, որի ցանկությունների հետ անհրաժեշտ է հաշվի նստել, որոշումներ կայացնելն ավելի հեշտ է: Չենք ասի, որ դու մշտապես կիմանաս՝ ինչ ես ուզում, սակայն կյանքդ վստահաբար ավելի ներդաշնակ կդառնա: Եթե դժվարանում ես ընտրել, հարցրու ինքդ քեզ՝ «Ի՞նչ եմ ուզում»: Ժամանակի հետ դա սովորություն կդառնա, իսկ որոշումներն էլ կընդունես ավտոմատ կերպով:
ՈՐՊԵՍԶԻ ՄՏԵՐԻՄՆԵՐԴ ՈՒ ՀԱՐԱԶԱՏՆԵՐԴ ՀՈԳԱՆ ԻՐԵՆՑ ՄԱՍԻՆ, ՈՉ ԹԵ ՔՈ
Կյանքի պատասխանատվությունը քեզ վրա վերցնել նշանակում է հանել այնտեղից մտերիմներին, հարազատներին ու սիրելիներին: Այլևս չկա ոչ մի փոխկախվածություն: Ամեն մեկը հոգ է տանում իր մասին, և ավելի հեշտ է դառնում ապրել:
ՄՅՈՒՍՆԵՐԻՆ ՍԵՓԱԿԱՆ ԱՆՀԱՋՈՂՈՒԹՅՈՒՆՆԵՐԻ ՀԱՄԱՐ ՄԵՂԱԴՐԵԼ ԴԱԴԱՐԵԼՈՒ ՀԱՄԱՐ
Երբ միայն դու ես պատասխանատու քո կյանքի համար, դու ես պատասխան տալիս ամեն ինչի համար՝ և՛ լավի, և՛ վատի: Հենց այդ պատճառով մյուսներին մեղադրելու անհրաժեշտություն չի առաջանում: Համաձայնիր՝ այդպիսի մարդու հետ հաճելի է շփվել:
