ՄԻՖ № 1. «ԱՅՍՕՐ ԵՂԱԱԿԸ ԱՄՊՈՏ Է, ՍԱ ՆՇԱՆԱԿՈՒՄ Է, ՈՐ ԱՐԵՎԻՑ ՊԱՇՏՊԱՆՎԵԼՈՒ ԱՆՀՐԱԺԵՇՏՈՒԹՅՈՒՆ ՉԿԱ»
Մաշկի քաղցկեղի դեմ պայքարի ֆոնդի համաձայն՝ արևի 80% ճառագայթների համար ամպերը խոչընդոտ չեն, այդ իսկ պատճառով անգամ ամպամած եղանակին անհրաժեշտ է օգտագործել 15 արևապաշտպան գործոնով միջոցներ:
ՄԻՖ № 2. «ԻՄ ՄԱՇԿԸ ԹՈՒԽ Է, ԻՆՁ ԱՆՀՐԱԺԵՇՏ ՉԷ ԱՐԵՎԻՑ ՊԱՇՏՊԱՆՈՒԹՅՈՒՆ»
Թուխ կամ մուգ մաշկը չի այրվում այդքան արագ, ինչպես առավել բաց տիպը, սակայն ամեն դեպքում նրանց նույնպես անհրաժեշտ է պաշտպանություն: Ինչո՞ւ: Որովհետև թեև մաշկը մուգ է և չի կարմրում, այն նույնպես վնասվում է և ցավում արևային այրվածքի դեպքում: Եվ չնայած թուխ մաշկ ունեցողները մաշկի քաղցկեղի ավելի քիչ հակում ունեն, նրանց ավելի դժվար է տալ ախտորոշում, ինչն էլ լրջորեն դժվարացնում է բուժումը: Այդ պատճառով մտածի՛ր անվտանգության մասին և պաշտպանի՛ր քեզ արևի ճառագայթներից:
ՄԻՖ № 3. «ՈՐՔԱՆ ԲԱՐՁՐ Է SPF ԱՍՏԻՃԱՆԸ, ԱՅՆՔԱՆ ԱՊԱՀՈՎ Է ԱՐԵՎԱՅԻՆ ՃԱՌԱԳԱՅԹՆԵՐԻՑ ՊԱՇՏՊԱՆՈՒԹՅՈՒՆԸ »
Արևապաշտպան գործոնը (SPF) չի ենթադրում պաշտպանության քանակ: Այն ցույց է տալիս, թե քո մաշկը՝ համեմատած չպաշտպանված մաշկի հետ, որքան դանդաղ կկարմրի՝ արևային ուլտրամանուշակագույն ճառագայթների ազդեցության ներքո: Եթե քո մաշկն առանց պաշտպանության կարմրում է 30 րոպեի (տեսականորեն) ընթացքում, ապա SPF 15-ով կոսմետիկ միջոցը այս ժամանակահատվածը կերկարացնի 15 անգամ:
Նախկինում կարծում էին, որ մաշկը վնասում են միայն միջին ալիքային դիապազոնի ուլտրամանուշակագույն՝ այսպես կոչված ՈՒՄ-Բ ճառագայթները: Իսկ իրականում անհրաժեշտ է պաշտպանվել ՈՒՄ-Ա ճառագայթներից (երկար ալիքային դիապազոն): Քանի որ ոչ մի միջոց չի կարող ապահովել ամբողջական պաշտպանություն, պետք է ձեռնարկել հավելյալ նախազգուշական միջոցառումներ: Արևային օրը կրել գլխարկ, արևային ակնոց և ավելի հաճախ լինել ստվերի տակ:
ՄԻՖ № 4. «ԱՐԵՎԱՊԱՇՏՊԱՆ ՔՍՈՒՔԻՑ ԻՆՁ ՄՈՏ ԱՌԱՋԱՆՈՒՄ Է ԳՐԳՌՎԱԾՈՒԹՅՈՒՆ
Եթե արևապաշտպան քսուքն առաջացնում է գրգռվածություն՝ունիվերսալ լոսյոնների փոխարեն օգտագործիր միջոցներ, որոնք ստեղծված են հատուկ դեմքի համար: Ընտրի՛ր այն բաղադրությունը, որն առավելագույնս հարմար կլինի քո դեմքին: Ջրային հիմքով թեթև միջոցները դեմքի վրա չեն առաջացնի անցանկալի փայլ: Ամենօրյա օգտագործման համար օգտագործիր դեմքի հատուկ քսուք, որը արևապաշտպան գործոն ունենալուց զատ կլուծի նաև մաշկի յուրահատուկ խնդիրները: Այս առումով մեր նախապատվությունը տալիս ենք «Բիոկլինիկ» SPF 45 դեմքի գույնը համաչափ դարձնող ցերեկային խտաքսուքին:
ՄԻՖ № 5. «ԱՐԵՎԱՊԱՇՏՊԱՆ ՄԻՋՈՑՆԵՐԸ ՉՈՒՆԵՆ ՊԻՏԱՆԵԼԻՈՒԹՅԱՆ ԺԱՄԿԵՏ»
Արևապաշտպան միջոցները, որոնք դու օգտագործել ես տարիներ առաջ, ամենայն հավանականությամբ պիտանի չեն: Ստուգի՛ր փաթեթավորման վրա նշված ժամկետը:
ՄԻՖ № 6. «ԵՐԲԵՄՆ ԿԱՐԵԼԻ Է ՍՏԱՆԱԼ ԱՐԵՎԱՅՐՈՒՔ ՍՈԼՅԱՐԻՈՒՄ»
Չի՛ կարելի: Սոլյարիում քո մաշկից սանտիմետրերի հեռավորության վրա արտադրվում է 12 անգամ ավելի շատ ուլտրամանուշակագույն ճառագայթ, քան ամառային շոգ օրվա կեսօրին: Սոլյարիներն առաջացնում են ոչ միայն գունակավորում և կնճիռներ, այլև հանգեցնում մաշկի քաղցկեղի առաջացմանը: Եթե մինչև ամռան գալուստը ունես բրոնզագույն մաշկ ունենալու մեծ ցանկություն, օգտագործի՛ր ինքնարևայրուքի միջոցներ:
D վիտամինը անհրաժեշտ է առողջության համար: Այն բացառիկ է նրանով, որ մեր օրգանիզմն ինքը կարող է արտադրել այն արևի ճառագայթների ազդեցության տակ, ինչի համար բավական է օրական 15 րոպե արևի տակ քայլելը՝ օգտագործելով SPF-ով պաշտպանիչ միջոցներ: Մենք խորհուրդ ենք տալիս D վիտամինն ընդունել սնունդի հետ: Այն առկա է կաթնամթերքի, յուղոտ ձկան (օր.՝ թյունոս կամ սաղմոն), ինչպես նաև սննդային տարատեսակ հավելումների և վիտամինների մեջ:
