1. ԸՆՏՐԻՐ ԻՆՁ
Հիշո՞ւմ ես այն բլոտտերները, թերթիկները, որոնց վրա ցողում են բույրը խանութում, որպեսզի լսելի լինի բույրը: Այսպես, դրանք գրեթե անօգուտ են: Չէ՞ որ պարֆյումը թղթի և մաշկի վրա տարբեր կերպ է արտահայտվում: Իսկապես բույրը զգալու համար ցողի՛ր այն դաստակիդ կամ մատներիդ ծայրին: Ինչո՞ւ հենց այս հատվածներում: Սրանք այսպես կոչված զարկերակային հատվածներն են, որոնց արյունատար անոթներն ամենից մոտն են գտնվում, դաստակներին և մատների ծայրերին ջերմությունը մի փոքր ավելի բարձր է, քան մարմնի մյուս հատվածներում:
2. ԱՎԵԼԻ ԵՐԿԱՐ ՄՆԱԼ
Պարֆյումը զգայուն զուգընկեր է: Դրա բաղադրության մեջ մտնող բուրավետ և եթերային յուղերի ու սպիրտների մոլեկուլները կարող են հեշտությամբ քանդվել, ինչն էլ առաջացնում է բույր: Օծանելիքների և հարդարաջրերի սրվակները մշտապես պահիր արևի ճառագայթներից, տաքությունից ու խոնավությունից հեռու, իսկ ավելի լավ կլինի պահել մութ, զով վայրում:
Ի՞նչը կերկարացնի պարֆյումի կայունությունը: Առաջինը, մաշկի ճիշտ խոնավացումը. դրա համար օգտագործիր առանց բուրավետիչների նրբաքսուք կամ քսուք ցնցուղից կամ լոգանքից հետո: Երկրորդ, բույրը ցանիր զարկերակային հատվածներում. Դաստակներին, ականջների հետևում, պարանոցի հետնամասում, արմունկի ներքին մակերեսին, ծնկների ետին մակերեսին: Ապա սպասիր երեք րոպե նախքան հագնվելը: Կարող ես բույրը նաև ցողել սանրին, այդպես բանաձևում պարունակվող սպիրտը չի չորացնի մազերը:
Կարևորը. պարֆյումով մի՛ շփիր մաշկդ և մի քսիր դաստակներդ միմյանց: Այսպես դու քանդում ես բույրը: Այն պետք է չորանա ինքնուրույն՝ լիարժեք ներծծվելով մաշկի մեջ:
3. ԱՄԵՆ ԻՆՉ ՃԻՇՏ ԱՐԱ
Բույրը հագուստին ցողելու դարն արդեն անցել է: Այսպես կարող ես հետքեր առաջացնել սիրելի վերնաշապիկի, զգեստի վրա կամ ընդհանրապես փչացնել իրը: Բացի այդ, բույրը հարթ կհնչի, ոչ այնպես, ինչպես մաշկի վրա, չէ՞ որ մարմնի ջերմաստիճանը փոփոխվում է օրվա ընթացքում: Մենք խորհուրդ ենք տալիս պարֆյումը կամ հարդարաջուրն օգտագործել միայն մարմնի վրա, իսկ որպեսզի սիրելի բույրը քեզ հետ լինի ողջ օրվա ընթացքում, հաճախակի թարմացրու այն և հետևիր մեր խորհուրդներին:
