ՎԻՏԱՄԻՆՆԵՐԻ ՈՒՂԵՑՈՒՅՑ
А վիտամին։ А վիտամինն անհրաժեշտ է մաշկի առողջության լավ տեսողության, դիմադրողական համակարգի գործունեության, ինչպես նաև աճի համար։ Մեր օրգանիզմն А վիտամինում արտադրում է բետա-կարոտին (կարմիր գունակ, որով հարուստ են մրգերն ու բանջարեղենը) անհրաժեշտ քանակությամբ, այդ պատճառով կարիք չկա անհանգստանալ այն մասին, որ կարող ես չափաբաժինը բարձրացնել։
Ի՞նչ է անհրաժեշտ ուտել։ Տերևային բանջարեղեն, գազար, ծիրան, կաթնամթերք, հավկիթ և ձուկ։
В վիտամին։ Գոյություն ունի В վիտամինի 8 տեսակ, որոնք պատասխանատու են նյութափոխանակության, ներվային և մկանային համակարգի գործունեության, ինչպես նաև բջիջների բաժանման համար։ B վիտամինը հեշտ է քայքայվում մթերքը մշակելիս, այդ պատճառով այն մարդիկ, ում սննդակարգը մեծամասամբ ներառում է վերամշակված մթերք, հաճախ ունեն այս վիտամինի պակաս։
Ի՞նչ է պետք ուտել։ Հում բանջարեղեն և միրգ, ընկույզ, հավկիթ, միս և ձուկ։
С վիտամին։ Այս ամենահայտնի վիտամինը հզոր հակաօքսիդիչ է և էական դեր ունի շարակցական հյուսվածքում կոլագենի սինթեզման համար։ Այդ պատճառով այն չափազանց անհրաժեշտ է մեր մաշկի, ատամների, ոսկորների և արյունատար անոթների առողջության համար։ Այն նաև օգնում է օրգանիզմին սննդից ստանալ երկաթ։
Ի՞նչ է պետք ուտել։ Միրգ, հատապտուղներ, կանաչի և արմատապտուղներ։
D վիտամին։ D վիտամինի ամենակարևոր աղբյուրը արևային լույսն է։ Իզուր չէ, երբ ասում են արևի տակ կեսժամյա զբոսանքը հավասարազոր է տաս բաժակ կաթի։ D վիտամինը մեզ անհրաժեշտ է կալցիումը մարսելու, ինչպես նաև մկանային և դիմադրողական համակարգի ճիշտ գործունեության համար։ D վիտամինի պակասը կարող է հանգեցնել ոսկրային համակարգի հիվանդությունների, այդ պատճառով չափազանց կարևոր է այն ստանալ բավարար քանակությամբ։
Ի՞նչ է պետք ուտել։ Յուղոտ ձուկ և հավկիթի դեղնուց։
Е վիտամին։ Հակաօքսիդիչ, որը բջիջները պաշտպանում է ազատ ռադիկալների ազդեցությունից։ Այն աշխատում է С վիտամինի հետ միասին։
Ի՞նչ է պետք ուտել։ Ընկուզեղեն, հավկիթ, կանաչի, հացազգիներ։
К վիտամին։ К վիտամինը պատասխանատու է արյան մակարդման, ինչպես նաև ոսկրային հյուսվածքների վերականգնման համար։ Աղիքներում ապրող մանրէներն արտադրում են К վիտամին, սակայն այն անհրաժեշտ է ստանալ նաև սննդի հետ։
Ի՞նչ է պետք ուտել։ Կանաչ բանջարեղեն (բրոկոլի, սպանախ, բրյուսելական կաղամբ)։
ՀԱՆՔԱՆՅՈՒԹԵՐԻ ՈՒՂԵՑՈՒՅՑ
Կալցիում։ Կալցիումն անհրաժեշտ է ատամների և ոսկորների առողջության համար։ Այն մասնակցում է մկանային և նյարդային համակարգի գործունեության կառավարման ժամանակ, ինչպես նաև անհրաժեշտ է արյան մակարդման համար։
Ի՞նչ է պետք ուտել։ Կանաչ բանջարեղեն, նուշ, միրգ և կաթնամթերք։
Մագնիում։ Մագնիումը մասնակցում է օրգանիզմում ավելի քան 3 նյութափոխանակման գործընթացներին՝ ներառյալ էներգիայի արտադրությունը, սիրտ-անոթային և մկանային համակարգերի գործունեությունը։ Մագնիումի պակասը բավականին տարածված խնդիր է։
Ի՞նչ է պետք ուտել։ Կանաչ բանջարեղեն, ընկուզեղեն (նուշ, կեշյու), ունդ և հացահատիկ։
Սելեն։ Սելենը մասնակցում է հակաօքսիդիչ էնզիմների սինթեզմանը, որոնք մեր օրգանիզմը պաշտպանում են ազատ ռադիկալների քայքայիչ ազդեցությունից։ Սելենի պակասը հանգեցնում է դիմադրողական համակարգի թուլացման ու սրտի հետ խնդիրներին։
Ի՞նչ է պետք ուտել։ Հացազգիներ, սնկեր և ձուկ։
Ցինկ։ Ցինկն անհրաժեշտ է դիմադրողական համակարգի նորմալ գործունեության համար։ Այն օրգանիզմին օգնում է լավացնել վերքերը, քայքայում է ածխաջրերը, պատասխանում մաշկի առողջության համար, ինչպես նաև մասնակցում է տեսողական, համի և հոտի ընկալման գործընթացներին։
Ի՞նչ է պետք ուտել։ Ընդեղեն (քունջութ, արևային և դդմի սերմեր), ընկուզեղեն, միս, ոսպ և սնկեր։
Յոդ։ Յոդը անհրաժեշտ էլեմենտ է վահանաձև գեղձի աշխատանքի համար, որը կառավարում է օրգանիզմի նյութափոխանակության, աճի, զարգացման և վերարտադրողականության գործընթացները։ Յոդի պակասը կարող է առաջացնել մտավոր խանգարումներ։
Ի՞նչ է պետք ուտել։ Աղ, ջրիմուռներ, ծովամթերք, կարտոֆիլ, թթվեցրած կաթնամթերք և հավկիթ։
Պղինձ։ Պղինձն անհրաժեշտ է կենտրոնական նյարդային համակարգի աշխատանքի համար՝ էներգիա սինթեզելիս և մելանին արտադրելիս։ Այն նաև մասնակցում է կոլագենի և էլաստինի արտադրության ժամանակ, և բացի այդ պատասխանում շարակցական հյուսվածքի վիճակի համար։
Ի՞նչ է պետք ուտել։ Ընկուզեղեն, սերմեր, հացազգիներ, սնկեր։
Երկաթ։ Երկաթն անհրաժեշտ է կարմիր արյունային մարմինների ձևավորման համար, որոնք իրենց հերթին պատասխանում են օրգանիզմով թթվածինը տեղափոխելու համար։ Երկաթի պակասի դեպքում առաջանում է անեմիայի զարգացման ռիսկ։
Ի՞նչ է պետք ուտել։ Ոսպ, ընդեղեն, ելակ և կարմիր միս։
ՃԱՐՊԱԹԹՈՒՆԵՐ
Օմեգա 3։ Մեր օրգանիզմը չի կարող ինքնուրույն արտադրել ոչ միայն վիտամիններ, այլև Օմեգա 3 ճարպաթթուներ, այդ պատճառով դրանք անհրաժեշտ է ստանալ սննդի հետ կամ սննդային հավելումների տեսքով։ Օմեգա 3-ն ունի հակաբորբոքային ազդեցություն, նվազեցնում է սիրտ-անոթային հիվանդությունների, հոդաբորբի և ուռուցքների ռիսկը։ Օմեգա 3-ը աջակցում է տեսողական և ուղեղի գործունեությունը։
Ի՞նչ է պետք ուտել։ Յուղոտ ձուկ (թյունիկ, իշխան և սաղմոն), կտավատի սերմեր, հունական ընկույզ, Օմեգա 3 պարունակող սննդային հավելումներ։
