Պատրաստվում ենք ձմռանը. մաշկի խնամք` նորովի

Հարմարավետ երեկոներ տանը, թեյ, սիրելի սերիալ. աշնանը շտապելու տեղ չկա: Բայց եթե ամեն դեպքում պետք է կտրվես բազմոցից ու փողոց դուրս գաս, խորհուրդ ենք տալիս պատրաստել դեմքի և մարմնի մաշկը սեզոնային փոփոխությանը:

ՕԳՏԱԳՈՐԾԻ՛Ր ՊԱՇՏՊԱՆԻՉ ՔՍՈՒՔ
Փողոցում ցուրտ քամին կարող է բացասաբար ազդել մաշկի վրա: Ժամանակն է փոխելու հիմանական խնամքը. նրբաքսուքի փոխարեն ընտրի՛ր շիի յուղով, հիալուրոնաթթվով կամ E վիտամինով հարուստ սնուցող քսուք: Այդպիսի կառուցվածքը կվերականգնի, կխոնավացնի և կպաշտպանի մաշկը:

ԸՆՏՐԻ՛Ր ՏԱՔ, ԲԱՅՑ ՈՉ ԵՌՄԱՆ ՑՆՑՈՒՂԸ
Որքան ցածր է ջերմաստիճանը դրսում, այնքան ավելի ես ցանկանում լոգանք կամ ցնցուղ ընդունել: Սակայն տաք ջուրը չորացնում է մաշկը: Առողջ դատողություն 1. ցնցուղ ընդունել տաք ջրով, բայց ամեն օր: Առողջ դատողություն 2. օգտագործել խոնավացնող քսուք պրոցեդուրայից հետո: Առողջ դատողություն 3. տաք լոգանք ընդունել շաբաթական մեկ անգամ, օրինակ՝ հանգստյան օրերին, երբ լիցքաթափվելու կարիք ես զգում:

ՁԵՌՆՈՑՆԵՐ ԴԻՐ (ՄԻՇՏ)
Ոչ մեկին դուր չի գալիս, երբ ձեռքերի մաշկը դառնում է չոր ու կոշտացած: Հենց այդ պատճառով աշնանային սեզոնը ճիշտ սկսիր, ձեռքերի սնուցող քսուքը պայուսակումդ պահիր և միշտ ձեռնոցներ կամ թաթմաններ դիր: 

ԳՆԻ՛Ր ՕԴԻ ԽՈՆԱՎԱՑՈՒՑԻՉ
Ոչ միայն սառը օդը կարող է գրգռել մաշկը: Օդորակիչները չորացնում են օդը շինության ներսում, հենց այդ պատճառով մտածի՛ր աշխատավայրում օդի խոնավացուցիչ ունենալու մասին, հաճախ թաց մաքրում արա և կարգավորի՛ր տանը մարտկոցների հզորությունը:

ՄԻՋՈՑՆԵՐ ՁԵՌՆԱՐԿԻՐ
Եթե արդեն դժբախտությունը պատահել է, և մաշկիդ վրա հայտնվել է գրգռվածություն, արտակարգ միջոցներ ձեռնարկիր: Քեզ անհրաժեշտ կլինի փռնչուկով և ձիակասկով NovAge դեմքի կարմրության դեմ քսուքը: Այս միջոցը ակնթարթորեն նվազեցնում է կարմրությունը, բարելավում է դեմքի գույնը և երանգը: Ժամանակի հետ կարմրության դեմ ազդեցությունն ավելի նկատելի է դառնում, մաշկի պաշտպանիչ պատնեշն ամրանում է:

 

Տեքստ Ֆոտո Oriflame, Adobe Stock

Նմանատիպ հոդվածներ